Matié 5:6 - Gandja na Mbɨa

⁶ A ko djalɨ pɨ obhende akʉnda bha ndjʉ namene ngbili ’ngʉ́ , anga ngauo-o, Ebhe améne me u dʉ bedhe ngʉ́ namemene.

Matié 5:6 ပူးပေါင်းရင်းမြစ်များ

Djaa 4:14

Engʉ́ bini, kpála ɨnde andjɨ́ engu ɨnde ma ahá e pɨ anɨ-e, anɨ djé matá gʉmʉ ’ngu belegʉ de bini. La-a, engu ɨnde ma ahá e pɨ anɨ-e, akólo bhʉ́ anɨ kpongu na mʉkobho na dʉdʉma.»

Djaa 6:27

La-a, yi améne kulu ngʉbula ezʉ ɨnde ngazi mazi-e de. Engʉ́ bini, yi mene mangbo ngʉbula ezʉ ɨnde ngabhue, di ne bhende ngaha mʉkobho na dʉdʉma ko. Ngama, Ndɨlɨ gba kpála-a, ma ahá ezʉ ango-o pɨ yi ngama. Padhá de, anga Ebhe ’Dyɨ ma ao kasé na angu gba e lɨ kʉte ma.»

Djaa 7:37

Ekpɨ́ na soso na anokomɨa-a, a adʉ ekpɨ́ na ngbéngbé. Lɨ ’kpɨ́ ango-o, Yesu alʉ malʉ, anɨ asʉla me: «Ɨ dʉ me kpála nde ne gʉmʉ ’ngu-o, a ayo me, anɨ go bhaka ma, amba anɨ ndjɨ!

Apokalipisi 7:16

U djé matá gʉmʉ belegʉ de bini, u djé di matá gʉmʉ ’ngu belegʉ de bini. Ela, ɨ dʉ di-e mangua kpá bɨlɨ dho-ie tsúlu matá uo de.

Luka 6:21

A ko djalɨ pɨ yi, ngayi obhende ngadje gʉmʉ mbɨa ɨnde, anga yi azʉ́ ’he, yi tsia ú u! A ko djalɨ pɨ yi, ngayi obhende ngaku ’gba mbɨa ɨnde, anga yi amʉ́ ’zo!

Luka 1:53

Anɨ aha ehe bhelé pɨ obhende adʉ ne gʉmʉ-o, anɨ atsia agie obhʉlʉ tɨa ne ’kpa o padhá.

Luka 6:25

A ko lɨkabhu pɨ yi, ngayi obhʉlʉ ká ’zʉ́ mbɨa ɨnde, anga yi adʉ́ adjé gʉmʉ! A ko lɨkabhu pɨ yi, ngayi obhende ngamʉ ’zo mbɨa ɨnde, anga yi adʉ́ bhʉ́ talia, yi tsia dʉ́ naku ’gbá!