Loma 15:27 - Gandja na Mbɨa

²⁷ U abhundja engʉ́ ango-o bhʉ́ ngʉ o, a ayo la bhadi nako me u mene moko. OmaYuda ateteke okpála bhende ne omaYuda ade-e ngʉbula me u sia bádha bhʉ́ ’bu gba Ebhe . Kaka-a, a ayo bhadi me okpála ɨnde ne omaYuda ade-e teteke omaYuda ne oehe ɨnde aneke ka uo-o.

Loma 15:27 ပူးပေါင်းရင်းမြစ်များ

1 Kolito 9:11

Ya akpokpo Bádha Ngali pɨ yi maka u alulu nguwa lɨe abhiye-o. Ɨ dʉ la me yi nde ateteke ya ne tɨa na doto-o, amba a ko siti ’ngʉ́?

Galate 6:6

Kpála ɨnde u asuno eli gba Ebhe-e pɨ e-e, a ayo me anɨ gbogbo bhʉsʉ tɨa gba e ne mʉsuno gba e-o.

Filemo 1:19

Ngama Polo-o, ma aye pɨ mʉ ne ’kpa ma makpe me: «Ma agíe pɨ mʉ ngama.» La-a, mʉ tɨ da nayo ehe bini lɨ ma de, anga mʉkobho na dʉdʉma ɨnde mo osia e-e, mo odje ’ngʉ́ ango-o ka ma.

Loma 11:17

Okpála na Ɨsalaele maka ’lá ndula na olive. Ebhe ava oyáyá bini bini. Anɨ atsia ato yi, opiga koko ɨnde ne omaYuda ade-e, bhʉ́ da oyáyá bhomʉ-o. Obabadha ohe ɨnde lɨ omaYuda adʉ asia e-e, ngayi omatobhʉkayi-e, yi di ngasisia maka lɨ oyá ndula asisia angu lɨe ka sie e-o.

Matié 6:12

E siti ’ngʉ́ gba ya ɨnde ya amene e lɨ pabɨlɨ gba mʉ-o. Padhá de, anga ngaya makpe ya ngambu di lɨ obhende ngamene osisiti ’ngʉ́ lɨ pabɨlɨ gba ya-o.

Loma 7:14

Nɨ́ mbɨla hana me lɨ́lɨ-e ayie ka Ebhe. La ngama-a, ma ne kpála lɨ angu nde bhʉ́ e ade, ma ne bali gba siti ’ngʉ́.