Apokalipisi 8:2 - Gandja na Mbɨa

² Pɨpɨta-a, ma au oandjelu mananɨka ɨnde alʉlʉ kala Ebhe-o. U aha ototɨ pɨ uo mananɨka.

Apokalipisi 8:2 ပူးပေါင်းရင်းမြစ်များ

Apokalipisi 11:15

Abhomʉ-o, andjelu na mananɨka-a au totɨ gba e-o. Oandjelu atsia asʉla abhʉ́lá kpekpeke me: «Naʉ na doto ɨbili sakpa ngámá gba ya, ne Masɨya gba e-o. Ngámá gba ya-a aʉ́ dʉdʉma ne dʉdʉma!»

Luka 1:19

Andjelu-o atsia agie pɨ anɨ me: «Ngama-a, ma ne Gabiele, ndʉ ’kpɨ́ hana ma dʉdʉ de Ebhe. Anɨ atima ma me ma go kpokpo bádha ngali ɨnde-e pɨ mʉ.

Apokalipisi 8:6

Abhomʉ-o, oandjelu mananɨka ɨnde aholo ototɨ mananɨka-a aleke lɨo ngʉ́ nauu.

Matié 18:10

Yesu atsia apa matá pɨ omʉkpata gba e me: «E-e! Yi aú sʉka okpála ɨnde ngakɵ lɨo ne kuto maka ongɨsɨ ɨnde-e padhá de, anga ma apa pɨ yi me abhʉ́lá-a, oandjelu gba uo ngalʉ ndʉ nedhɨnga hana kala ’Dyɨ ma. [

Apokalipisi 16:1

Pɨpɨta-a, ma adje kpéke eli ayie ne bhʉ́ ’ngbé ’tɨ Ebhe . Eli ango-o apa pɨ oandjelu mananɨka-a me: «Yi nʉnʉ, amba yi tuko okópo na ke ’ngʉ́ mananɨka gba Ebhe-e pɨ́la doto!»

Apokalipisi 15:1

Pɨpɨta-a, ma atsia ’kpɨ́, ma au matá engʉ́ na ngangamba koko akoto abhʉ́lá. A adʉ engʉ́ na ngbéngbé ɨnde di na tsʉlʉ tsʉlʉ. Ma au oandjelu mananɨka, a adʉ sakpa uo ne gba olɨkabhu mananɨka. Pɨpɨta-a, lɨkabhu koko matá ade, anga a ngasuno ke ’ngʉ́ ɨnde lɨ Ebhe apana e lɨ soso-o ngae.

Matié 24:31

U adjé gɨlɨ totɨ na kpekpeke ngaʉ. Ngama, Ndɨlɨ gba kpála-a, ma tsia tíma oandjelu gba ma me u nʉ po bhʉ́la okpála bhende lɨ Ebhe alo o ne ndʉ ’dje doto badha hana, nayie lɨ pápá bini, akólo makolo lɨ pápá koko.»

Luka 21:36

Yi alá-a de. Yi dʉ nayo Ebhe ndʉ nedhɨnga hana, ngʉbula me yi sia angu ngʉ́ nakpe ndʉ ’ngʉ́ ɨnde akólo hana, amba yi koto ngʉ́ nalʉ kala ma, Ndɨlɨ gba kpála-o.»

1 Kolito 15:52

Engʉ́ ango-o améne lɨe bhʉ́ nedhɨnga bedɨ, maka nakopo ka djila, nedhɨnga u aú totɨ na soso lɨe-o. Lɨ a aʉ́ lɨe, okpála ɨnde amu-o azúku ne kʉte ɨnde ɨ kpí matá-a de. La nganɨ́ bhende bhʉ́ mʉkobho-o, kʉte nɨ́ adjí lɨe na mbɨa.

1 Tesalonike 4:16

Padhá de, anga Ngámá ayíe abhʉ́lá ngae makpe ngʉ́ nakɵ pɨ́la doto. Lɨ nedhɨnga ango-o, anɨ há lɨ́lɨ kpekpeke, lɨ ngámá gba oandjelu-o bini tsia sʉ́la, lɨ totɨ gba Ebhe ú lɨe. Abhomʉ-o, lɨ okpála ɨnde amu me u nde abhuka Kilisito tsia zúku ngaɨza kalanʉ ngao.

Apokalipisi 1:4

Ngama Djaa, ma atima balʉa ɨnde-e bhʉ́ oDadjua mananɨka ɨnde bhʉ́ ndu doto na Adjia-o. A ayo me Ebhe ɨnde ʉʉ ɨnde adʉ nanɨ ʉʉ, ɨnde la di ngago-o, suno bádha bhʉ́ ’bu ne guo ’ngʉ́ gba e pɨ yi. A ayo di me obua mananɨka ɨnde kala kiti na ngámá gba Ebhe-e, bhʉ́ dabɨlɨ ne Yesu Kilisito suno bádha bhʉ́ ’bu ne guo ’ngʉ́ pɨ yi. Yesu Kilisito-o, a ko kpála ɨnde akpokpo ngbili ’ngʉ́ . A ko di kpála na kalanʉ ɨnde azuku bhʉ́ ká okpála ɨnde amu, a ko la di ngámá gba ongbengbe ongámásɨ na doto. Kilisito ngakʉnda nɨ́, anɨ atsia agbegbe nɨ́ bhʉ́ osisiti ’ngʉ́ gba nɨ́-e ne ngʉte e.

Apokalipisi 8:13

Pɨpɨta-a, ma atsia matá ’kpɨ́, ma adje ndua bini me anɨ nde ngakodho ’kpɨ́ abhʉ́lá tsutsu naali. Anɨ adʉ nasʉsʉla me: «A ko lɨkabhu! A ko lɨkabhu! A ko lɨkabhu pɨ okpála na doto lɨ oandjelu bata bhe koko aú totɨ gba o-o lɨe ko.»

Apokalipisi 9:1

Abhomʉ-o, andjelu na bhuluvue au totɨ gba e-o. Ma au ɨkʉpala bini ayie abhʉ́lá, atɨ pɨ́la doto. U atsia aha lɨfʉngʉla na ’bhɵ tsu ’dú-o pɨ ɨkʉpala ango-o.