Matié 3:14 - Gandja na Mbɨa

¹⁴ Djaa di me yala. Anɨ atsia adʉ apa me: «Ma sía mangbo batisimo ka mʉ ngama. Mʉ ngago matá abhaka ma ngamʉ!»

Matié 3:14 ပူးပေါင်းရင်းမြစ်များ

Matié 3:13

Abhomʉ-o, Yesu ayie bhʉ́ Galilaya, anɨ anʉ abhaka Djaa bhʉ́ ngade ’ngu na Djʉlʉdanɨ ngʉ́ nasia batisimo ka anɨ.

Matié 3:15

Engʉ́ bini, Yesu atsia agie pɨ anɨ me: «Zɨba me amene lɨe moko mbɨa ɨnde. Padhá de, anga a ayo me nɨ́ mene ndʉ ’ngʉ́ hana ɨnde lɨ Ebhe ayo e ka nɨ́-o.» Abhomʉ-o, Djaa atsia azɨba me amene lɨe moko.

Luka 1:43

Ma ne da me ’hi Ngámá gba ma-a go tsia ma-a?

Djaa 1:16

Abhomʉ-o, bhʉ́ bádha bua gba anɨ ɨnde bedhe-e, ndʉ nɨ́ hana nɨ́ atsia asia bádha bua pɨ́ bádha bua koko.

Loma 1:13

Ondaise ma, yi mbɨla me bhʉtsibhʉtsi, ma adʉ ne mabhundja nanʉ agba yi, engʉ́ bini, ma sia nga kpadjɨ de nato pɨ nakɨ. Ma ne gʉmʉ nago gba yi ngʉbula me kulu gba ma-a zu di nguwa agba yi maka a azu di nguwa lɨe agba opiga koko ɨnde ne omaYuda ade-o.

Loma 3:23

Padhá de, anga ndʉ okpála hana amene siti ’ngʉ́, kaka-a, Ebhe bhʉ́ sangu gba e adji ’ngbʉ e lɨ uo adji.

Loma 3:25

Yesu Kilisito ne kpála ɨnde lɨ Ebhe abhʉ e me anɨ kpi mada nɨ́ ka siti ’ngʉ́ gba nɨ́-o. Anɨ tuko ngʉte e ngʉ́ nae siti ’ngʉ́ gba nɨ́-o. Kpadjɨ ango-o Ebhe aleke pɨ okpála bhende abhuka-o. Ebhe amene mo-o ngʉbula me nɨ́ mbɨla me nɨ ne ngbili kpála. Bhʉ́ nedhɨnga na kalanʉ-o, nedhɨnga lɨ okpála adʉ namene siti ’ngʉ́ lɨe, anɨ adʉ ne ’ndjá bua pɨ uo, anɨ adʉ atsia siti ’ngʉ́ ɨnde u adʉ amene e mʉgɨto me anɨ u de. Bhʉ́ nedhɨnga na mbɨa ɨnde-e, anɨ ngasuno me nɨ ne ngbili kpála. Kaka-a, anɨ ao ndʉ okpála hana ɨnde abhuka Yesu-o me u dʉ ngbingbili bhʉ́ djila nɨ.

Galate 3:22

Engʉ́ bini, a maka u aye lɨe bhʉ́ Bhuku gba Ebhe-e me, siti ’ngʉ́ ako angu e pɨ́ ndʉ okpála na pɨ́la doto libhomu. Kaka-a, Ebhe aha ehe ɨnde anɨ apa me nɨ ahá e pɨ omabhuka kabula nabhuka gba o bhʉ́ Yesu Kilisito-o.

Galate 4:6

Ka yi nde lɨe ne ongɨsɨ gba Ebhe-e, anɨ atima Bua gba Ndɨlɨ gba e lɨ bua nɨ́. Bua ango-o ngapa me: «Aba, ’Dyɨ ma!»

Ebele 7:23

Engʉ́ koko ɨnde kpi-e ngae ɨnde: odimandɵ koko adʉ nanɨ bhelé naali, anga kuo adʉ nani kpadjɨ pɨ uo me u adʉ́ odimandɵ dʉdʉma de.