Matié 9:5 - Gandja na Mbɨa

⁵ Padhá de, anga ane ne bhʉkʉ ne bhedho? Ne napa me: ‹U ae osisiti ’ngʉ́ gba mʉ ae›, ne napa me: ‹yie bhʉ́lá, dhʉdhʉkʉ?›

Matié 9:5 ပူးပေါင်းရင်းမြစ်များ

Kulu 3:16

Mbɨa ɨnde-e, yi ngau kpála ɨnde, yi mbɨla la di hana me a ko nako dʉkuto. Anɨ akobho ka ’lɨ Yesu. Padhá de, anga ya abhuka anɨ. A ko ka nabhuka bhʉ́ Yesu, anɨ atsia akobho hana maka yi ngau anɨ lɨe ɨnde.

Kulu 9:34

Lɨ Piele au anɨ lɨe, anɨ atsia apa pɨ anɨ me: «Ene, Yesu Kilisito akobho mʉ mbɨa ɨnde akobho! Yie bhʉ́lá, amba mʉ leke dabɨlɨ gba mʉ-o, ngamʉ makpe.» Kolo má gala me-e, Ene ayie bhʉ́lá.

Matié 9:2

Me-e, okpála ago pɨ anɨ ne bhoko bini ɨnde agʉgʉmʉ kuto. U ago ne anɨ pɨ́ kalagba. Lɨ Yesu au nabhuka gba uo lɨe, anɨ atsia apa pɨ kpála ɨnde gʉgʉmʉ e bhomʉ-o me: «Atou, ndɨka ma, u ae osisiti ’ngʉ́ gba mʉ-o ae.»

Matié 9:6

Ngʉ́ nasuno me ngama, Ndɨlɨ gba kpála, ma ne angu pɨ́la doto ngʉ́ nae osisiti ’ngʉ́-o, a ayo me ma kobho bhoko ɨnde.» Abhomʉ-o, anɨ atsia apa pɨ kpála ɨnde agʉgʉmʉ-o me: «Yie bhʉ́lá, ha kalagba gba mʉ, amba mʉ gie lɨmʉ agba mʉ!»

Maloko 2:5

Lɨ Yesu au nabhuka gba uo lɨe, anɨ atsia apa pɨ dʉkuto-o me: «Ndɨka ma, osisiti ’ngʉ́ gba mʉ-o ae lɨe ae.»

Luka 5:20

Lɨ Yesu ambɨla lɨe me okpála bhomʉ-o abhuka nɨ na paká-a, anɨ atsia apa pɨ kpála na kuo-o me: «Olia ma, ma ae osisiti ’ngʉ́ gba mʉ-o ae.»

Luka 7:48

Abhomʉ-o, anɨ atsia apa pɨ ɵlɵ bhomʉ-o me: «Ma ae osisiti ’ngʉ́ gba mʉ-o ae.»