Djaa 10:30 - Gandja na Mbɨa

³⁰ Ngaya ne ’Dyɨ ma-a, koli ya bha bini.»

Djaa 10:30 ပူးပေါင်းရင်းမြစ်များ

Djaa 14:9

Yesu agie pɨ anɨ me: «Filipo, enʉ́ nɨ́ abhue lɨe ne yi ngengele-e, mʉ mbɨla nga ma sɨɨ dɨ? Kpála ɨnde au ma-a, anɨ au ’Dyɨ ma au. La ka nɨ mʉ ngapa lɨe me: ‹Pana ’Dyɨ mʉ pɨ ya?›

Djaa 5:23

ngʉbula me ndʉ okpála hana dʉ namanga ma, Ndɨlɨ gba anɨ, maka u ngamanga anɨ ’Dyɨ ma lɨe ko. Kpála ɨnde ɨ manga ma, Ndɨlɨ-e de-e, anɨ manga di ’Dyɨ ma ɨnde atima ma-a de.

Matié 28:19

Kaka-a, yi nʉ bhʉ́ ndʉ opiga hana. Yi mene me u kolo omʉkpata gba ma. Yi batisa uo ne ’lɨ ’Dyɨ nɨ́, ne ’lɨ Ndɨlɨ, la di ne ’lɨ Bu Bhobua .

Djaa 14:23

Yesu agie pɨ anɨ me: «Ɨ dʉ me kpála nde akʉnda ma-a, anɨ méne engʉ́ ɨnde ma ngapa e-o. Lɨ ’Dyɨ ma kʉ́nda anɨ. Ngaya ne ’Dyɨ ma-a, ya agó agba anɨ, ya tsia dʉ́lʉ oo ko.

Djaa 8:58

Yesu agie pɨ uo me: «A moko, ma apa pɨ yi na paká me kala me u zu Abalahama, ‹Ma uu.›»

Djaa 5:17

Engʉ́ bini, Yesu agie pɨ uo me: «Maka lɨ ’Dyɨ ma ngamene kulu lɨe nakolo pɨ mbɨa ɨnde-e, Ngama di-e, ma ngamemene moko.»

Matié 11:27

Yi mbɨla ndjɨndjɨ me ’Dyɨ ma asuno ndʉ ’ngʉ́ hana mʉma. Kpála bini mbɨla Ndɨlɨ-e de, bha bini ’Dyɨ Ndɨlɨ-o. Kpála bini mbɨla la di ’Dyɨ Ndɨlɨ-e de, bha bini Ndɨlɨ gba anɨ-o, a la di-e kpála bhende lɨ Ndɨlɨ-e akʉnda nasuno anɨ pɨ e ko.

1 Djaa 5:20

Nɨ́ ambɨla me Ndɨlɨ gba Ebhe-e ago, anɨ atsia aha ɨmbɨlangʉ pɨ nɨ́, amba nɨ́ mbɨla Ebhe na kʉkʉlʉ-o. Nɨ́ akpɵtsɵ lɨnɨ́ ne Ebhe na kʉkʉlʉ-o, lɨ pápá gba Ndɨlɨ gba anɨ Yesu Kilisito. Ngaanɨ-e, a ko Ebhe na kʉkʉlʉ, a ko la di mʉkobho na dʉdʉma.

Tito 2:13

Nɨ́ dʉ namene moko ngʉbula nadjeke ekpɨ́ na djalɨ ɨnde nɨ́ ngao ’to nɨ́ ’to e-o. Lɨ ’kpɨ́ ango-o, Yesu Kilisito ɨnde Ebhe gba nɨ́ na ngbéngbé, di ne Mʉkobho gba nɨ́-e, agíe lɨe pɨ́la doto bhʉ́ sangu gba e ko.

Djaa 17:10

Ndʉ ’he ɨnde ka ma-a hana, a ko naamʉ. Ndʉ ’he ɨnde la di ka mʉ-o hana, a ko naama. La di-e, ma atsia asia sangu ka uo.

1 Timotio 3:16

A na paká me, engʉ́ ɨnde lɨ Ebhe ambamba ta e pɨ nɨ́ pɨndjɨ nabhuka gba nɨ́-e ngbéngbé. Engʉ́ ango-o me: Kilisito ago pɨ́la doto bhʉ́ kʉte maka kpála-kʉtɨ, Bu Bhobua asuno me, anɨ ngbingbili, oandjelu atsia au anɨ. U akpokpo engʉ́ gba anɨ-e pɨ okpála ɨnde ne omaYuda ade, okpála na pɨ́la doto libhomu abhuka anɨ, Ebhe atsia ae anɨ abhʉ́lá bhʉ́ sangu gba e-o.

Djaa 16:15

Ndʉ ’he gba ’Dyɨ ma-a hana, a ko di naama ’he. Kaka-a, ma apa me ndʉ ’ngʉ́ hana ɨnde lɨ Bua apá e pɨ yi-e, ayíe ka ma.»

1 Djaa 5:7

A ngakpokpo ’ngʉ́ tété ne oehe bata:

Djaa 10:29

’Dyɨ ma ɨnde aha uo mʉma-a, anɨ ngbéngbé ane ndʉ ’ngʉ́ hana. Kpála bini tɨ́ la di da nagbʉlʉ ’he bini ka ’Dyɨ ma de.

Djaa 10:36

Engʉ́ bini ngama-a, Ebhe abhʉ ma, anɨ atsia atima ma pɨ́la doto. Lele pɨ yi ngapa la lɨe me ma ngasobho Ebhe, anga ma ngapa me ma ne Ndɨlɨ gba Ebhe-e?