Mbari e Like 24:47 - Obamba Kiwoyeti (mdt) NT Portions

⁴⁷ Ma adze otooso mbari o nkuumi e nde, ma esi eso. Baari akaala eku, nde oboloho ambiini a bo, ma obaana o Zerizaleme.

Mbari e Like 24:47 ပူးပေါင်းရင်းမြစ်များ

Mbari e Like 13:34

«Zerizaleme, Zerizaleme, we abumaŋa awobi a mbari e Ndziami. We abuma ma akele a Ndziami atumi we. Antini kuna me ema dia okusaha baana a we, mva okari a ntsusu akusaha baana ma ntsusu ntsina apaabi a nde, ŋa be leka adia ni!

Dzandza 10:43

Awobi a Mbari e Ndziami aso aduhi o nde ndi, mpini mvuuru alehe oyalihi o nkuumi e Zezi, abolihi ambiini a nde.»

Dzandza 11:18

Bo ayuha mbari dzia, aya pi. Bo na nde ndi: «Lekuma leka na Ndziami! Ee dzaa dzaa, baari ma ali ka Azife ni ma buuna okaala lebihi le bo. Bo se ma anyuniŋa ntsa lebihi. Ndziami mvuuru ampa bo lengulu lia.»

Dzandza 13:46

Pole bla Barnabase aya ma wobo bla lila leso ndi: «Eki obaana otooso mbari e Ndziami ŋa na be ma Azife. Ŋa be lemi kemeŋe yo. Be se lema bisa lebihi le mbumbu. Kia obila eli bisi lema adze ŋa mpili e baari ma ali ka Azife ni.

Dzandza 2:38

Piere okaali na bo ndi: «Lekaala eku, ŋa be mvuuru na mvuuru oyaha ateeme, o nkuumi e Zezi Krisi. Mo bu ndi aboloho ambiini a nde, ŋa be se lebaha puha Oduduma Santi.

Dzandza 20:21

Me emi tsuolo Azife bla baari ma ali ka Azife ni, ma oyalaha Ndziami, na ma oyalaha Zezi a Nkumu.

Dzandza 26:18

Ŋa we onaana bo miisi, bo atsuuha ntsa lempiibi bo aya na avuriha ma oyalala. Bo ma aka ma ka o ntsina onkumu o Sata ni. Ŋa bo ma aya na vuriha na e Ndziami mo bu ndi aboloho ambiini a bo. Bo se abaha o bo obari o wanda bla baari ma ali epeende o bila ma oyalihi o bo o ma me.”»

Dzandza 26:20

Ŋa me ebaani otooso na asi Damase, bla Zerizaleme na asi Zide bla baari ma ali ka Azife ni mbri: “Lekaala eku e be, be leyalaha Ndziami. Lesa maami ma ave ma olaha mbri be lemi kaala eku.”

Dzandza 28:28

Pole oluusi ndi: «Ove be ledziabi dzaa mo ntu. Ndziami atumi Ntsia e Mve ovusihi, mo baari ma ali ka Azife ni. Bo ma adze oyuha nde!» [

Dzandza 3:19

Lekaala eku e be, be leyalaha Ndziami, ŋa Ndziami odiisa ambiini a be.

Dzandza 4:12

Obila Ndziami aka mpa nkuumi nkima na baari ma o muo o yula ntsie e vusuha saabe ni.»

Dzandza 5:31

Ndziami amakuusa nde, amatsuusa nde o kuoho o nde olumi. Zezi Nkumu, nde se ovusihi akaala eku e baari a Isayele, nde se oboloho ambiini a bo.