Luka 21:25 - Gandja na Mbɨa

²⁵ «U aú oengʉ́ na ngangamba bhʉ́la ela, bhʉ́la epe di ne bhʉ́la oɨkʉpala. Pɨ́la doto-o, bua okpála hana adʉ́ atɨ má ngbi ngbi ngbi ne tsʉlʉ ka tolo, di ne ka lɨ ’ngbé ’ngu adʉ́ adimba lɨe ko!

Luka 21:25 ပူးပေါင်းရင်းမြစ်များ

Apokalipisi 20:11

Pɨpɨta-a, ma au ’ngbé kiti na ngámá bini me kpála bini nde adʉ pépé. Kiti ango-o adʉ bubu. Kokpɨ́ ne doto akpekpe de anɨ tsutsu. Kpála tsia u matá uo de.

Kulu 2:19

Ma améne ongamba ’ngʉ́ abhʉ́lá. Ma tsia méne ongamba ’ngʉ́ kuto pɨ́la doto. Ngʉte atúko, lɨ djua tsí, a adʉ́ di ne ndindi nguwa.

Maloko 13:26

Abhomʉ-o, u ú Ndɨlɨ gba kpála nago bhʉ́ ndindi, ne ndʉ angu di ne ndʉ sangu gba e hana.

Maloko 13:24

«Engʉ́ bini, lɨ oekpɨ́ ango-o, pɨta lɨkabhu bhomʉ-o, lɨ ela kólo biti, epe sʉ́ matá-a de,

Matié 24:29

Yesu atsia apa matá me: «Pɨta lɨkabhu na oekpɨ́ bhomʉ-o, ma ’li ma me-e, biti abúku bhʉ́la ela libhomu, epe sʉ́ matá-a de, oɨkʉpala abála kuto, lɨ oangu na abhʉ́lá tsia dyɨ́kɨ má djigi djigi!

Maloko 15:33

Tulukpe-e, biti akɵ pɨ́ doto libhomu, nakolo pɨ saa na bata pɨta tulukpe.

Matié 27:45

Abhomʉ-o, nayie tulukpe akolo bhʉ́ saa na bata pɨta tulukpe-e, biti agba pɨ́la doto libhomu.

Luka 21:24

U abhíli okoko ne ombotɨa. U tsia mbá okoko bhʉ́ bali ne ndʉ bɨlɨ hana. Omʉpagano adédele Yelusalema ne ’dhʉ o akólo bha bini lɨ nedhɨnga gba uo andjía lɨe ko.»

Luka 21:26

Okpála amú ne tsʉlʉ ka nabhundja engʉ́ ɨnde akólo pɨ́la doto libhomu-o, anga ndʉ ’he na abhʉ́lá hana adyɨ́kɨ má djigi djigi!