1 Ion 5:3 - Mengen

³ Iau ka role minmina kurumea, ngaroma ita ngaka lolakurumea bangapaga ra Nutu kanna, na bainga laeala ke la pangakosining roma, ita kaka materaumane Nutu mannangana. Ba bangapaga ra kanna ke sane ke maena raumana.

1 Ion 5:3 ပူးပေါင်းရင်းမြစ်များ

Matiu 23:4

Keke ligoe ligongpita reke maena raumana na keke patololoea ragau ki, ava ri muni ka sana omorea ta kalange kamarea ririna te mana ta paunga rea.

Pangamologa E Pe Ae Ion Paꞌe 14:15

“Ngaroma miau ngaka materaumana iau, na ngaka longo ta bangapaga ra kanau.

Pangamologa E Pe Ae Ion Paꞌe 15:10

Ngaroma miau ngaka longo ta bangapaga ra kanau, na kaka la kalangapita nga matengraumana ngaungana kamiau. Ollaeala ka tongana kena mana ma ina iau longo ta bangapaga rae Tamau kanna, ba ka kalapita nga matengraumanangana kau.

Pangamologa E Pe Ae Ion Paꞌe 15:14

Ngaroma miau ngaka lolakurumea oru ra iau bapaga miau ki, na ka miau ra kolingau memena.

Lau Ae Pol Paꞌe Ta Re Ngae Rom 7:12

Minmina na Bangapagame keke tupu. Ba bangapaga kenakena rae Nutu kanna keke tupu ba ka kaomanna ki, ba keke pepe.

Lau Ae Pol Paꞌe Ta Re Ngae Rom 7:22

Iau ka role minmina kurumea, iau ka lausereng ta loangakurumenge bangapaga rae Nutu kanna ngallo nge iau.

Iburume 8:10

Ba iau ae Avolau nga role roma, piunga ba bonga laeala a iau la kumangng kia kala nga ragau re ngae Israel ka kae laeala e ngarume ke la momong minakai roma: Iau ka la pulinge bangapaga ra kanau ngallo nga ramareame, ba ka la panga rea ngallo nga loreame. Ka la iau ae Nutu ae ri, ba ka la ri ra ragau rae iau.

1 Ion 2:3

Ba oru e pakosining te ita roma, ita ka loramatana kae Nutu mannangana minakai roma: Ngaroma ita ngaka lolakurumea bangapaga ra kanna.

2 Ion 1:6

Ba bainga e nga palingmatengraumana ita ka mirana minakai roma: Ita ngaka tataokurumea bangapaga rae Nutu kanna. Ba bangapaga a miau ka longe ina miau lomiaupatokona te Karais pau ke role roma, miau ngaka tataokurumea bainga e nga palingmatengraumana miau.