Apokalipisi 18:6 - Gandja na Mbɨa

⁶ Yi mene anɨ maka anɨ amene okpála koko lɨe-o. Yi gie siti ’ngʉ́ anɨ amene e pɨ anɨ bhʉtsibhʉtsi bhisi. Yi ha pandɨ ɨnde ane bhe gba anɨ-e ne kpéke bhʉtsibhʉtsi bhisi-e pɨ anɨ bhʉ́ kópo ɨnde anɨ adʉ ao pandɨ gba e bhʉ́ ’bhɵ okpála ne e ko.

Apokalipisi 18:6 ပူးပေါင်းရင်းမြစ်များ

Apokalipisi 16:19

’Ngbé gʉdhʉ na Babilona agʉgʉmʉ bhʉsʉ e ne ndundundu bata. Abhomʉ-o, ndʉ ogʉdhʉ na okʉtɨ hana atuko kuto. Abhomʉ-o, Ebhe atsia ao nga la ’to e ’to ’ngbé gʉdhʉ na Babilona. Anɨ atsia aha pɨ anɨ kópo na vino na ke ’ngʉ́ gba e na sisiti ɨnde adʉ adʉla bhʉ́ e madʉla me anɨ ndjɨ.

Apokalipisi 14:10

kpála ango-o ndjɨ́ bhadi vino na ke ’ngʉ́ gba Ebhe-o! Ebhe atúko ngɨlɨ vino ango-o bhʉ́ kópo na ke ’ngʉ́ gba e-o! Ngua kpála bhomʉ-o asía lɨkabhu bhʉ́ djua na baluti kala oandjelu na bububu di ne kala Ndɨlɨ Kandɵlɵ-o.

Apokalipisi 17:4

Ɵlɵ ango-o adyɨ obongo na mbembembe na tɨa naali. Anɨ atsia adyɨ omagege na olo ne obhe na teme na mase naali di ne omayaka lɨ kʉte e bedhe. A adʉ sakpa anɨ ne kópo na olo ɨnde abedhe ne zɨbotʉ bhʉ́ e bedhe ka zabhe gba anɨ-o.

2 Timotio 4:14

Alekɨdjandele, bhʉlʉ nabho bolo-o amene ma sisiti naali. Ngámá agíe pɨ anɨ nakpata lele siti ’ngʉ́ anɨ amene e lɨ ma-a ngae.

Apokalipisi 17:2

Ongbengbe ongámásɨ na doto amene zabhe ne anɨ. Okpála na doto atsia alangba ne vino gba anɨ na zabhe-o.»

Apokalipisi 13:10

Kpála ɨnde ayo me anɨ nʉ bhʉ́ tɨkpʉ-o, anʉ́ bha bhʉ́ tɨkpʉ. Kpála ɨnde ayo me anɨ kpi lɨ mbotɨa-a, akpí bha lɨ mbotɨa. Kaka-a, a ayo me okpála gba Ebhe-e dʉ ne ’ndjá bua, di ne nabhuka .

Apokalipisi 18:20

Ngayi okpála ɨnde abhʉ́lá-a, yi kpi ndjɨlɨ lɨ nakpi ka gʉdhʉ ango-o! Ngayi omaha Ebhe, ne yi obhʉlʉ titima gba Ebhe, di ne yi opolofeta , yi kpi ndjɨlɨ! Padhá de, anga Ebhe akodho ’ngʉ́ gba anɨ-e ka siti ’ngʉ́ ɨnde anɨ amene e lɨ yi ko!