Apokalipisi 18:3 - Gandja na Mbɨa

³ Padhá de, anga ndʉ okpála na doto hana andjɨ siti zabhe gba anɨ-e maka okpála andjɨndjɨ vino lɨe-o. Ongbengbe ongámásɨ na doto amene zabhe ne anɨ, obhʉlʉ natsɨndjɨ ’he na pɨ́la doto atsia akpo di lɨ angu na bhiti tɨa gba anɨ-o.»

Apokalipisi 18:3 ပူးပေါင်းရင်းမြစ်များ

Apokalipisi 17:2

Ongbengbe ongámásɨ na doto amene zabhe ne anɨ. Okpála na doto atsia alangba ne vino gba anɨ na zabhe-o.»

Apokalipisi 14:8

Pɨpɨta-a, andjelu na bhisi-e akpata bhe na kalanʉ-o. Anɨ adʉ apa me: «Babilona na ngbéngbé-e atɨ! A atɨ na paká paká! Anɨ ase ndʉ opiga hana ne siti vino gba e-o. Vino ango-o, a ko zabhe ɨnde anɨ ngamene e-o!»

Apokalipisi 18:9

Abhomʉ-o, ongbengbe ongámásɨ na doto ɨnde-e amene zabhe bhʉ́ dabɨlɨ bini ne anɨ. U akpi ndjɨlɨ ne anɨ lɨ bhiti tɨa gba anɨ-o. Lɨ u aú ngúwa djua atsúlu anɨ-e lɨe, u kú ’gbá, u tsia lópolo di lɨo ngʉ́ anɨ.

Apokalipisi 18:23

Zɨ tala dʉ́ matá di agba mʉ de. U djé matá di ’li okpála ɨnde aha lɨo agba mʉ de. Padhá de, anga obhʉlʉ natsɨndjɨ ’he ɨnde adʉ bhʉ́ gʉdhʉ gba yi-e, adʉ ongbengbe kpála na doto. Obhʉlʉ kobha gba yi-e apite ndʉ okpála hana.

Luka 7:25

Ɨ dʉ mo-o de-e, yi anʉ la ɨgɨnɨ natsia nɨ? Kpála ɨnde adyɨ babadha bongo-o ? A mo-o ade, anga obhende ngadyɨ babadha bongo-o, ɨnde di ne ká tɨa ka o-o ngadʉ abhʉ́ ’tɨ gba ongámásɨ.

1 Timotio 5:11

Engʉ́ bini, pɨ oɵkɵsɨ bhende na otsalɨsɨ tsalɨsɨ-e, mo oyé ’lɨ uo bhʉ́ ká obhende lɨ Piga gba Ebhe-e ngabɨ o-o de. Padhá de, anga nedhɨnga lɨ gʉmʉ naha bhoko koko alɨ́ bhʉ́ uo lɨe, ɨ méne me u dji ’ngbʉ o lɨ Kilisito .

Apokalipisi 18:7

Anɨ adʉ akpi ndjɨlɨ naali bhʉ́ asasaua na tɨa gba e-o. Kaka-a, yi gie di lɨkabhu ne mʉlopolo pɨ anɨ lɨ lelele. Padhá de, anga anɨ ngapa lɨ bua e me: ‹Ma adʉ pɨ́ kiti na ɵlɵ gba ngámá, ma ne ɵkɵ ade, ma adʉ́ galikpe bhʉ́ talia de.›

Apokalipisi 18:19

U adʉ aba embɨ bhʉ́ ’ndjɨ o, u adʉ aku ’gbá, u atsia adʉ alopolo lɨo me: «A ko lɨkabhu na ngbéngbé pɨ yi, okpála na ’ngbé gʉdhʉ-o! Bhiti tɨa gba yi-e ngae ɨnde lɨ okpála ɨnde ngamene kulu pɨ́ ’ngbé ’ngu-o akpo ka e ko. La-a, ndʉ ’he bhomʉ-o hana andjia bha lɨ saa bini má kpɨkɨlɨ!»