Maloko 2:5 - Gandja na Mbɨa

⁵ Lɨ Yesu au nabhuka gba uo lɨe, anɨ atsia apa pɨ dʉkuto-o me: «Ndɨka ma, osisiti ’ngʉ́ gba mʉ-o ae lɨe ae.»

Maloko 2:5 ပူးပေါင်းရင်းမြစ်များ

Matié 9:2

Me-e, okpála ago pɨ anɨ ne bhoko bini ɨnde agʉgʉmʉ kuto. U ago ne anɨ pɨ́ kalagba. Lɨ Yesu au nabhuka gba uo lɨe, anɨ atsia apa pɨ kpála ɨnde gʉgʉmʉ e bhomʉ-o me: «Atou, ndɨka ma, u ae osisiti ’ngʉ́ gba mʉ-o ae.»

Matié 9:22

Engʉ́ bini, Yesu adji lɨe, anɨ au anɨ, anɨ atsia apa me: «Atou, ndɨka ma! Nabhuka gba mʉ-o akobho mʉ akobho.» Bha lɨ nedhɨnga bhomʉ-o, ɵlɵ ango-o atsia akobho.

Matié 9:5

Padhá de, anga ane ne bhʉkʉ ne bhedho? Ne napa me: ‹U ae osisiti ’ngʉ́ gba mʉ ae›, ne napa me: ‹yie bhʉ́lá, dhʉdhʉkʉ?›

Maloko 2:6

Omʉsuno na lɨ́lɨ koko gba Moidje adʉ me u nde adʉlʉ kuto oo. U atsia adʉ nabhundja lɨ bua o me:

Maloko 5:34

Abhomʉ-o, Yesu atsia apa pɨ anɨ me: «Ndɨ ɵlɵ-e, nabhuka gba mʉ-o akobho mʉ akobho, nʉ ne guo ’ngʉ́ . Mo okobho ne kuo gba mʉ-o akobho.»

Luka 5:20

Lɨ Yesu ambɨla lɨe me okpála bhomʉ-o abhuka nɨ na paká-a, anɨ atsia apa pɨ kpála na kuo-o me: «Olia ma, ma ae osisiti ’ngʉ́ gba mʉ-o ae.»

Luka 8:48

Yesu pɨ anɨ me: «Ndɨ ɵlɵ-e, mo okobho, anga mo obhuka ma kʉkʉlʉ. Nʉ ne guo ’ngʉ́ .»

Djaa 2:25

Anɨ ne gʉmʉ nayi kpála bini lɨ ’ngʉ́ pɨndjɨ kpála-kʉtɨ ade. Padhá de, anga ngaanɨ makpe, anɨ adʉ ambɨla engʉ́ ɨnde bhʉ́ kpála ndjɨndjɨ.

Djaa 5:14

Pɨpɨta-a, Yesu abhaka anɨ bhʉ́ ’ngbé ’tɨ Ebhe gba omaYuda-o. Yesu apa pɨ anɨ me: «Tsitsia nga, mo okobho. Mo oméne matá siti ’ngʉ́ de, amba engʉ́ ɨnde ane ne siti-e, akólo lɨ kʉte mʉ de.»

Kulu 11:23

Balanabasɨ nanɨ ne bádha kpála. Anɨ abedhe nanɨ ne Bu Bhobua di ne nabhuka bedhe. Anɨ akolo oo, anɨ atsia au me Ebhe atuko bisagu pɨ́ omabhuka. Abhomʉ-o, anɨ akpi djalɨ, anɨ atsia ato masi bhʉ́ ndʉ uo hana me u ha lɨo pɨ Ngámá ne bua o bini. Abhomʉ-o, okpála bhelé atsia abhuka Ngámá.

Kulu 14:9

Anɨ adʉ adje engʉ́ ɨnde lɨ Polo adʉ apa e ko. Polo atsia anɨ ne kpéke djila. Anɨ au me kpála ango-o abhuka me nɨ tɨ da nasia mʉkobho.

Kulu 5:31

Ebhe aee anɨ abhʉ́lá lɨ pá ’kpa e na kokpa, anɨ ao anɨ Ngámá di ne Mʉkobho . Anɨ amene mo-o ngʉbula me okpála na Ɨsalaele dji bua o, amba Ebhe e siti ’ngʉ́ gba uo-o.

1 Kolito 11:30

A bhomʉ-o, engʉ́ ɨnde yi ngau ka e me okpála bhelé bhʉ́ ká yi ne kuo, okoko bhʉbhʉkʉ, la di-e, okoko bhelé amu.

2 Kolito 2:10

Yi suno bádha bhʉ́ ’bu pɨ kpála-a, ma asúno bhadi bádha bhʉ́ ’bu pɨ anɨ. Lɨ ma mbu lɨ siti ’ngʉ́-o, ɨ dʉ me engʉ́ na sisiti ngʉ́ nambu tété ka ma nde uu-o, ma ambú tété ka yi kala Yesu Kilisito .

Efeso 2:8

Padhá de, anga yi akobho ka bádha bhʉ́ ’bu gba Ebhe kabula nabhuka . Mʉkobho ango-o yie ka yi de, a ko ehe ɨnde lɨ Ebhe aha e pɨ yi padhá.

Kolosai 3:13

Yi kibila lɨyi sʉnda yi makibila, amba yi dʉ di ne mambu. Lɨ kpála dʉ ne engʉ́ ne kilí e-e, anɨ de mbu lɨ anɨ maka Ngámá ambu nanɨ lɨ yi lɨe-o.

Djakɨ 5:15

Ɨ dʉ me u nde ayo bhʉ́ dabɨlɨ bini ne nabhuka-a , lɨ nayo ango-o kóbho kpála na kuo-o, lɨ Ngámá é anɨ bhʉ́lá. Ɨ dʉ me anɨ nde amene siti ’ngʉ́-o, lɨ Ebhe tsia é siti ’ngʉ́ ango-o.