Kulu 3:10 - Gandja na Mbɨa

¹⁰ U atsia ambɨla me, a ko kpála ɨnde adʉ nadʉ lɨ ’bhɵ ’ngbé ’tɨ Ebhe, lɨ bhɵbhɵ bhende u aɨ e me «Babadha», ngʉbula nayo ’he. Abhomʉ-o, ndʉ uo hana angamba, u atsia akɨaka naali ka engʉ́ ɨnde akolo lɨ kʉte dʉkuto-o.

Kulu 3:10 ပူးပေါင်းရင်းမြစ်များ

Matié 14:35

Okpála na kʉtɨ ango-o ambɨla lɨe me a ko Yesu-o, u agapa ngali nago ka anɨ-e bhʉ́ ndu doto ango-o libhomu. Okpála atsia ago pɨ anɨ ne ndʉ obhʉlʉ kuo hana.

Luka 4:36

Ndʉ okpála hana angamba, u atsia adʉ ayi lɨo sʉnda o me: «A ɨnde-e mangua eli dho? Anɨ ngaha lɨ́lɨ ne kpéke, di ne angu pɨ osisiti bua, uo ngaze bhʉ́ okpála!»

Luka 9:43

Ndʉ okpála hana adʉ angamba. U atsia azɨba me Ebhe ne angu naali. Lɨ ndʉ okpála hana adʉ angamba lɨe lɨ ndʉ ’ngʉ́ lɨ Yesu adʉ amene e, anɨ atsia apa pɨ omʉkpata gba e me:

Djaa 5:20

’Dyɨ ma kʉnda ma, Ndɨlɨ gba e-o. Anɨ ngasuno ndʉ ’ngʉ́ hana ɨnde ngaanɨ makpe anɨ ngamene e mʉma, Ndɨlɨ gba e-o. Anɨ asúno mʉma, Ndɨlɨ gba e, okulu na ngbengbengbe ɨnde ane obhende-e mane. Yi tsía ngámba tété.

Djaa 9:3

Yesu agie me: «A ko ka siti ’ngʉ́ gba anɨ-e de. A ko la di ka siti ’ngʉ́ gba okpála ɨnde azu anɨ-e de. Engʉ́ bini, u azu anɨ mo-o ngʉbula me okpála u ngamba ’ngʉ́ ɨnde lɨ Ebhe ngamene e bhʉ́ anɨ.

Djaa 9:8

Okpála bhende asɨlɨ kʉtɨ lɨngo anɨ, di ne obhende au anɨ kalanʉ me anɨ nde ne yoyo ’he-e, a adʉ ayi me: «A ɨnde-e kpála adʉ nako adʉ kuto ngʉ́ nayo ’he-e dɨ?»

Kulu 2:12

Ndʉ uo hana adʉ ne nangamba naali. Mabhundja gba uo-o angbɨngɨ. Abhomʉ-o, u atsia apa sʉnda o me: «Engʉ́ ɨnde-e akʉnda napa pɨ?»

Kulu 2:7

U abedhe ne nangamba, di ne nakɨaka. U atsia adʉ apa me: «Okpála ɨ ngagama ’ngʉ́ ɨnde-e, ndʉ uo hana ne okpála na ndu doto na Galilaya adɨ?

Kulu 3:2

De ’bhɵ ’ngbé ’tɨ Ebhe gba omaYuda ango-o ɨnde u aɨ e me «Babadha-a», kpála bini ɨnde ɨ dhʉkʉ de nayie maka u azu anɨ lɨe adʉ oo. Ndʉ ’kpɨ́ hana, u adʉ ago ao anɨ oo ngʉbula me anɨ dʉ ayo tɨa ka okpála ɨnde ngalɨ bhʉ́ ’tɨ Ebhe ko.