Dzandza 22:30 - Obamba Kiwoyeti (mdt) NT Portions

³⁰ Eto na entsiere, nkumu aworo onini osahi oyaa o bila o simi simi ankumu ma Azife ma baniŋi Pole. Nde otumi otsiese nde ankoso ma kuri nde o mo. Nde oduhi na ankumu ma asi ma vuoŋi bla ankumu ma okuha Azife, ma ovunuŋa. Ayi na Pole atsuusi o mua bo.

Dzandza 22:30 ပူးပေါင်းရင်းမြစ်များ

Dzandza 21:11

Nde oyi na mono bisi. Nde oyahi kuaamba e Pole okuri dziala bla nyiili e nde anku. Nde oduhi ndi: «Leyuha maami ma Oduduma Santi atooso: O Zerizaleme, ankumu ma Azife ma adze okura nga kuaamba dzi. Bo ma adze ompa nde na baari ma ali ka Azife ni.»

Dzandza 21:33

Nkumu aworo otsiini, nde otumi okura Pole ma endi ma ankoso dziele. Emana nde opisi ndi: «Balaha dzi na? Nde oma asa?»

Dzandza 22:5

Osi avuoŋi onini bla okuha akuuru aso, ma buuna osiisa enyua. Ma oma, bo baari ma ampihi me esaangumu ma etumiŋi me okuara baana ma anguhu ma ama yalaha Zezi, o ntini e me eyeni Damase. Ŋa me se eyeni na okuara baari ma ama yalaha Nkumu ma aki kua, ma oya na bo o Zerizaleme ma oliisa bo.»

Dzandza 23:1

Pole okui apami ma okuha ompaa, oduhi ndi: «Baana ma anguhu, me edzandzi o Ndziami na otima ove, tii ngo o tsuhu e lobi.»

Dzandza 23:15

Ŋa be o tsuumu o be bla akuuru ma okuha, be lepisa na nkumu aworo ma oya na Pole. Be leduha mbri be lesaha oya dzaa e tsi tsi e nde ama sa. Ma lengulu le bisi, bisi le ba ledila nde o ndzila ma obuma nde o biri e nde akini oto kuuni ni.»

Dzandza 23:20

Ondzambu a balaha okaali na nde ndi: «Azife ake ama kura tsuumu ndi bo ma aya na pisa we ndi we oya na Pole osuuha o mua okuha akuuru a bo. Bo ma adze oduha ndi bo ma asaha oyaa dzaa e tsi tsi e nde ama sa.

Dzandza 23:28

Me eki esaha oyaa dzaa Azife ma baniŋi nde oyo. Me se ebiri nde mua okuha akuuru a bo.

Dzandza 23:6

Pole aki oyaa ndi ntsa okuha akuuru apami ake aki Asadisi, maamo Afarizi. Kia obila o nde aduhi o miisi a bo na ankala ndi: «Baana ma anguhu, me Ofarizi me se muana Ofarizi. Me na lila mva bo mbri akui ma adze onyusiha. Kia obila ma pama me o tso.»

Dzandza 26:29

Pole okaali nde ndi: «Yuhu Ndziami ayamaŋa, se lobi se osuuha, me esaha ŋa vua. Na we, na be aso leyuha me lobi. Me esaha mbri be leka mva me, ŋa ka bla ankoso ma ni!»

Dzandza 5:21

Bo ayuha vua, bo ayeni ndzo e Ndziami nkara entsiere etsuhu, bo aya ma ayisiha. Osi avuoŋi onini bla abuha a nde awasihi. Bo akusihi okuha akuuru ma Azife, ma ovunuŋa ma okuha onini a Isayele. Bo atumi oyaha antuma ma ongeneŋe.