Dzandza 6:3 - Obamba Kiwoyeti (mdt) NT Portions

³ Ŋa lesuolo abalaha ntsaami o mpaniŋi e be baana ma anguhu, ma ali na eku me eve, ma amaluula ma Oduduma, bo se na ntsimi. Mo vua bisi lempa bo dzandza dzia.

Dzandza 6:3 ပူးပေါင်းရင်းမြစ်များ

Dzandza 1:15

Ntsa etsuhu bia, Piere otemiŋi o mua baana ma anguhu. Bo aki ma buuna oto onkama na ekuumi dziele e baari. Nde oduhi ndi:

Dzandza 1:21

Saabe ove lesuoli balaha mo o mpanihi e baari ma yenihi bla saabe ntini Zezi ayirihi na epiinga.

Dzandza 10:22

Bo akaali ndi: «Korneye mvuuru atumi bisi. Nde nkumu onkama aworo, nde mvuuru a tele nde se anyiima Ndziami. Ŋa Azife aso ma nyiima nde. Obaandzi opeende omo oma wobo na Korneye ndi tsuolo Piere oya ndzo e we, nde oyuha maami a we aduha nde.»

Dzandza 15:23

Ampi bo osaangumu kia ndi: «Antuma bla akuuru ma okuha ma awooso baana ma anguhu ma ali ka Azife ni, ma kaha ma Antiose a Siri na Silisi.

Dzandza 16:2

Baana ma anguhu ma kihi o Liste bla Ekoniome aduhi maami ma ave o nde.

Dzandza 2:4

Oduduma Santi oluuli o bo aso, bo aya ma wobo adzuuyi akema. Ma osuumbu Oduduma Santi atumi bo ma owobo.

Dzandza 22:12

O ŋa eki na balaha ma tsuoloho ma Ananiase. Nde anyiima Ndziami bla angri a Moyize. Azife a Damase aso ma dzuusa nde.

Dzandza 28:14

O ntsa onguundu kia lebasihi baana ma anguhu. Bo atsuoli bisi ma osa etsuhu ntsaami bla bo. Dzua osuumbu a bisi leyeni Rome.

Dzandza 6:2

Antuma a kuumi na vuele akusihi aluoni maamo aso, na bo ndi: «Bisi i buuna osa anyila otooso mbari e Ndziami ma osa dzandza le ma okabaha biila ni.

Dzandza 6:5

Okuha aso oyalihi, bo asuoli Etiene, balaha eki ema luula ma oyalihi na Oduduma Santi. Bo asuoli se Filipe, Prokore, Nikanore, Timon, Parmenase bla Nikola osi Antiose a Siri, mvuuru ali ka Ozife ni, ayalihi angri a Moyize.

Dzandza 6:6

Bo alahi abalaha a ntsaami baa na antuma, antuma alehi dziala o yula bo, avuoni o bo.

Dzandza 9:30

Ŋa baana ma anguhu ayuha vua, bo abiri Sole mpili e Sezare ma otuma nde Tarse.

1 TIMOTE 5:10

Ove ayaa nde ma esima e nde ma eve: ayaa ndi nde oma kuusa baana a nde, nde oma yamba baari, oma tsuka nyili e baari ma ali epeende, nde oma kooso baari ma ali ntsa ndoho, oma sa esima ma eve eso.

Zaake 1:17

Apuha a mvunu bla biibi ma ave eso ma wuaha yulu, mpili e Taara mvuuru asuumbi oyalala. Nde ali i kaala osuumbi ni, nde se i kalaha ompi odziiŋi ni.