Dzandza 5:24 - Obamba Kiwoyeti (mdt) NT Portions

²⁴ Nkumu akielehe Ndzo e Ndziami bla asi ma avuoŋi ma anini ayuha vua, bo aki aya etsimiŋi otsa o yula antuma. Aya mapisa ndi li lema.

Dzandza 5:24 ပူးပေါင်းရင်းမြစ်များ

Mbari e Like 22:4

Ŋa Zida oyeni na ayeese bla ankumu ma asi ma avuoŋi, na ankumu ma akielehe ndzo e Ndziami, osuumbu a nde atosoho Zezi.

Mbari e Like 22:52

Emana Zezi oduhi na ankumu ma asi ma avuoŋi bla ankumu ma akielehe ndzo e Ndziami, na akuuru ma ayi na kuara nde ndi: «Be leyaha me mva ombeŋe, eli be lema aya bla abaha na ankumuha?

Dzandza 2:12

Bo aso aki o ntsa lekemi, bo i yaa osuumbu osa ni. Bo mapisa o mpanihi e bo ndi: «Bu ma oduha ndi nki?»

Dzandza 4:1

Piere bla Zan aki akini ma woɓo na lemvuuru, asi ma avuoŋi bla nkumu aworo a ndzo e Ndziami, ŋa Asadisi awasihi.

Dzandza 4:21

Ankumu me Azife avuririhi abie na bo emana anyasihi bo, obila bo aka basaha dzaa e bo maliisa bo o yo ni. Ma oma, baari aso aki ma kuusa Ndziami o maami mayiri.

Dzandza 5:23

«Bisi leto kua ama biinda ndzo ongeneŋe yemihi. Aworo ali ma enyua ma andzo. Ŋa bisi lenaana edibihi, leka basaha mvuuru o ntsa kari ni.»

Dzandza 5:25

Ŋa mvuuru oyi na aduha bo ndi: «Baari a be lelehi ma ongeneŋe ali ntsa ndzo e Ndziami, bo mayisaha baari.»

Dzandza 5:26

Ŋa nkumu aworo oyeni bla aworo a nde ma odze na ayaha antuma. Bo ayi na avriha na bo yemihi. Obila bo aki na vuoho ndi baari ama tuna bo akele.