Dzandza 4:29 - Obamba Kiwoyeti (mdt) NT Portions

²⁹ Ŋa o ŋa nkumu, mono osuumbu a bo maŋaana bisi. Mpa adzandzi a we lengulu ma otooso mbari e we na lila leso.

Dzandza 4:29 ပူးပေါင်းရင်းမြစ်များ

Dzandza 13:46

Pole bla Barnabase aya ma wobo bla lila leso ndi: «Eki obaana otooso mbari e Ndziami ŋa na be ma Azife. Ŋa be lemi kemeŋe yo. Be se lema bisa lebihi le mbumbu. Kia obila eli bisi lema adze ŋa mpili e baari ma ali ka Azife ni.

Dzandza 14:3

Si o vua, Pole bla Barnabase abihi ŋa Ekonyome. Bo awobihi bla lila leso o Nkumu. Ŋa Nkumu se olahi asisiele o maami a bo ma toosihi o puha le nde. Emana nde ompi bo lengulu ma osa andiimi bla epuna.

Dzandza 19:8

Pole oyeni ndzo ma avuonoŋo. O ŋa nde oki lemihi le angondo atari, nde se aki awobo bla lila. Nde atooso Onkani o Ndziami, nde se osi mpari ma osa ndi bo ayuha.

Dzandza 26:26

Nkani Agripa oyaa maami ma aso, kia obila o me ewobo bla lila o mua nde. Me etsimiŋa mbri nde i buuna olimaŋa dzaa se mo ni. Obila mo aka yira ma adzisihi ni.

Dzandza 28:31

Nde atooso Onkani o Ndziami, nde se ayisiha maami a mo Zezi Krisi a Nkumu nyengele bla lila le eso.

Dzandza 4:13

Ankumu ma okuha akimi osuumbu a Piere bla Zan mawobihi, ma odzisiha mbari. Bo amoniŋi ndi bo baari ma ali oyaa okiehe, bo ayiimbi ndi ba aluoni a Zezi.

Dzandza 4:21

Ankumu me Azife avuririhi abie na bo emana anyasihi bo, obila bo aka basaha dzaa e bo maliisa bo o yo ni. Ma oma, baari aso aki ma kuusa Ndziami o maami mayiri.

Dzandza 4:31

Bo amana ovuono, biri e bo ma kihi eya enyuha, Oduduma Santi oluuli o bo aso. Bo aya ma tooso mbari e Ndziami na lila.

Dzandza 9:27

Barnabase oyahi Sole obiri nde mpili antuma. Na bo ndi: «O ndzila Sole omoni Nkumu. Nkumu se owobi na nde. Sole otoosi kuumi e Zezi na lila leso o Damase.»

Dzandza 9:28

Ma obaana ma antini maa, Sole oya bla bo, nde adze nde aya bla bo o Zerizaleme. Nde atooso nkuumi e Nkumu na lila leso.

2 Timote 4:17

Ŋa Nkumu o yamiŋi me, nde ompi me mpari. Mo bu ndi ongula me aselehe otooso mbari e Ndziami, baari ma ali ka Azife ni aso ayuha yo. Ŋa ama vusaha me se mo onyua ongungu.