Matié 10:35 - Gandja na Mbɨa

³⁵ A moko, ma ago nagbogbo bhʉsʉ kpála ne ’dyɨ e. Ma ago nagbogbo bhʉsʉ ndɨlɨ na ɵɵlɵ ne ’hi e. Ma ago nagbogbo bhʉsʉ ɵlɵ gba ndɨlɨ-e ne ogbi e na ɵɵlɵ.

Matié 10:35 ပူးပေါင်းရင်းမြစ်များ

Matié 10:21

Okpála apʉ́ ondaise o me u bhili uo. ’Dyɨ ndɨlɨ apʉ́ ndɨlɨ gba e me u bhɵlɵ anɨ. Ongɨsɨ akólo ne kpekpeke ’ndjɨ pɨ okpála ɨnde azu o, u tsia pʉ́ okpála azu o me u bhili uo.

Luka 21:16

Odyɨ yi ne ohi yi, ondaise yi ne okpála na piga gba yi di ne obɨ yi apʉ́ belegʉ yi ngao. U abhíli okpála koko bhʉ́ ka yi.

Maloko 13:12

Kpála apʉ́ ndai e na bhobhoko me u bhɵlɵ anɨ. ’Dyɨ ndɨlɨ améne bhadi moko lɨ pabɨlɨ gba ndɨlɨ gba e. Lɨ ongɨsɨ kólo obhʉlʉ yala gba odyɨ o, u tsia pʉ́ uo me u bhili uo.

Matié 24:10

Lɨ okpála bhelé bhʉ́ ká yi ó ká nabhuka gba o. U apʉ́ ngbángá o sʉnda o, u tsia yála di lɨo sʉnda o.

Luka 12:53

’Dyɨ ndɨlɨ ayála ndɨlɨ na bhobhoko gba e-o, lɨ ndɨlɨ-e yála ’dyɨ e. ’Hi ndɨlɨ ayála ndɨlɨ na ɵɵlɵ gba e-o, lɨ ndɨlɨ-e yála ’hi e. Ogbi na ɵɵlɵ ayála ɵlɵ gba ndala e, lɨ ɵlɵ gba ndɨlɨ-e yála ogbi e. »