Luka 6:23 - Gandja na Mbɨa

²³ Lɨ nedhɨnga ango kolo, yi de kpi djalɨ, amba yi dho di ebɨ, anga makalá na ngbéngbé ngadjeke yi abhʉ́lá. Ogbi uo adʉ nanɨ amene bhadi opolofeta sisiti moko.

Luka 6:23 ပူးပေါင်းရင်းမြစ်များ

Apokalipisi 21:7

Kpála ɨnde agbóko egʉ́-o, ma ahá ndʉ ’he bhomʉ-o hana pɨ anɨ, ma adʉ́ ne Ebhe gba anɨ, anɨ tsia dʉ́ ndɨlɨ gba ma.

Apokalipisi 3:12

Kpála ɨnde agbóko ’gʉ́ bhomʉ-o, ma aó anɨ maka nepanda bhʉ́ ’ngbé ’tɨ Ebhe gba Ebhe gba ma-o. Ehe bini tɨ da nagbe matá anɨ oo belegʉ de bini. Ma ayé ’lɨ Ebhe gba ma-a lɨ kʉte anɨ, bhʉ́ dabɨlɨ bini ne ’lɨ gʉdhʉ gba Ebhe gba ma-o. Gʉdhʉ ango-o, a ko Yelusalema na mbɨa ɨnde ayíe abhʉ́lá, ɨnde lɨ Ebhe atíma galikpe e-o. La di-e, ma ayé ɨlɨ gba ma na mbɨa lɨ kʉte anɨ.

Apokalipisi 3:5

A moko, kpála ɨnde agbóko ’gʉ́ bhomʉ-o, adyɨ́ obubu bongo. Ma bʉ́lʉ ’lɨ anɨ bhʉ́ bhuku na mʉkobho-o de. La di-e, ma azɨ́ba kala ’Dyɨ ma, di ne kala oandjelu gba anɨ-e me, a ko kpála ka ma.

Kulu 5:41

Abhomʉ-o, obhʉlʉ titima-a akoto me u nde abedhe ne djalɨ bedhe. Padhá de, anga Ebhe au ndjɨndjɨ me u zʉ lɨkabhu ngʉbula ’lɨ Yesu.

Matié 5:12

Yi mbɨla me, u ato bhadi nanɨ mbolo lɨ opolofeta na kalanʉ-o moko. Kaka-a, yi dʉ bhʉ́ djalɨ, amba yi dʉ di bhʉ́ ndjɨlɨ, anga makalá gba yi ɨnde abhʉ́lá-a adʉ́ ngbéngbé.»

Apokalipisi 2:26

Kpála ɨnde agbóko ’gʉ́ bhomʉ-o, ɨnde alíla okulu gba ma nakolo alɨ soso-o, ma ahá pɨ anɨ angu ɨnde ma asia e ngama makpe ka ’Dyɨ ma-o. Ma aó anɨ ngámá pɨ́ ’ndjɨ opiga. Anɨ aʉ́ ngámá pɨ́ ’ndjɨ uo. Anɨ ahólo kalase sa ’kpa e, anɨ tsia dʉ́ agʉgʉmʉ uo maka u agʉgʉmʉ omadakpa lɨe ko. Ma ahá di ɨkʉpala ɨnde asʉsʉ kɵkpɨ́-e pɨ kpála ango-o ngʉ́ nasuno me anɨ agboko ’gʉ́-o agboko.

Apokalipisi 2:17

A ayo me kpála ɨnde lɨ e ne djedje-e, dje engʉ́ ɨnde lɨ Bu Bhobua ngapa e pɨ oDadjua gba Ebhe ko! Kpála ɨnde agbóko ’gʉ́ bhomʉ-o, ma ahá mana ɨnde awo lɨe mawo-o pɨ anɨ. Ma ahá la di lɨnga pɨ anɨ. U aye pɨ́ lɨnga ango-o ɨlɨ na mbɨa ɨnde lɨ kpála bini mbɨla ta e de, bha bini kpála ɨnde asia lɨnga ango-o ko!›»

Apokalipisi 2:7

A ayo me kpála ɨnde lɨ e ne djedje-e, dje engʉ́ ɨnde lɨ Bu Bhobua ngapa e pɨ oDadjua gba Ebhe ko! Kpála ɨnde agbóko ’gʉ́ bhomʉ-o, ma ahá lɨ́ ndula na mʉkobho ɨnde bhʉ́ edyɨ gba Ebhe-e pɨ anɨ me anɨ dʉ nazʉzʉ. Edyɨ ango-o bhʉ́ kʉtɨ na mʉndeyi gba Ebhe-o.›»

1 Piele 4:13

Engʉ́ bini, yi kpi djalɨ, anga yi ngabɨ bhomʉ-o té lɨkabhu ɨnde lɨ Kilisito adje e, amba lɨ ’kpɨ́ anɨ asúno sangu gba e lɨe pɨ ndʉ okpála hana-a, yi de bedhe di ne djalɨ na kuo kuo.

Djakɨ 1:2

Ondaise ma, lɨ okpekpeke da ’ngʉ́ dʉ abhaka yi ne lɨ okpadjɨ ngangá-a, yi de dʉ bhʉ́bhʉ́ ne djalɨ naali.

Kulu 3:8

Anɨ aulu, akɵ má kprii! Anɨ atsia aholo nadhʉkʉ. Pɨpɨta-a, anɨ alɨ bhʉ́ ’ngbé ’tɨ Ebhe bhʉ́ dabɨlɨ bini ne Piele ne Djaa. Anɨ adʉ adhʉkʉ. Anɨ adʉ auulu. Anɨ atsia adʉ adhɵgɵ Ebhe.

Ebele 11:26

Padhá de, anga anɨ adʉ abhundja me lɨ kpála zʉ lɨkabhu kabula Masɨya-a , bhobhomʉ-o pɨ anɨ ne tɨa na ngbéngbé ane bhende na Edjipeto mane. Kaka-a, anɨ ao nanɨ djila e lɨ makalá ɨnde anɨ asía e bhʉ́ oekpɨ́ ɨnde ngago-o.

Ebele 11:6

La-a, ɨ dʉ me nabhuka nde bhʉ́ kpála ade-e, anɨ tɨ da namene engʉ́ ɨnde anga lɨ Ebhe-e de. Padhá de, anga kpála ɨnde ngadyudyo lɨe de Ebhe-e, a ayo me anɨ bhuka me: Ebhe uu, anɨ la di ngaha makalá pɨ okpála ɨnde ngagɨlɨ anɨ-o.

2 Timotio 2:12

Ɨ dʉ me nɨ́ nde alʉ kpekpeke bhʉ́ lɨkabhu nɨ́ ngazʉ e kabula Bádha Ngali-e, nɨ́ ʉ́ bhadi ne anɨ bhʉ́ dabɨlɨ bini. Engʉ́ bini, ɨ dʉ me nɨ́ nde apa me nɨ́ mbɨla anɨ de-e, ngaanɨ di-e, anɨ pá bhadi me nɨ mbɨla nɨ́ de.

Kolosai 1:24

Mbɨa ɨnde-e, ma ngakpi djalɨ ngʉ́ lɨkabhu ɨnde ma ngazʉ e ngʉbula yi ko. Padhá de, anga bhʉ́ kʉte ma-a, ma ngabedhe bhomʉ-o bhɵ lɨkabhu ɨnde lɨ Kilisito a neke e ngʉbula kʉte e, ɨnde Piga gba Ebhe-o.

2 Kolito 12:10

Kaka-a, ma tété ne djalɨ lɨ nedhɨnga ma nde lɨe bhʉbhʉkʉ-o. Abana lɨ okpála sobho ma, abana ma zʉ lɨkabhu, abana u to mbolo lɨ ma, abana ma kibila olɨkabhu bhomʉ-o hana kabula ’lɨ Yesu Kilisito-o, ma tété ne djalɨ, anga nedhɨnga lɨ angu nde lɨe bhʉ́ ma ade-e, a bhomʉ-o nedhɨnga ma nde lɨe kpekpeke-o.

Loma 5:3

A pise bha bini lɨ bhobhomʉ-o de. Nɨ́ di ngakpi ndjɨlɨ bhʉ́ lɨkabhu nɨ́ ngazʉ e anga nɨ́ ambɨla me lɨkabhu ngaha pɨ nɨ́ nambɨla nadʉ ne ’ndjá bua.

Kulu 14:10

Abhomʉ-o, Polo atsia apa pɨ anɨ ne kpéke ’li me: «Yie bhʉ́lá, lʉ ngbingbili!» Kpála ango-o ayie bhʉ́lá, anɨ aulu akɵ má kprii! Anɨ atsia aholo nadhʉkʉ.

Luka 6:35

Engʉ́ bini, yi kʉnda obhʉlʉ yala gba yi-o. Yi mene bádha ’ngʉ́ pɨ uo. Yi ha ’he pɨ uo me yi nde bhundja de me u agíe pɨ yi magie de. Yi asía ’ngbé makalá. Yi mene mo-o, yi tsia dʉ́ ongɨsɨ gba Ebhe Apɨ́ ’Kpɨ́, anga ngaanɨ-e, anɨ babadha pɨ okpála ɨnde ɨ gie heni pɨ anɨ de. Anɨ di babadha pɨ okpála na sisiti.

Luka 1:44

Tsia nga, lɨ nedhɨnga ɨnde ma adje maka mo oyi ma lɨe me-e, ndɨlɨ ɨnde bhʉ́ ’bu ma-a atɨlɨ ne djalɨ hana.

Luka 1:41

Lɨ Alɨdjabhetɨ adje maka lɨ Malɨa ayi anɨ lɨe me-e, ndɨlɨ-e atsia atɨlɨ bhʉ́ ’bu anɨ. Abhomʉ-o, Alɨdjabhetɨ atsia abedhe ne Bu Bhobua.