Loma 12:21 - Gandja na Mbɨa

²¹ Mo oó de me siti ’ngʉ́ ha angu nɨ-e de. Engʉ́ bini, ha mangbo angu siti ’ngʉ́ ne namene bádha ’ngʉ́.

Loma 12:21 ပူးပေါင်းရင်းမြစ်များ

1 Piele 3:9

Yi agíe siti pɨ siti de, ɨ dʉ di-e sobho pɨ sobho de. Lɨ kpála sobho yi-e, yi agíe sobho pɨ anɨ de, engʉ́ bini, yi yo mangbo Ebhe me anɨ tuko bisagu pɨ́ anɨ. Padhá de, anga nedhɨnga lɨ Ebhe aɨ yi lɨe me yi dʉ piga gba nɨ-e, anɨ apa nanɨ pɨ yi me nɨ atúko bisagu pɨ́ yi.

Loma 12:20

Engʉ́ bini, pɨ yi-e, yi mene mangbo maka lɨ Bhuku gba Ebhe-e apa lɨe me: «Ɨ dʉ me a nde lɨ bhʉlʉ yala gba mʉ-o ne gʉmʉ-o, mʉ de ha ezʉ pɨ anɨ. Ɨ dʉ lɨ anɨ ne gʉmʉ ’ngu-o, mʉ de ha engu nandjɨ mandjɨ pɨ anɨ. Padhá de, anga mʉ mene mo-o, a adʉ́ mʉgɨto me mʉ ngabu ndjekedhe djua na dédé pɨ́ ’ndjɨ anɨ.»

Loma 13:1

A ayo me ndʉ yi hana, yi manga ongámásɨ ɨnde pɨ́ ’ndjɨ nɨ́-e mamanga. Padhá de, anga ndʉ okpála hana ɨnde ngaʉ ngámá-a, u aʉ ka Ebhe. Anɨ ao okpála ɨnde ngaʉ ngámá-a ngae.