Matié 9:19 - Gandja na Mbɨa

¹⁹ Abhomʉ-o Yesu ayie bhʉ́lá, anɨ atsia akpata anɨ bhʉ́ dabɨlɨ bini ne omʉkpata gba e-o.

Matié 9:19 ပူးပေါင်းရင်းမြစ်များ

Kulu 10:38

Yi mbɨla hana me Ebhe abhʉ nanɨ Yesu, kpála na Nadjaleta-a kalanʉ. Anɨ atsia aha Bu Bhobua di ne angu pɨ anɨ ngʉ́ namene kulu gba e-o. Anɨ apʉ ne ndʉ bɨlɨ hana me anɨ nde ngamene bádha ’ngʉ́. Anɨ atsia adʉ di nakobho ndʉ okpála hana ɨnde lɨ Djabʉlʉ agbigbite o-o. Padhá de, anga Ebhe adʉ bhʉ́ dabɨlɨ bini ne anɨ.

Djaa 4:34

Yesu apa pɨ uo me: «Ezʉ gba ma-a, a ko namene gʉmʉ gba kpála ɨnde atima ma-o, di ne nandjia kulu ɨnde anɨ aha e mʉma-o.

Matié 8:7

Yesu apa pɨ anɨ me: «Ngama-a, ma adji akobho anɨ.»

Matié 9:18

Lɨ Yesu adʉ agie ’ngʉ́ pɨ omʉkpata gba Djaa lɨe, ngámá bini adyudyo lɨe de anɨ masɨkpe, anɨ atʉtʉ lɨpʉkʉ e kuto kala anɨ. Anɨ atsia apa pɨ anɨ me: «Ndɨlɨ gba ma na ɵɵlɵ-o andjili mbɨa ɨnde. Engʉ́ bini, go o ’kpa mʉ pɨ́ anɨ, amba anɨ zuku.»

Matié 9:20

Bha lɨ nedhɨnga bhomʉ-o, ɵlɵ bini ɨnde lɨ ngʉte adʉ natuko lɨe ngʉbula kalanga ndjɨkpa ne ká bhisi-e ago de Yesu ne akele anɨ, anɨ atsia abu ’kpa e lɨ ’so bongo gba anɨ-o.