Luka 22:31 - Gandja na Mbɨa

³¹ Pɨpɨta-a, Ngámá Yesu atsia apa me: «Simo, Simo, djedje nga! Ebhe aha kpadjɨ pɨ Satana me anɨ pe yi maka u apepe mapʉnga lɨe ko.

Luka 22:31 ပူးပေါင်းရင်းမြစ်များ

1 Piele 5:8

Yi dʉ bedhe, yi lila lɨyi, padhá de, anga djabʉlʉ bhʉlʉ yala gba nɨ́-e ngadji bɨlɨ maka kingbi ɨnde ngangulumba. Anɨ ngagɨlɨ me nɨ azʉ́ da-ie.

Apokalipisi 12:10

Pɨpɨta-a, ma adje kpéke eli bini ayie abhʉ́lá. Eli ango-o adʉ apa me: «Nedhɨnga lɨ Ebhe gba nɨ́-e ngakobho okpála lɨe akolo! Mbɨa ɨnde-e, Ebhe gba nɨ́-e asuno angu gba e me nɨ ne ngbé Ngámá-a asuno! Mbɨa ɨnde-e, angu sakpa Masɨya gba anɨ-o. Padhá de, anga u abhike bhʉlʉ napa ’ngʉ́ lɨ ondaise nɨ́-e akilidjo, ngaanɨ kpála ɨnde adʉ apa ’ngʉ́ lɨ uo pɨ Ebhe gba nɨ́-e ngbɨkpɨ ne sukpe-o.

Kulu 9:4

Anɨ atsokodho atɨ kuto má ngbi! Anɨ atsia adje eli bini apa pɨ anɨ me: «Saulo, Saulo, mʉ ngato mbolo lɨ ma ngʉ́ nɨ?»

Luka 10:41

Ngámá agie pɨ anɨ me: «Malata, Malata, mʉ ngao bua mʉ abhʉ́lá, mʉ la di ngatʉtʉ lɨmʉ ngʉbula ongʉ́ bhelé.

Matié 4:10

Abhomʉ-o, Yesu atsia apa pɨ anɨ me: «Yie oo ko, Satana ! Padhá de, anga u aye bhʉ́ Bhuku me: ‹Dhɵgɵ Ebhe ’ngbé Ngámá gba mʉ-o, amba mʉ yo la bhadi anɨ kpi e kpi.›»

Matié 26:30

Pɨpɨta-a, u ali etsi na anokomɨa-o. U aze, u atsia agbida apɨ́ eta na ondula na Olive.

1 Kolito 5:5

Nedhɨnga yi apó bhʉ́la yi lɨe, yi pʉ kpála bhomʉ-o pɨ Satana ngʉbula me siti ’ngʉ́ ɨnde bhʉ́ anɨ-e koto hana má kpɵkɵbhɵ, amba Ebhe kobho bua anɨ lɨ ’kpɨ́ lɨ Ngámá gba nɨ́ Yesu agó lɨe ngʉ́ nakodho ’ngʉ́ gba okpála-o.

2 Kolito 2:11

Ma amene mo-o ngʉbula me Satana apíte nɨ́ lɨ ’ngʉ́ bini de. Padhá de, anga nɨ́ mbɨla engʉ́ ɨnde anɨ akʉnda namene e ndjɨndjɨ.