Apokalipisi 18:8 - Gandja na Mbɨa

⁸ Kaka-a, ndʉ okpekpeke da ’ngʉ́ ɨnde ao lɨe pɨ anɨ-e agó galikpe atɨ́ pɨ́ anɨ lɨ koli ’kpɨ́ bini ndʉndʉ hana. Okpekpeke da ’ngʉ́ ango-o ngae ɨnde: nakpi ka okpála, talia di ne gʉmʉ, lɨ djua tsia tsúlu di anɨ hana má kpɵkɵbhɵ! Padhá de, anga Ngámá Ebhe ɨnde akodho ’ngʉ́ gba anɨ-e, ne kpála na angu.»

Apokalipisi 18:8 ပူးပေါင်းရင်းမြစ်များ

Apokalipisi 17:16

Odi ’nʉ ndjɨkpa ne enʉ ɨnde mo ou e bhomʉ-o, ayála ɵlɵ na zabhe-o. U bhá ’he lɨ anɨ hana, u aó ká anɨ ndumbu, u azʉ́ mbɨlɨka anɨ, u tsia bú dú anɨ bhʉ́ djua.

Apokalipisi 18:19

U adʉ aba embɨ bhʉ́ ’ndjɨ o, u adʉ aku ’gbá, u atsia adʉ alopolo lɨo me: «A ko lɨkabhu na ngbéngbé pɨ yi, okpála na ’ngbé gʉdhʉ-o! Bhiti tɨa gba yi-e ngae ɨnde lɨ okpála ɨnde ngamene kulu pɨ́ ’ngbé ’ngu-o akpo ka e ko. La-a, ndʉ ’he bhomʉ-o hana andjia bha lɨ saa bini má kpɨkɨlɨ!»

1 Kolito 10:22

Yi abhundja me nɨ́ kpekpeke ane Ngámá-a? Nɨ́ akʉnda me bua anɨ ke ne nɨ́?

Apokalipisi 19:3

U atsia apa matá me: «Aleluya! Yi toko Ebhe, Ngámá gba nɨ́-o! Ngúwa ɨnde ngakoto bhʉ́ gʉdhʉ-o ngaʉ abhʉ́lá dʉdʉma ne dʉdʉma.»

Apokalipisi 18:17

Ndʉ ’he bhomʉ-o hana angɨ́ta bha lɨ saa bini má kpɨkɨlɨ!» Abhomʉ-o, ndʉ obhʉlʉ nadjele zabʉ hana, bhʉ́ dabɨlɨ bini ne okpála ɨnde u abɨ o, okpála nadhʉkʉ pɨ́ ’ngbé ’ngu bhʉ́ dabɨlɨ bini ne obhʉlʉ nagɨlɨ tɨa pɨ́ ’ngbé ’ngu-o alʉlʉ mbo tsutsu.

Apokalipisi 17:18

La di-e, ɵlɵ ɨnde mo ou e-e, a ko ’ngbé gʉdhʉ ɨnde ngaʉ pɨ́ ongámásɨ na doto-o.»

Apokalipisi 11:17

u apa me: «Ebhe Ngámá Apɨ́ ’Kpɨ́, ngamʉ kpála ɨnde ʉʉ, ɨnde adʉ di nanɨ ʉʉ, ya ngatoko mʉ, anga mo opana angu gba mʉ, ndʉ ’ngʉ́ hana agie lɨe sakpa mʉ. Mo otsia aʉ ngámá pépé.