Djaa 11:24 - Gandja na Mbɨa

²⁴ Malata agie pɨ anɨ me: «Ma ambɨla me anɨ azúku lɨ ’kpɨ́ lɨ okpála ɨnde amu-o, azúku lɨe lɨ sokpɨ́-o.»

Djaa 11:24 ပူးပေါင်းရင်းမြစ်များ

Kulu 24:15

Ma ne nabhuka bhʉ́ Ebhe bhadi maka uo me, okpála na ngbingbili di ne obhende ngbingbili ade-e azúku mazuku.

Luka 14:14

Mʉ mene mo-o, mʉ dʉ́ ne djalɨ, anga u tɨ da nagie ’he bini pɨ mʉ de. Ebhe agíe pɨ mʉ lɨ ’kpɨ́ lɨ okpála na ngbingbili-e azúku lɨe ko.»

Ebele 11:35

Ka nabhuka-a, olɨsɨ au matá okpála gba o ɨnde amu-o. Padhá de, anga okpála ango-o azuku. U ato mbolo lɨ okoko nakolo masɨkpe de nakpi. U ayala me u gbegbe o sakpa okpála adʉ ato mbolo lɨ o-o. U amene mo-o ngʉbula me o zuku ngʉ́ nasia mʉkobho na ndjɨndjɨ naali.

Djaa 6:39

Engʉ́ ɨnde lɨ kpála ɨnde atima ma akʉnda e-e, a ngae ɨnde: ndʉ okpála ɨnde anɨ aha o mʉma hana, a ayo de me sʉka uo bini ngɨta-a de. Engʉ́ bini, a ayo me, alɨ sokpɨ́-e, ma zuku ndʉ uo hana.

Djaa 6:40

Padhá de, anga ’Dyɨ ma akʉnda me, ndʉ okpála hana ɨnde au ma Ndɨlɨ-e, ɨnde abhuka la di ma-a, sia mʉkobho na dʉdʉma, amba ma zuku uo alɨ sokpɨ́.»

Djaa 11:23

Yesu apa pɨ anɨ me: «Ndai mʉ azúku mazuku.»