Kulu 5:38 - Gandja na Mbɨa

³⁸ Kaka mbɨa ɨnde-e, ma apa pɨ yi me yi adhédhe lɨ okpála ɨnde-e de. Yi o uo. Padhá de, anga ɨ dʉ me mabhundja di ne ongʉ́ gba uo nde ayie ka okpála-a, ɨ kólo padhá.

Kulu 5:38 ပူးပေါင်းရင်းမြစ်များ

Matié 15:13

Anɨ agie pɨ uo me: «Ndʉ ’he hana ɨnde lɨ ’Dyɨ ma ɨnde abhʉ́lá-a lu e ngae de-e, u alúko maluko.

1 Kolito 3:19

Ma pa mo-o padhá de, a ko anga oehe lɨ okpála na doto ngaɨ e me a ko ɨmbɨlangʉ-o, a ko ongʉ́ na pele bhʉ́ djila Ebhe. A maka u aye bhʉ́ Bhuku gba Ebhe-e lɨe me: «Ebhe ngaholo okpála ɨ ngabhɨ ’kpa o pɨ mbulu o me o ne obhʉlʉ ɨmbɨlangʉ bhʉ́ oeli na kali gba o-o.»

Djaa 11:48

Ɨ dʉ me nɨ́ nde ao me anɨ dʉ bha anʉ ne di ne kalanʉ me-e, ndʉ okpála hana bhúka anɨ. Pɨpɨta-a, okpála na gʉdhʉ na Loma kólo ne angu. U bhɵ́lɵ ’ngbé ’tɨ Ebhe gba nɨ́-o. U tsia bhɵ́lɵ la di kʉtɨ gba nɨ́-o!»

Kulu 5:35

Pɨpɨta-a, anɨ atsia apa me: «Ngayi okpála na Ɨsalaele, yi lila lɨyi ndjɨndjɨ lɨ ’ngʉ́ ɨnde yi adji amene e lɨ kʉte okpála ɨnde-o!

Maloko 11:30

Aha kpadjɨ pɨ Djaa ngʉ́ nabatisa okpála da? Ne me a ko Ebhe, ne me a ko okpála? Yi gie engʉ́ mʉma tété.»