Djaa 9:17 - Gandja na Mbɨa

¹⁷ Abhomʉ-o, omʉFalisai ayi matá kpála ɨnde lɨ djila e abhulu-o me: «A la mʉ-o, mo opa naamʉ lɨ ’ngʉ́ gba kpála ɨnde abhulu djila mʉ-o pɨ?» Anɨ agie me: «A ko polofeta .»

Djaa 9:17 ပူးပေါင်းရင်းမြစ်များ

Djaa 6:14

Lɨ okpála au ngamba ’ngʉ́ ɨnde lɨ Yesu amene e lɨe, u atsia apa me: «A ɨnde-e bha ndjʉ polofeta ɨnde a ayo me anɨ go pɨ́la doto-o!»

Djaa 4:19

Abhomʉ-o, ɵlɵ ango-o apa pɨ Yesu me: «Ngámá, ma au me mʉ ne polofeta .

Kulu 10:38

Yi mbɨla hana me Ebhe abhʉ nanɨ Yesu, kpála na Nadjaleta-a kalanʉ. Anɨ atsia aha Bu Bhobua di ne angu pɨ anɨ ngʉ́ namene kulu gba e-o. Anɨ apʉ ne ndʉ bɨlɨ hana me anɨ nde ngamene bádha ’ngʉ́. Anɨ atsia adʉ di nakobho ndʉ okpála hana ɨnde lɨ Djabʉlʉ agbigbite o-o. Padhá de, anga Ebhe adʉ bhʉ́ dabɨlɨ bini ne anɨ.

Kulu 2:22

Abhomʉ-o, Piele atsia apa me: «Ngayi okpála na Ɨsalaele, yi dje nga engʉ́ ma adji apa e pɨ yi ɨnde: Ebhe apana pɨ yi mbámbá me nɨ atima Yesu, kpála na kʉtɨ na Nadjaleta-a, pɨ yi. Anɨ apana lɨ namene ongamba ’ngʉ́ sʉnda yi bhʉ́ anɨ. Anɨ amene okɨaka ’ngʉ́ , di ne oehe na tsʉlʉtsʉlʉ bhʉ́ anɨ. Ngayi makpe-e, yi mbɨla ’ngʉ́ tété ndjɨndjɨ.

Luka 24:19

Anɨ ayi uo me: «Mangua ’ngʉ́ dho?» U atsia agie pɨ anɨ me: «Engʉ́ ɨnde akolo lɨ Yesu, kpála na Nadjaleta! A ko nako polofeta kʉkʉlʉ. Ongʉ́ ɨnde anɨ amene e ne bhende anɨ asuno e, anɨ amene ndʉndʉ hana ne angu. Anɨ atsia asuno ongʉ́ ango-o kala Ebhe di ne kala ndʉ okpála hana.

Matié 21:11

Bhiti okpála atsia adʉ agie me: «A ko polofeta Yesu, kpála na Nadjaleta bhʉ́ ndu doto na Galilaya.»

Djaa 9:15

Abhomʉ-o, omʉFalisai ayi di anɨ me djila anɨ aholo au ’kpɨ́ lele pɨ. Anɨ agie pɨ uo me: «Anɨ apulu ko djila ma ne ngbɵdhɵ. Ma avʉlʉ lɨma, ma atsia aholo au ’kpɨ́.»