Apokalipisi 16:5 - Gandja na Mbɨa

⁵ Ma atsia adje andjelu ɨnde adʉ ne angu pɨ́ ongu-o ngapa me: «Ngamʉ kpála na bubu, ɨnde ʉʉ, ɨnde adʉ di nanɨ ʉʉ-o, mʉ ne ngbili kpála , anga mo opana ngbili ’ngʉ́ gba mʉ-o.

Apokalipisi 16:5 ပူးပေါင်းရင်းမြစ်များ

Apokalipisi 11:17

u apa me: «Ebhe Ngámá Apɨ́ ’Kpɨ́, ngamʉ kpála ɨnde ʉʉ, ɨnde adʉ di nanɨ ʉʉ, ya ngatoko mʉ, anga mo opana angu gba mʉ, ndʉ ’ngʉ́ hana agie lɨe sakpa mʉ. Mo otsia aʉ ngámá pépé.

Apokalipisi 1:8

Ebhe Ngámá Apɨ́ ’Kpɨ́ apa me: «Ma ne Kpála ɨnde akpo lita ndʉ ’ngʉ́ hana, ma di ne Kpála ɨnde abú ta ndʉ ’ngʉ́ hana.» Ebhe ne Kpála ɨnde ʉʉ, Kpála ɨnde adʉ nanɨ ʉʉ, Kpála ɨnde di ngago.

Apokalipisi 1:4

Ngama Djaa, ma atima balʉa ɨnde-e bhʉ́ oDadjua mananɨka ɨnde bhʉ́ ndu doto na Adjia-o. A ayo me Ebhe ɨnde ʉʉ ɨnde adʉ nanɨ ʉʉ, ɨnde la di ngago-o, suno bádha bhʉ́ ’bu ne guo ’ngʉ́ gba e pɨ yi. A ayo di me obua mananɨka ɨnde kala kiti na ngámá gba Ebhe-e, bhʉ́ dabɨlɨ ne Yesu Kilisito suno bádha bhʉ́ ’bu ne guo ’ngʉ́ pɨ yi. Yesu Kilisito-o, a ko kpála ɨnde akpokpo ngbili ’ngʉ́ . A ko di kpála na kalanʉ ɨnde azuku bhʉ́ ká okpála ɨnde amu, a ko la di ngámá gba ongbengbe ongámásɨ na doto. Kilisito ngakʉnda nɨ́, anɨ atsia agbegbe nɨ́ bhʉ́ osisiti ’ngʉ́ gba nɨ́-e ne ngʉte e.

Apokalipisi 4:8

Ndʉ uo badha hana, u adʉ ne mbumbudha madhɨa madhɨa. Djidjila atsia abedhe tété bedhe bedhe, alɨ ngbʉngbʉ di ne asabusabu. U ngali ’tsi sukpe ne ngbɨkpɨ mandɨ naguo me: «Ebhe Ngámá Apɨ́ ’Kpɨ́, Bubu, anɨ Bubu, anɨ Bubu. A ko Kpála ɨnde adʉ nanɨ ʉʉ, ɨnde ʉʉ, ɨnde di ngago!»

Loma 2:5

Ngamʉ-o, mʉ ne kpéke ’ndjɨ, mʉ kʉnda nadji bua mʉ de. Kaka-a, mʉ bhomʉ-o ngagbele pɨ́ ’ndjɨ mʉ mangɨmbo bhende ane la matá mane bhʉ́ ekpɨ́ ɨnde lɨ Ebhe asúno ke ’ngʉ́ gba e lɨe, anɨ tsia kódho di engʉ́ gba okpála hana ngbingbili-o.

Apokalipisi 16:7

Pɨpɨta-a, ma adje eli akoto pɨ́ misa natsulu mʉngotsi pɨ Ebhe-o. Eli ango-o adʉ apa me: «A ko paká, Ebhe Ngámá Apɨ́ ’Kpɨ́, ndʉ ’ngʉ́ mo okodho e hana-a, mo okodho lɨ lelele, a la bhadi ngbingbili.»

Loma 3:5

Ma gama nga ’ngʉ́ nakpata lele maka okpála-kʉtɨ agagama ’ngʉ́ lɨe. Nedhɨnga koko, okpála koko pá me siti ’ngʉ́ nɨ́ ngamene e ngateteke okpála ngʉ́ nambɨla me Ebhe ne ngbili kpála. U pa mo-o, nɨ́ gíe pɨ uo mangua ’ngʉ́ dho? Nɨ́ gíe pɨ uo me a ko paká, Ebhe ne ngbili kpála, anga anɨ ngao mangɨmbo pɨ́ ’ndjɨ nɨ́ ade.

Apokalipisi 19:2

Engʉ́ anɨ ngakodho e hana-a, anɨ ngakokodho lɨ lelele, a la bhadi ngbingbili. Padhá de, anga anɨ akodho ’ngʉ́ gba ’ngbé bhʉlʉ zabhe ɨnde adʉ nako asiti ’ndjɨ okpála na doto ne zabhe gba e ko. Anɨ atsia agisila engʉ́ nabhili obalise gba e lɨ anɨ.»

Apokalipisi 16:4

Andjelu na bata-a atuko ke ’ngʉ́ ɨnde adʉ bhʉ́ kópo gba e bhʉ́ ongade ’ngu, ne bhʉ́ okpongu. A atsia adji lɨe ngʉte.

Djaa 17:25

’Dyɨ ma ɨnde ngbingbili, okpála na pɨ́la doto mbɨla mʉ de. Engʉ́ bini, ngama-a, ma ambɨla mʉ. Okpála ɨnde-e ambɨla la di me mo otima ma ngamʉ.

Apokalipisi 6:10

U adʉ asʉsʉla kpekpeke me: «Ngámá na bubu, mʉ ne kʉkʉlʉ ngámá ngamʉ. Mʉ ngadjeke nɨ ngʉ́ nakodho ’ngʉ́ sʉnda ya ne okpála na doto-o? Ngauo, u abhili nanɨ ya. Kodho ’ngʉ́ bhomʉ-o kokodho, amba mʉ o ’ngʉ́ pɨ́ uo.»