Djaa 11:52 - Gandja na Mbɨa

⁵² Anɨ kpi bha bini ngʉbula omaYuda de. Engʉ́ bini, anɨ kpi ngʉbula me nɨ po bhʉ́la ongɨsɨ gba Ebhe ɨnde atsambala ne bɨlɨ ngangá-a bhʉ́ piga bini.»

Djaa 11:52 ပူးပေါင်းရင်းမြစ်များ

Djaa 10:16

A ka ma ne okandɵlɵ koko ɨnde bhʉ́ aga ɨnde-e ade. A ayo me ma go di ne uo. U adjé ’li ma. U akólo koli piga okandɵlɵ bini, u tsia dʉ́ ne koli mʉlila bini.

1 Djaa 2:2

Ngaanɨ makpe-e, anɨ aha nanɨ mʉkobho gba e ngʉbula me Ebhe e osisiti ’ngʉ́ gba nɨ́ ko. La-a, a ko bha bini ngʉbula osisiti ’ngʉ́ bhe gba nɨ́-e de. Engʉ́ bini, a ko di ngʉbula osisiti ’ngʉ́ gba okpála na pɨ́la doto libhomu.

1 Piele 1:1

Ma aye balʉa ɨnde-e pɨ yi ngama Piele, ma ne bhʉlʉ titima gba Yesu Kilisito . Ma aye pɨ yi okpála ɨnde lɨ Ebhe abhʉ o, ngayi okpála ɨnde ngadʉ maka ogandji okpála bhʉ́ kʉtɨ koko, ngayi ɨnde atsambala bhʉ́ ondu doto na Pote, ne Galatia, ne Kapadose, ne Adjia di ne Bitinia-o.

Apokalipisi 5:9

U adʉ nali etsi na mbɨa me: «Mʉ tɨ da naha ’kpá balʉa-o ne nasosoko malɨka ango-o, anga u abhɵlɵ nanɨ mʉ, mo otsia agbegbe okpála ɨnde adʉ bhʉ́ bali-e ne ngʉte mʉ pɨ Ebhe. A ko okpála na ndʉ bɨlɨ hana, ne ndʉ opiga hana, ne ndʉ okongʉ́ hana.

Loma 3:29

Yi abhundja naayi me Ebhe bha ne Ebhe ka omaYuda? A ko di Ebhe gba okpála ɨnde ne omaYuda ade-e dɨ? A mo-o ade. A ko di Ebhe gba okpála ɨnde ne omaYuda ade-o.

Luka 2:32

Anɨ adʉ́ eke pɨ omʉpagano. Anɨ tsia dʉ́ sangu gba omaƗsalaele, okpála gba mʉ-o.»

Djakɨ 1:1

Ngama, Djakɨ, bali gba Ebhe, bali di gba Ngámá Yesu Kilisito-o , ma yi ndʉ okpála gba Ebhe hana ɨnde atsambala pɨ́la doto libhomu-o mayi.

Efeso 3:11

Ndʉ ’ngʉ́ bhomʉ-o amene lɨe lɨ lele mabhundja lɨ Ebhe adʉ nanɨ ne e nayie lɨ lilita, ɨnde anɨ amene e bhʉ́ Yesu Kilisito, Ngámá gba nɨ́-o.

Efeso 1:5

Kaka, nayie nanɨ bhʉtode naali-e, anɨ amene me nɨ́ kolo ongɨsɨ gba nɨ lɨ pápá gba Yesu Kilisito. A bhomʉ-o engʉ́ ɨnde anɨ amene e pɨ nɨ́ bhʉ́ bádha bhʉ́ ’bu gba e-o.

Loma 4:17

A maka u aye lɨe bhʉ́ Bhuku gba Ebhe-e me Ebhe apa pɨ Abalahama me: «Ma ao mʉ ’dyɨ okpála na opiga bhelé.» Abalahama ne ’dyɨ nɨ́ bhʉ́ djila Ebhe ɨnde anɨ abhuka e-o. A ko Ebhe ɨnde ngazuku okpála ɨnde amu, ɨnde di ngabho oehe ɨnde nga ade-o.

Kulu 18:10

Padhá de, anga ma bhʉ́ dabɨlɨ bini ne mʉ. Kpála bini bú ’kpa e lɨ mʉ ngʉ́ namene mʉ sisiti de, anga okpála gba ma bhʉ́ gʉdhʉ ɨnde-e bhelé.»

Djaa 12:32

La ngama-a, lɨ nedhɨnga ɨnde u aée ma lɨe abhʉ́lá-a, ma agbéle ndʉ okpála hana lɨ pápá gba ma.»

Djaa 1:29

Lɨ ekpɨ́ aseke lɨe, Djaa au Yesu me anɨ nde ngago lɨ pápá ɨnde anɨ adʉ lɨ e-o. Anɨ atsia apa me: «Yi tsia nga Ndɨlɨ Kandɵlɵ gba Ebhe-o. Anɨ ngae siti ’ngʉ́ pɨ́la doto ngae.

Djaa 1:12

La-a, okpála koko asia anɨ, u atsia abhuka di anɨ. Abhomʉ-o, anɨ atsia aha angu pɨ uo me u kolo ongɨsɨ gba Ebhe.

1 Djaa 3:1

Yi tsia nga maka lɨ ’Dyɨ nɨ́ asuno mʉkʉnda gba e pɨ nɨ́ lɨe-o. Mʉkʉnda ango-o, a ko me nɨ́ asia ɨlɨ me nɨ́ ne ongɨsɨ gba Ebhe. Nɨ́ la bhadi mo-o na paká! Kaka-a, okpála na doto mbɨla nɨ́ de, anga u mbɨla di nanɨ Ebhe de.

1 Djaa 3:2

Ondaise ma na mʉkʉnda, mbɨa ɨnde-e, nɨ́ ne ongɨsɨ gba Ebhe. Engʉ́ la bini, lele maka nɨ́ adʉ́ lɨe, asuno nga lɨe mbámbá de. La-a, nɨ́ ngambɨla me, nedhɨnga ɨnde lɨ Kilisito akólo lɨe, nɨ́ adʉ́ maka anɨ. Padhá de, anga nɨ́ aú anɨ maka anɨ nde lɨe-o.

1 Djaa 3:10

Engʉ́ ɨnde-e ngagbogbo bhʉsʉ ongɨsɨ gba Ebhe ne obhende gba Djabʉlʉ-o ngae ɨnde: ndʉ kpála hana ɨnde ɨ mene ’ngʉ́ na ngbingbili de-e, ɨnde ɨ kʉnda la di ndai e de-e, a ko ndɨlɨ ka Ebhe de.

Luka 15:8

«Matá di-e, ɨ dʉ me ɵlɵ bini nde ne lɨ́ falanga ndjɨkpa, lɨ sʉsʉka bini ngɨta-a, anɨ méne pɨ? A na paká me, anɨ dhédhe eke. Anɨ pó bɨlɨ abhʉ́ ’tɨ. Anɨ gɨ́lɨ má bhotobhoto, akólo lɨ nedhɨnga ɨnde anɨ aú lɨe-e ko!