Dzandza 9:27 - Obamba Kiwoyeti (mdt) NT Portions

²⁷ Barnabase oyahi Sole obiri nde mpili antuma. Na bo ndi: «O ndzila Sole omoni Nkumu. Nkumu se owobi na nde. Sole otoosi kuumi e Zezi na lila leso o Damase.»

Dzandza 9:27 ပူးပေါင်းရင်းမြစ်များ

Dzandza 11:22

Baari ma okuha a Zerizaleme ayuhi dzaa dzia. O ŋa bo atumi Barnabase Antiose.

Dzandza 11:25

Emana barnabase oyeni onguundu o Tarse na asaha Sole.

Dzandza 12:25

Ntini e Barnabase bla Sole ma amani dzandza e bo o baari a Zerizaleme, bo avurihi, abiri Zan ma tsuoloho o Marke bla bo.

Dzandza 13:2

Tsuhu mo bo ama kusaha abuha ma ovuono na leka le ongerehe, ŋa Oduduma Santi oduhi na bo ndi: «Lenyila Barnabase bla Sole o paani ma osa dzandza e me esuoli bo o yo.»

Dzandza 15:2

Ekemi evi o mpaniŋi e bo bla Pole ŋa Barnabase. Ŋa otohi onini ovi o mpaniŋi baari baa. Aduhi ndi Pole bla Barnabase na ebi baari eke adze Zerizaleme. Bo atiha dzaa dzia na antuma bla akuuru ma okuha.

Dzandza 4:13

Ankumu ma okuha akimi osuumbu a Piere bla Zan mawobihi, ma odzisiha mbari. Bo amoniŋi ndi bo baari ma ali oyaa okiehe, bo ayiimbi ndi ba aluoni a Zezi.

Dzandza 4:29

Ŋa o ŋa nkumu, mono osuumbu a bo maŋaana bisi. Mpa adzandzi a we lengulu ma otooso mbari e we na lila leso.

Dzandza 4:36

Ŋa Zuzefe, antuma ma aluhi nkuumi e Barnabase ma oduha ndi: «Mvuuru akoosoho abuha», osi Levi ma akuli o Sipre.

Dzandza 9:17

Ananiase oyeni, onyuniŋi ntsa ndzo, olehi dziala o yula Sole na nde ndi: «Muana nguhu a me Sole, Nkumu mvuuru atumi me. Zezi dzu dzua alahi nyuru na we o ndzila ntini e we alaniŋi. Nde atumi me ndi we vuruha omono, Oduduma Santi se oluula o we.»

Dzandza 9:29

Nde awobihi na Azife ma wobiho ngreke. Ŋa bo asahi ni osuumbu ma obuma nde.