Djaa 6:56 - Gandja na Mbɨa

⁵⁶ Kpála ɨnde ngazʉ kʉte ma, ɨnde la di ngandjɨ ngʉte ma-a, anɨ ngadʉ bhʉ́ ma. Ma la di ngadʉ bhʉ́ anɨ.

Djaa 6:56 ပူးပေါင်းရင်းမြစ်များ

Djaa 14:20

Lɨ ’kpɨ́ ango-o, yi ambɨ́la me ma ngadʉ bhʉ́ ’Dyɨ ma, yi ngadʉ bhʉ́ ma, ma la di ngadʉ bhʉ́ yi.

1 Djaa 3:24

Kpála bhende ngalila olɨ́lɨ gba Ebhe-e, kpála ango-o ngadʉ bhʉ́ Ebhe, Ebhe ngadʉ la di bhʉ́ anɨ. A ɨnde-e engʉ́ ɨnde nɨ́ ngambɨla ka e me Ebhe ngadʉ bhʉ́ nɨ́-o: nɨ́ ngambɨmbɨla lɨ Bu Bhobua ɨnde lɨ Ebhe aha e pɨ nɨ́-o.

Apokalipisi 3:20

Djedje nga, ma alʉ lɨ ’bhɵ bhotɨ-o, ma ngabhɨbhɨ. Lɨ kpála dje ’li ma, anɨ ʉ ’bhɵ bhotɨ-e, ma lɨ́ agba anɨ, lɨ ngaya ne anɨ-e, ya tsia zʉ́ ’he ne anɨ bhʉ́ dabɨlɨ bini.

Djaa 14:23

Yesu agie pɨ anɨ me: «Ɨ dʉ me kpála nde akʉnda ma-a, anɨ méne engʉ́ ɨnde ma ngapa e-o. Lɨ ’Dyɨ ma kʉ́nda anɨ. Ngaya ne ’Dyɨ ma-a, ya agó agba anɨ, ya tsia dʉ́lʉ oo ko.

1 Djaa 4:12

Kpála u nga Ebhe belegʉ de bini. Ɨ dʉ me nɨ́ nde ne mʉkʉnda sʉnda nɨ́-e, amba Ebhe ngadʉ bhʉ́ nɨ́. La di-e, mʉkʉnda gba anɨ ɨnde bhʉ́ nɨ́-e bedhe má kpambɨ!

2 Kolito 6:16

Nganɨ́-e, nɨ́ ne ’ngbé ’tɨ Ebhe ɨnde ʉʉ. ’Ngbé ’tɨ Ebhe tɨ da nakpɵtsɵ lɨe ne ’tɨ atolo belegʉ de bini. A maka lɨ Ebhe apa lɨe lɨ ’ngʉ́ gba omaha e me: «Ma adʉ́ bhʉ́ ká uo, ma tsia dhʉ́kʉ bhʉ́ dabɨlɨ bini ne uo. Ma adʉ́ ne Ebhe gba uo, u tsia dʉ́ ne omaha ma.»

Efeso 3:17

A ayo me Kilisito sɨ kʉtɨ e lɨ bhobua yi lɨ pápá bhe nabhuka . Ma ngayo me sie yi lɨ bhʉ́ mʉkʉnda malɨ, la di me a lʉ bhʉ́ mʉkʉnda ango-o malʉ.

Djaa 6:55

Padhá de, anga kʉte ma-a, a ko ezʉ na kʉkʉlʉ. Ngʉte ma la di-e, a ko ehe nandjɨ mandjɨ na kʉkʉlʉ.

1 Djaa 2:24

Kaka-a, eli ɨnde yi adje nanɨ e nayie lɨ lilita-a, a ayo me asɨ kʉtɨ e lɨ bua yi. Padhá de, anga ɨ dʉ me eli ɨnde yi adje nanɨ e nayie lɨ lilita-a nde asɨ kʉtɨ e lɨ bua yi-e, ngayi di-e, yi dʉ́ ne Ndɨlɨ-e kpála bini, yi tsia dʉ́ la di ne ’Dyɨ anɨ kpála bini.