1 Pita 2:6 - Mengen

⁶ Iau ka role minmina kurumea, pangamologa rae Nutu kanna eke pa rea pala nga Lau Ae Nutu Kanna keke role roma, “Ngaka kele. Iau ka ule lollo te ngae Saion. Ka i a lollo a iau tore ora kunna bollau raumana nga ragugu. Ka i a lollo e nga maisinggingging ka bale. Ba agau a lonapatokona te i sane la ravunge balenga.”

1 Pita 2:6 ပူးပေါင်းရင်းမြစ်များ

Matiu 12:18

“Aekia ka i a barangalele a iau tore. Ka i a agau a iau materaumane, ba ka i a agau a baingana pe raumana nga ragugu. Iau ka la ulonge Kannu ae iau nge i, na i ke la pulingmalagange pangamologa e ta kalingnana ae iau e tupu e ngarume ta ragau ra sana ri ra Iura.

Pangamologa E Pe Ae Mak Paꞌe 12:10

Ke meimia, miau ka sana ka kele pangamologa laeala eke paꞌe pala nga Lau Ae Nutu Kanna ae? Ke role roma, “‘Lollo ama ra popongpita ke tangulelea ke lele i a lollo kena a kana ka gingginga ma maisi e maisgingging ka bale;

Pangamologa E Pe Ae Luk Paꞌe 20:17

Nae Iesus ke kelanana rea ba ke ballaga rea roma, “Ava pangamologa laeala ameke paꞌe pala nga Lau Ae Nutu Kanna ka mirana mina ngaetai ineke pa roma, ‘Lollo ama ra popongpita ke tangulelea ke lele i a lollo kena a kana ka gingginga ta maisinggingging ka bale’?”

Pangamologa E Pe Ae Luk Paꞌe 23:35

Na ragau keke maisinsi eke elle. Ba re kapunu ngae Iurame keke rorolepagabainga kia ka rolengarea roma, “One ko ravulelea ragau pattoto. Na ngaroma one ae Karais a agau ae Nutu tore ka kaomannmannangana, na inta one ngo ravulele one muni.”

Pangamologa E Pe Ae Ion Paꞌe 7:38

Na me reke potpotu beke mauli keke la potungmalaga nga agau a lonapatokona te iau lona. Ollaeala ke loakurumea pangamologa ra ri ke pa rea pala nga Lau Ae Nutu Kanna.”

Aposelme 1:16

na i ke pamologa roma, “Kolingau memena, Kannu E Tupu ke pulimalage pangamologa e te Iuras nga Revit kaona nga Lau Ae Nutu Kanna pala. Ba pangamologa laeala ke lele ka kaomannmannangana kurumea Nutu lonangana. Bae Iuras ka i a agau e taoamuga ka ragau reke laue Iesus ba ka i agau te ngaliua nge ita kurumea, Iesus ke pulia ta i taonga kala nge ita bole.”

Lau Ae Pol Paꞌe Ta Re Ngae Rom 10:11

Ollaeala ke loakurumea pangamologa e te Karais a ri ke paꞌe pala nga Lau Ae Nutu Kanna ore role roma, “Agau a lonapatokona te i sane la ravunge balenga.”

Epesus 1:4

Ba bole, pala nganige ka ine sane koipage oru re nga mogalo laekia e ngape tale, na i ke toro ita ba ke pagiu ita kala nge Karais. Ke toro ita ta baina nga ita ra ragau reke tupu nga raguna, ba ragau onra sana agau te totorong ta i patongo rea ka bainga te e soali.

Epesus 2:20

Miau ka tongamiau kena ma bale te orae Nutu kumapai kia nga lollome. Ba lollo nginngina ka ri ra aposelme ba ragau reke toe Nutu kaona re pala. Bae Karais Iesus muni ka i a lollo kena a kana ka gingginga ta maisinggingging ka bale laeala.

2 Timoti 3:16

Nutu ke tunge pangamologame kinung reke momo nga Lau Ae Kanna. Ba pangamologa nginngina ka karea ka gingging ta pangalomatanange ragau, ba ta sagingpita rea, ba ta pangatupu rea, ba ta pangaginggingi rea ta ri taongakurumea bainga reke tupu nge Nutu raguna.

1 Pita 2:4

Miau ngaka atu te Avolau a tongana kena ma lollo e momomauli passavele. Ka i a lollo a ragau ke tangulelea avae Nutu ke tore, ba lollo ora kunna e bollau raumana nga raguna.

1 Pita 2:8

Ba pangamologa tetoto ke role bole roma, “Ka i a lollo ore bavai ka ragau ta ri tagange kaerea, ba lollo puna ore bavai kerea ta ri sanangkalange.” Ba iau ae Pita ka la roleng kamiau roma, ragau keke tage kaerea nga lollo laeala kurumea, ri ka sana omorea ta longa ta pangamologa e te Karais ora ragau ke pulimalage te ri. Bae Nutu ke puli rea ta ri nga omoreasa ta longa ta pangamologa laeala bole.

2 Pita 1:20

Ava kapunu na miau nga lomiaumatana masi ka pangamologa ra reke toe Nutu kaona kanrea onreke pa rea pala nga Lau Ae Nutu Kanna. Nga lomiaumatana roma, agau te nga manenasa pangananange pangamologa nginngina mirarea kurumea lonangana mana.

2 Pita 3:16

I ke papa minmina nga lau ra kanna kinung nga ine nge role ta oru nginngina. Ba pangamologa palu reke momo nga lau ra kanna keke isopa ta ragau loreamatana ki. Ka ri ra pangamologa onra ragau re sane ke rave lomatana be sane ke gingging ke kampalpililiu rea. Ba ri keke kumkuma minmina mana ka pangamologa pattoto reke momo nga Lau Ae Nutu Kanna. Minmina na keke sale pamau e nga ri muni rongareangana.