Baari ma tsalihi o otsa otsa o ntini ma suesihi baari, o ngula leku le Etiene, ayeni tii ngo Finisi bla Sipre na Antiose. Ŋa bo atoosihi mbari e Ndziami eso ni na Azife.
Nde omoni nde kua, oyi na nde Antiose. Bo aso avuele asi osibi etiina o ntsa okuha dzua. Bo ayisihi baari kuna. Dzua odzua antsomi ma baani otsuolo aluoni a Zezi ma akritie, ŋa Antiose.
Ntsa okuha Antiose, eki na awobi a mbari e Ndziami bla abalaha ma ayisiha mbari e Ndziami. Eki na Barnabase, na Simion ma atsuolihi mo pi, na Lisise osi Sirene bla Manaye akuli bla Erode Titrake ŋa na Sole.
Ŋa antuma bla akuuru ma okuha na Okuha aso, asuoli antuma o mpaniŋi e bo. Ma odze Antiose bla Pole na barnabase. Bo asuoli Zude ma atsuoloho o Barasabase na Silase, baari ma ali na onkumu o mpaniŋi e baana ma anguhu.
Anga ntsimi aki baari angula Epikire bla ŋa setoyisye ma ayi se na awobo bla nde. Ake ndi: «Yu nga lesuhu, nde ema aduha ŋa?» Maamo ndi: «Nde mva mvuuru atoosiho andziami ma andzia.» Ni bu Pole atooso ŋa Ntsia e mve e Zezi. Nde se atoosi ndi akui ma adze onyusiha.
Me etsuhu bia, aluoni aselihi okuna, baari ma wobiho dzuuhi le asi Ngreke aya ma sue mo baari ma wobiho Ebre. Obila asi Ebre aka mpaha akuili ma asi Ngreke biila yemiŋi etsuhu eso, o ntini e bo ma dzandzihi ma okabaha biila ni.
Okuha aso oyalihi, bo asuoli Etiene, balaha eki ema luula ma oyalihi na Oduduma Santi. Bo asuoli se Filipe, Prokore, Nikanore, Timon, Parmenase bla Nikola osi Antiose a Siri, mvuuru ali ka Ozife ni, ayalihi angri a Moyize.
Baari ake a ma andzo ma vuonoŋo ma Azife, ma tsuoloho o Ndzo e baari ma ama vuuha bla asi Sirene, na asi Aleksandri, na baari a Silisi ŋa ma Asi, aya mawobo bla Etiene.