Aposelme 8:9 - Mengen

⁹ Na ka apanung te a giana nge Saimon ke momo nga maga kunna laeala. Ba ka kae palu tapu na apanung laeala ke pamagio raumane re ngae Sameria ka kumangngana e nga masing. I ke roma i a agau te e bollau.

Aposelme 8:9 ပူးပေါင်းရင်းမြစ်များ

Aposelme 13:6

Keke pature taongarea nga nuta laeala bavana te, na keke tao bavakena eke lele nga nuta bavana tetoto nga maga kunna e bollau a giana nge Papos. Na keke lele nga Iura te ora i a masingkana a giana nge Bara-Iesus. I ke momo nga maga kunna laeala e bollau ba ka i a poropet a goanga te.

Aposelme 5:36

Nga lomiaugaliu ta agau ama giana kae Tiuras e lele ka kae re pala ba i ame rorole roma i a agau te a bollau, ba ragau ka ri base ma 400 keke pagiu kala nge i. Ava ragau palu keke balia na ke mate, ba reke lolakurumea keke kaka kalaoka. Na taonganame keke rongo bavakena.

Pangamologa E Pe Ae Ion Paꞌe 7:18

Agau e patomane pangamologa ka i muni lonamatanangana ke bai ta kiningpataenge i muni giana, ava agau e umma ta kiningpataenge i e baꞌe giana ka ora kaomannmannangana kia, ba ka sana bainga te e soali nge i.

Aposelme 8:11

Ba keke loakurumea ta, ka kae papatu tapu, na i ke pamagio rea raumana ka kumangngana re nga masing.

Pangapota 22:15

Ava ragau ra baingarea ra mukurea keke la momong ngapotu, ba ragau ra masingkana, ba ragau reke enno kala nga ravale ra sana ri ra nareapengana memena o rapanung ra sana ri ra nareatale memena, ba ragau reke umma ta balingpune ragau, ba ragau reke kavkava ta nutu ra goanga, ba ragau kinung reke materaumane pangamologa e nga goanga ba keke goga, ra nginngina kinung ke sane ke la loangalu ta maga kunna laeala e bollau.

2 Pita 2:18

Iau ka role minmina kurumea, ra pangalomatanakana nginngina ra goanga keke rorolea pangamologa re nga mulianga onra ragau ke matea raumana ta longa rea. Ka ri ra pangamologa onra ragau loreamatengana ra mukurea onreke sosoali raumana ke mate rea. Keke kuma minmina ta baina ri ngeke ute ragau reke paturu pau ta kangapatali nga reke loakurumea taonga e sane tupu.

2 Timoti 3:5

Ka ri ra ragau reke pakosining ka bainga e nga loangakurumea Nutu nga mirarea ina re ngapotu, ava ka sana loreapatokona ngallo nge ri roma, bainga laeala ka kana ka gingginga mannangana. One ngo momopatali nga ragau matana nginngina.

2 Timoti 3:2

Iau ka role minmina kurumea, nga kae nginngina re ngarume na ragau keke la matengraumanange ri muni, ba keke la matengraumanange lollokanna. Ba ka la ri ra ragau ra muliangakana, ba ragau reke puli rea muni ngailu raumana nga ragau pattoto, ba ragau ra rolengbaingakana, ba ragau reke longosasa ta tamarea ba nareamemena, ba ragau reke sane ke kalapage Nutu kurumea oru ra i tungu rea te ri, ba ragau reke bali ka giarea ta bainga rae Nutu mate rea.

2 Tesalonaika 2:4

Ka i a agau laeala ore la avanga ta i sanangkalange Nutu. Ba ke la ulongpataea i muni giana ngailu nga orume kinung ra ragau ke pato rea ka nutu rae ri, ba orume kinung ra ri ke kalapagpaga rea. Minmina na i ke la pangatare i muni nga tempel ae Nutu, na ke la patonge i muni kae Nutu.

Aposelme 13:8

Ava masingkana laeala a giana nge Bara-Iesus ora Girikme ke patoe kae Elimas ke sanangkala rea. Ba i ke amva ta pangataopange kelangpatali ta baina i nga manenasa lonapatokona te Iesus.