Dzandza 2:47 - Obamba Kiwoyeti (mdt) NT Portions

⁴⁷ Bo ma kuusa Ndziami, baari aso se aki na ndzala bo. Nkumu se aluusa baari a nde avusihi etsuhu eso ntsa okuha a bo.

Dzandza 2:47 ပူးပေါင်းရင်းမြစ်များ

Mbari e Like 19:48

Ŋa bo aki i yaa osuumbu ma osa ni. Obila baari aso aki ma ayuha nde ndzele ndzele.

Mbari e Like 2:52

Zezi akulihi na ntsimi eso. Nde aki na mpolo o miisi a Ndziami na a baari. Na baari se ma adzuusa nde.

Dzandza 11:21

Mpari e Nkumu eki bla bo, kia obila o baari kuna ma yalihi, bo se akalihi mpili e Nkumu.

Dzandza 11:24

Barnabase aki mvuuru ove, Oduduma Santi oma luula o nde, nde se aki na oyalihi. Baari kuna se ayalihi Nkumu.

Dzandza 13:48

Ŋa baari ma ali ka Azife ni ayuha vua asueri. Bo akuusi lekuma le mbari e Nkumu. Baari ma aki ma ama suolo aso ma lebihi le mbumbu, akirihi ayalihi.

Dzandza 14:1

Ŋa Ekonyome maami ayiri ma osuumbu dzu dzua. Pole bla Bernabase ayeni ntsa ndzo Azife ma vuonoŋo. Bo atoosi mbari e Ndziami. Ŋa lemvuuru lekuna, leli Azife na leli ka Azife ni, leyalihi Zezi.

Dzandza 14:21

Ntsa onguundu o Derbe, Pole bla Barnabase ma tooso Ntsia e Mve. Baari kuna akirihi aluoni. Pole bla Barnabase avurihi Liste, ŋa Ekonyome bla Antiose a Pisidi.

Dzandza 16:5

Ekuha se eselihi obaha mpari ma oyalihi. Otali a baari ma yalahi oselehi okuna.

Dzandza 17:12

Kuna o mpaniŋi e bo ayalihi Zezi. Na asi Ngrese, na akaasi ma ali na etomi ma enini. Abalaha kuna se ayalihi.

Dzandza 2:39

Obila ndahi e Ndziami dzi e be bla baana a be, na baari aso ma ali la la. Na a Ndziami a Nkumu a saabe adze otsuolo.»

Dzandza 2:41

Baari ma yalihi mbari e Piere ayahi ateeme. Bo aki ma buuna oto enkama e baari esiami, ma ayi na basaha baari ma abaani oyalaha Ndziami.

Dzandza 4:21

Ankumu me Azife avuririhi abie na bo emana anyasihi bo, obila bo aka basaha dzaa e bo maliisa bo o yo ni. Ma oma, baari aso aki ma kuusa Ndziami o maami mayiri.

Dzandza 4:33

Bla mpari yo mini, antuma aya ma siisa enyua e ntsia e ma enyusihi e Zezi a Nkumu. Ŋa mpolo e Ndziami yo mini eki bla bo aso.

Dzandza 4:4

O ntsa baari ma ayuhi mbari e Ndziami o mpaniŋi e bo kuna ayalighi Ndziami, bo aki ma ato enkama e baari kuumi.

Dzandza 6:1

Me etsuhu bia, aluoni aselihi okuna, baari ma wobiho dzuuhi le asi Ngreke aya ma sue mo baari ma wobiho Ebre. Obila asi Ebre aka mpaha akuili ma asi Ngreke biila yemiŋi etsuhu eso, o ntini e bo ma dzandzihi ma okabaha biila ni.

Dzandza 6:7

Mbari e Ndziami eyeni ntsa onguundu, na otali aluoni okuni o Zerizaleme. Asi ma avuoŋi kuna anyiimi, bo se ayalihi Zezi.

Dzandza 9:31

Okuha oya ntsa oduusu o Zide eso, na Ngalili bla Samari. Okuha aki na mpari, anyiima Nkumu, nde akula o mpari Oduduma Santi.

Dzandza 9:35

Asi Lida aso bla asi tsehe e Sarone amono vua, bo ayalihi Nkumu.