Kulu 5:26 - Gandja na Mbɨa

²⁶ Abhomʉ-o, ngámá gba omʉlila-a anʉ ne osʉdha gba e-o. Anɨ aha obhʉlʉ titima-a, anɨ ago ne uo. Engʉ́ bini, u mene uo sisiti de. Padhá de, anga u adʉ akpe me okpála abhíli o ne teme de.

Kulu 5:26 ပူးပေါင်းရင်းမြစ်များ

Kulu 5:13

Kpála bini bhʉ́ ká okpála bhende ɨ bhuka de-e le nanɨ nalɨ bhʉ́ ká uo de, abana lɨ ndʉ okpála hana adʉ apa ’ngʉ́ gba uo-o lɨe ndjɨndjɨ-o.

Kulu 4:21

Abhomʉ-o, Libi okpála natsia ’kpɨ́ lɨ ’ngʉ́ gba omaYuda agama matá engʉ́ pɨ uo kpekpeke. Pɨpɨta-a, u atsia atse ’kpa lɨ uo. La-a, u u nanɨ engʉ́ ɨnde u tɨ da namene uo sisiti ka e de. Padhá de, anga ndʉ okpála hana adʉ adhɵgɵ Ebhe ka engʉ́ ɨnde akodho ’kpɨ́-o.

Kulu 5:24

Lɨ ngámá gba okpála nalila ’ngbé ’tɨ Ebhe-e, di ne ongbengbe odimandɵ gba Ebhe , adje engʉ́ ango-o lɨe-e, mabhundja gba uo angbɨngɨ naali. U mbɨla de me a akolo lɨ obhʉlʉ titima-a ne mangua ’ngʉ́ dho-ie de.

Luka 22:2

Ongbengbe odimandɵ gba Ebhe di ne omʉsuno na lɨ́lɨ gba Moidje adʉ agɨlɨ kpadjɨ ngʉ́ nabhɵlɵ Yesu. Engʉ́ la bini, u adʉ adje tsʉlʉ ka okpála.

Luka 20:19

Bha lɨ nedhɨnga bhomʉ-o, omʉsuno na lɨ́lɨ gba Moidje di ne ongbengbe odimandɵ gba Ebhe-e, agɨlɨ nanɨ naholo Yesu, anga u ambɨla me anɨ apa gbitaku bhomʉ-o lɨ ’ngʉ́ gba o-o. Engʉ́ bini, u adʉ adje tsʉlʉ ka okpála.

Luka 20:6

Ɨ dʉ di me nɨ́ nde apa me: ‹A ha kpadjɨ pɨ anɨ ne okpála-a›, lɨ ndʉ okpála hana bhíli nɨ́ ne teme, anga u ambɨla ndjɨndjɨ me Djaa nanɨ ne polofeta .»

Matié 26:5

Engʉ́ bini, u adʉ apa me: «A ayo de me nɨ́ holo anɨ bhʉ́ nedhɨnga na anokomɨa de, anga lɨ okpála gbe tolo.»

Matié 21:26

Ɨ dʉ la di me nɨ́ nde apa me: ‹A aha kpadjɨ pɨ anɨ ne okpála-a›, nɨ́ de tsia ’kpɨ́ lɨnɨ́ ka okpála-a ndjɨndjɨ, anga ndʉ okpála hana dʉ nanɨ nau Djaa me a ko polofeta.»

Matié 14:5

Elode adʉ akʉnda nabhɵlɵ Djaa na paká. Engʉ́ bini, anɨ adʉ akpe okpála makpe. Padhá de, anga u adʉ au Djaa maka polofeta .

Matié 26:58

Piele atsia adʉ naae nakpata Yesu mbo tsutsu, nakolo makolo bhʉ́ mbadhasʉ gba bhele kpála gba odimandɵ-o. Anɨ alɨ bhʉ́ mbadhasʉ-o, anɨ atsia adʉ kuto bhʉ́ ká okpála na kulu ngʉbula natsia me engʉ́ ango-o abú ’ta e lele pɨ-ie.

Luka 22:4

Abhomʉ-o, anɨ anʉ nadje lɨe ne ongbengbe odimandɵ gba Ebhe di ne ongámásɨ gba okpála nalila ’ngbé ’tɨ Ebhe gba omaYuda. Anɨ anʉ nakpokpo ne uo maka anɨ apʉ́ Yesu lɨe pɨ uo ko.

Kulu 5:22

Engʉ́ bini, lɨ okpála ango-o anʉ lɨe, u bhaka uo bhʉ́ tɨkpʉ de. U agie lɨo, u atsia apa pɨ Libi okpála natsia ’kpɨ́ lɨ ’ngʉ́ gba omaYuda-a me:

Kulu 5:25

Pɨpɨta-a, kpála bini ago, anɨ apa pɨ uo me: «Yi djedje nga! Okpála ɨnde yi abu nako o bhʉ́ tɨkpʉ-o, uo mbɨa ɨnde-e bhʉ́ ’ngbé ’tɨ Ebhe. U alʉlʉ malʉlʉ, u ngasuno pɨ okpála.»