Matié 13:35 - Gandja na Mbɨa

³⁵ Anɨ adʉ amene mo-o ngʉbula me engʉ́ ɨnde nanɨ lɨ polofeta akpokpo e-e amene lɨe, engʉ́ ɨnde me: «Ma akpókpo ’ngʉ́ bhʉ́ ogbitaku. Ma akpókpo ’ngʉ́ ɨnde awo lɨe nayie maka u abho nanɨ doto lɨe-o.»

Matié 13:35 ပူးပေါင်းရင်းမြစ်များ

Efeso 3:9

Ma tɨ da nasuno pɨ ndʉ okpála hana mbámbá maka lɨ Ebhe ngamene engʉ́ gba e ɨnde awo lɨe mawo lɨe-o. Ngaanɨ-e, a ko kpála ɨnde abho ndʉ ’he hana. Nayie nanɨ didili naali-e, engʉ́ ango-o adʉ me a nde awo lɨe mawo,

1 Kolito 2:7

Ɨmbɨlangʉ ya ngakpokpo ’ngʉ́ ne e ɨnde-e, a ko mangbo ɨmbɨlangʉ gba Ebhe. A ko ehe ɨnde awo lɨe mawo, ɨnde lɨ okpála dʉ nanɨ nambɨla e de. Kala me Ebhe bho doto-o, Ebhe ao nanɨ ɨmbɨlangʉ ango-o ngʉbula me nɨ́ sia té sangu gba nɨ-o.

Djaa 17:24

’Dyɨ ma, mo oha uo mʉma. Ma akʉnda me u dʉ bhʉ́ dabɨlɨ bini ne ma lɨ bɨlɨ ɨnde ma nde lɨ e, amba u u sangu gba ma ko, sangu ɨnde mo oha e mʉma anga mo okʉnda ma kala nabho doto.

Matié 25:34

Abhomʉ-o, ma tsia pá pɨ obhende adʉ́ lɨ pá ’kpa ma na kokpa-a me: ‹Yi gógo, ngayi okpála asia bisagu ka ’Dyɨ ma-o. Yi go sia ngámá ɨnde lɨ anɨ aleke nanɨ e pɨ yi nayie lɨ nedhɨnga anɨ abho kokpɨ́ ne doto lɨe ko.

Efeso 3:5

Nanɨ kalanʉ-o, Ebhe mbamba nga nanɨ ta engʉ́ ango-o pɨ okpála na kalanʉ-o de. Engʉ́ bini, anɨ asuno mbɨa ɨnde-e lɨ pápá gba Bua gba e pɨ obhʉlʉ titima na bububu gba Yesu, di ne pɨ opolofeta .

Apokalipisi 13:8

Ndʉ okpála na pɨ́la doto hana ɨnde u ye nanɨ ’lɨ o bhʉ́ bhuku na mʉkobho-o de-e, adhɵ́gɵ anɨ. Bhuku ango-o, a ko bhe gba Ndɨlɨ Kandɵlɵ ɨnde u abhɵlɵ e-o. U ye nanɨ ’lɨ uo bhʉ́bhʉ́ de, nayie maka lɨ Ebhe abho doto lɨe-o.

Matié 13:14

Abhomʉ-o, engʉ́ ɨnde lɨ polofeta Ɨsaya apa e, a atsia amene lɨe pɨ uo, engʉ́ ɨnde me: ‹Ebhe apa me: Yi adʉ́ adje ’kpɨ́, yi kɵ́ la mboli engʉ́ ango-o de. Yi adʉ́ atsia ’kpɨ́, yi ú la ’kpɨ́ de.›

Apokalipisi 17:8

Enʉ ɨnde mo ou e bhomʉ-o, adʉ nanɨ tété. La-a, anɨ matá ade. Anɨ akóto bhʉ́ tsu ’dú-o, anɨ tsia nʉ́ bhʉ́ ngɨta gba e-o. Okpála na doto ɨnde u ye nanɨ ’lɨ o bhʉ́ bhuku na mʉkobho-o de nayie maka nanɨ lɨ Ebhe abho doto lɨe, angámba lɨ nau enʉ-o. Padhá de, anga anɨ adʉ nanɨ tété, la-a anɨ matá ade. Engʉ́ bini, anɨ akóto matá ne toto.

Luka 10:14

Kaka-a, lɨ ’kpɨ́ lɨ Ebhe akódho ’ngʉ́ gba okpála lɨe, lɨkabhu gba yi-e ané bhende gba okpála na Tile ne Sidona mane.

Kulu 15:18

A bhomʉ-o eli ɨnde lɨ Ngámá apa nanɨ e ko. Ngaanɨ ɨnde ɨ ngamene engʉ́ ɨnde anɨ apa nanɨ e didili-o.›»

Ebele 1:1

Nanɨ kalanʉ-o, Ebhe akpokpo ’ngʉ́ pɨ onguo ogbi nɨ́ bhʉtsibhʉtsi di ne lɨ okpadjɨ bhelé bhʉ́ ’li opolofeta .

Matié 5:2

Abhomʉ-o, anɨ aholo nasuno pɨ uo me:

Matié 13:3

Anɨ atsia aholo nakpokpo ’ngʉ́ pɨ uo bhelé bhʉ́ ogbitaku. Anɨ adʉ apa pɨ uo me: «Ekpɨ́ bini, kpála bini nalu nguwa anʉ abhiye gba e ngʉ́ nabala nguwa.