Kulu 13:29 - Gandja na Mbɨa

²⁹ Pɨta u amene ndʉ ’ngʉ́ hana maka lɨ ’li Ebhe apa lɨe lɨ ’ngʉ́ gba anɨ-e, u ae anɨ lɨ kulusi, u atsia anʉ ato anɨ bhʉ́ lata.

Kulu 13:29 ပူးပေါင်းရင်းမြစ်များ

Luka 23:53

Pɨpɨta-a, anɨ atsia ae kuo anɨ lɨ kulusi-o. Anɨ agagala ne bongo. Anɨ atsia ato bhʉ́ lata ɨnde u adjɨ e bhʉ́ teme, lata ɨnde u zɨ nga kpála bhʉ́ e kalanʉ de.

Djaa 19:30

Lɨ Yesu andjɨ kpongadha pandɨ-e lɨe, anɨ atsia apa me: «Ndʉ ’ngʉ́ hana andjia!» Abhomʉ-o, anɨ atʉ ’ndjɨ e ne kuto, anɨ atsia andala ’kpa lɨ bua e.

Djaa 19:28

Pɨta ongʉ́ bhomʉ-o, Yesu ambɨla me, mbɨa ɨnde-e, ndʉ ’ngʉ́ hana andjia. Abhomʉ-o, ngʉbula me ’li Bhuku-o amene lɨe akolo alɨ soso-o, anɨ atsia apa me: «A lɨ ma ne gʉmʉ ’ngu.»

1 Kolito 15:4

U azɨ anɨ, anɨ atsia azuku bhʉ́ ’kpɨ́ na bata maka lɨ Bhuku gba Ebhe-e apa lɨe-o.

Kulu 5:30

Ngayi-e, yi abhɵlɵ Yesu lɨ kulusi. Engʉ́ bini, Ebhe gba ogbi nɨ́-e azuku anɨ bhʉ́ ká okpála ɨnde amu.

Luka 24:44

Pɨpɨta-a, anɨ pɨ uo me: «Ma apa nako pɨ yi ndjɨndjɨ nedhɨnga nɨ́ adʉ nga bha lɨe bhʉ́ dabɨlɨ bini-e me, a ayo me ndʉ ’ngʉ́ hana ɨnde u aye e pɨndjɨ ma bhʉ́ lɨ́lɨ gba Moidje , bhʉ́ obhuku gba opolofeta di ne bhʉ́ bhuku na oetsi gba nɨ́-e, amene lɨe.»

Kulu 13:27

A na paká me okpála na Yelusalema di ne ongámásɨ gba o-o mbɨla nanɨ Yesu de. Bhʉ́ oekpɨ́ naguo gba omaYuda bini ne bini hana-a, u adʉ atanga obhuku gba opolofeta. La-a, u dʉ ambɨmbɨla de. Engʉ́ bini u akodho ’ngʉ́ gba Yesu lɨe me u bhɵlɵ anɨ-e, u amene bhomʉ-o engʉ́ ɨnde lɨ opolofeta apa e ko.

Kulu 4:28

U amene bhomʉ-o ndʉ ’ngʉ́ hana ɨnde mo opa nanɨ e didili ne angu gba mʉ-o me améne lɨe mamene ko.

Kulu 2:23

Kpála bhomʉ-o, u apʉ anɨ pɨ yi. Ebhe ambɨla nanɨ ’ngʉ́ tété kalanʉ. Anɨ atsia akʉnda me amene lɨe moko. Yi abhɵlɵ anɨ. Padhá de, anga yi aha anɨ pɨ okpála na sisiti. U agɨ anɨ lɨ kulusi, u atsia abhɵlɵ anɨ.

Maloko 15:42

A adʉ ɨbili tagolo. A abhaka la lɨe me a nde ekpɨ́ naleke lɨo ngʉ́ anokomɨa-a, a akʉnda napa me ekpɨ́ kala ekpɨ́ naguo gba omaYuda-a ,

Luka 23:50

Kpála bini adʉ nanɨ oo. A adʉ ’lɨ anɨ me Djodjefʉ , kpála na Alimaté, sʉka gʉdhʉ gba omaYuda. A ko nanɨ kpála na babadha ɨnde adʉ di ngbingbili. Anɨ adʉ nanɨ nadjeke nago ka Naʉ gba Ebhe pɨ́la doto. A ko nanɨ sʉka Libi okpála natsia ’kpɨ́ lɨ ongʉ́ gba omaYuda-o. Engʉ́ bini, anɨ dʉ azɨba engʉ́ ɨnde lɨ Libi okpála natsia ’kpɨ́ lɨ ongʉ́ gba omaYuda adʉ abhundja e di ne namene e lɨ Yesu-o de.

Kulu 26:22

Engʉ́ bini, Ebhe alila ma nakolo pɨ nakɨ. Padhá de, anga ma ngakpokpo engʉ́ gba Yesu-o pɨ ndʉ okpála hana, pɨ ongɨsɨ di ne pɨ obhelesɨ okpála. Ma pa ’ngʉ́ koko de, bha bini bhende lɨ opolofeta di ne Moidje apa nanɨ e me akólo makolo-o.