Maloko 8:18 - Gandja na Mbɨa

¹⁸ Alɨ yi ne djidjila, yi ngau ’kpɨ́ adɨ ka nɨ? Alɨ yi ne djedje, yi ngadje ’kpɨ́ adɨ ka nɨ? ’To yi aɨlɨ lɨ ndʉ ongamba ’ngʉ́ ɨnde ma amene e hana?

Maloko 8:18 ပူးပေါင်းရင်းမြစ်များ

Maloko 4:12

A ko ngʉbula me engʉ́ ɨnde bhʉ́ Bhuku gba Ebhe-e mene lɨe. Engʉ́ ɨnde me: ‹Abana u dʉ atsia ’kpɨ́-e, u ú ’kpɨ́ de, abana u dʉ adje ’kpɨ́-e, u kɵ́ mbolimboli de. Kaka-a, u djí bua o de, Ebhe é di siti ’ngʉ́ gba uo-o de.›»

Djaa 12:40

«Ebhe agbite djila uo. Anɨ adji bua uo maka teme, ngʉbula me u aú ’kpɨ́ de, ngʉbula me u ambɨ́la ’ngʉ́ bini de, di me u adjí bua o de, amba Ebhe akóbho uo de.»

Loma 11:8

A maka u aye lɨe bhʉ́ Bhuku gba Ebhe-e me: «Ebhe amene me u akɵ́ mboli ’ngʉ́ bini de. Anɨ ani djila uo me u aú kpɨ́ de. Anɨ atsia abuku di ’dje uo me u adjé ’kpɨ́ de nakolo pɨ nakɨ.»

2 Piele 1:12

Kaka-a, a ayo me ma o ’ngʉ́ bhomʉ-o bhʉ́ ’dje yi ndʉ ’kpɨ́ hana belegʉ yi ambɨla nanɨ lɨe bhʉtode, yi atsia agbite lɨyi lɨ kʉkʉlʉ ’ngʉ́ ɨnde yi asia e-o.

2 Tesalonike 2:5

’To yi aɨ́lɨ de me nedhɨnga nɨ́ adʉ nga bha lɨe ne yi-e, ma adʉ apa engʉ́ ɨnde-e pɨ yi uu-o de.