Maloko 3:11 - Gandja na Mbɨa

¹¹ Lɨ okpála ɨnde lɨ osisiti bua adʉ ato mbolo lɨ o adʉ au anɨ lɨe, u adʉ ago atuko ne ue bhʉ́ li ’dhʉ anɨ me: «Mʉ ne Ndɨlɨ gba Ebhe.»

Maloko 3:11 ပူးပေါင်းရင်းမြစ်များ

Luka 4:41

Osisiti bua aze di bhʉ́ okpála na kuo bhelé. Osisiti bua ango-o atsia adʉ asʉsʉla me: «Mʉ ne Ndɨlɨ gba Ebhe!» Engʉ́ bini, Yesu adʉ ambe bhʉ́ ’ndjɨ uo. Anɨ atsia adʉ di agbite kpadjɨ pɨ uo me u agama ’ngʉ́ de, anga u adʉ ambɨla hana me a ko Masɨya ɨnde lɨ Ebhe atima e ko.

Luka 8:28

Siti bua-a adʉ agbʉlʉ anɨ pɨko. Abhomʉ-o, u atsia adʉ agbite ’kpa anɨ ne ’dhʉ anɨ ne ekpʉ́ di ne gbɨndjɨlɨ ngʉ́ nalila anɨ. Engʉ́ bini, kpála ango-o adʉ atsotsolo gbɨndjɨlɨ di ne ekpʉ-o má dhu dhu dhu! Siti bua atsia adʉ amba bhʉ́la anɨ ne abhʉ́ mili bɨlɨ. Lɨ kpála ango-o au Yesu lɨe me-e, anɨ aholo natʉ ue. Abhomʉ-o, anɨ atɨ bhʉ́ li ’dhʉ Yesu, anɨ atsia asʉla kpekpeke me: «Yesu, Ndɨlɨ gba Ebhe na Apɨ́ ’Kpɨ́, mo okʉnda namene ngʉ́ ma pɨ? Ma ayo ka mʉ me, mo oméne ma sisiti de!» Anɨ apa nanɨ mo-o, anga Yesu adʉ aha lɨ́lɨ pɨ siti bua ango-o me anɨ koto bhʉ́ kpála bhomʉ-o makoto.

Djakɨ 2:19

Ngayi-e, yi ngabhuka me koli Ebhe bha bini. A ndjɨndjɨ naali. Osisiti bua ngabhuka bhadi moko. La di-e, u ngagʉkʉ ne tsʉlʉ.

Matié 8:29

Abhomʉ-o, u aholo nasʉsʉla me: «Mo okʉnda namene ngʉ́ ya pɨ, Ndɨlɨ gba Ebhe? Mo ogo ei ngʉ́ nato mbolo lɨ ya kalanʉ me nedhɨnga nakodho ’ngʉ́-o nde kolo nga dɨ?»

Matié 4:3

Djabʉlʉ, kpála ɨnde adji ale anɨ-e atuto lɨe de anɨ. Anɨ atsia apa pɨ anɨ me: «Ɨ dʉ me mʉ nde ne Ndɨlɨ gba Ebhe-e, ha lɨ́lɨ pɨ oteme ɨnde-e me akolo mapa.»

Kulu 16:17

Ngaya ne Polo-o, anɨ aholo akpata ya. Anɨ atsia adʉ asʉsʉla me: «Okpála ɨnde-e, a ko okpála na kulu gba Ebhe Apɨ́ ’Kpɨ́! U ngasuno pɨ yi kpadjɨ na mʉkobho.»

Matié 8:31

Osisiti bua adʉ nakikiliki lɨo pɨ Yesu me: «Ɨ dʉ me mʉ nde akʉnda napandja ya-a, mba ya bhʉ́ piga opame ɨnde.»

Matié 4:6

Do anɨ pɨ Yesu de me: «Ɨ dʉ me mʉ nde ne ndɨlɨ gba Ebhe-e, ulu mʉ kɵ kuto! Padhá de, anga u aye bhʉ́ Bhuku me: ‹Ebhe ahá lɨ́lɨ pɨ oandjelu gba e ngʉ́ mʉ. U tsia bɨ́ mʉ sa ’kpa o ngʉbula me mo otʉ́ ’dhʉ mʉ lɨ teme bini de.›»

Matié 14:33

Abhomʉ-o, omʉkpata bhe adʉ ɨgɨnɨ bhʉ́ zabʉ-o akikita lɨpʉkʉ o kuto kala Yesu. U atsia apa pɨ anɨ me: «A na paká me mʉ ne Ndɨlɨ gba Ebhe!»

Maloko 1:1

A ɨnde-e lita Bádha Ngali gba Yesu Kilisito , Ndɨlɨ gba Ebhe-o.

1 Kolito 11:34

Ɨ dʉ me sʉka yi nde ne gʉmʉ-o, a ayo me anɨ zʉ ngaɨza ’he agba e, ngʉbula me yi agbéle mangɨmbo gba Ebhe-e pɨ́ yi de bhʉ́ nakpɵtsɵ lɨe gba yi-o. Pɨndjɨ ongʉ́ koko ɨnde yi ayi e-e, ma agíe ’ngʉ́ pɨ yi pépé nedhɨnga ma akólo lɨe agba yi-o.