Apokalipisi 14:7 - Gandja na Mbɨa

⁷ Anɨ adʉ nasʉsʉla kpekpeke me: «Yi kpe Ebhe, amba yi dhɵgɵ di anɨ! Padhá de, anga nedhɨnga me anɨ kodho ’ngʉ́ gba okpála na doto akolo. Yi dhɵgɵ kpála ɨnde abho kokpɨ́ ne doto ne ’ngbé ’ngu di ne okpongu-o.»

Apokalipisi 14:7 ပူးပေါင်းရင်းမြစ်များ

Apokalipisi 15:4

A mánga mʉ de da, Ngámá? A adhɵ́gɵ mʉ de da? Padhá de, anga mʉ bubu ngamʉ kpi mʉ kpi. Ndʉ opiga hana agó atʉtʉ lɨpʉkʉ o kala mʉ. Padhá de, anga mo opana ngbili ’ngʉ́ gba mʉ-o pɨ uo apana.»

Apokalipisi 11:18

Opiga na doto azɨ nanɨ mbʉtʉ lɨ mʉ naali, la mbɨa ɨnde-e, ke ’ngʉ́ gba mʉ-o ago pɨ́ uo ago. Nedhɨnga nakodho ’ngʉ́ gba okpála ɨnde amu-o akolo. A ko nedhɨnga ɨnde mo ogíe bádha ’ngʉ́ lɨe pɨ obalise gba mʉ opolofeta di ne ndʉ okpála gba mʉ-o hana, ɨnde di ngamanga mʉ, ongbengbengbe ne odjedjedje-o. A ko nedhɨnga ngʉ́ nabhili obhe ngabhɵlɵ doto-o.»

Apokalipisi 4:11

«Ebhe Ngámá gba ya, mo otɨ ne napa me okpála toko mʉ, u dhɵgɵ mʉ, amba mʉ sia sangu kabula ngámá gba mʉ-o. Padhá de, anga mo obho ndʉ ’he hana ngamʉ. A atsia amene lɨe, anga mo okʉnda nanɨ me a amene lɨe moko.»

Apokalipisi 11:13

Bha bhʉ́ nedhɨnga bhomʉ-o, kpéke adjigidjo adyɨkɨ bɨlɨ, té gʉdhʉ-o atuko. Ɨ dʉ me u nde agbo bhʉsʉ gʉdhʉ-o ne ndundundu ndjɨkpa-a, akʉnda napa me adjigidjo bhomʉ-o adyɨkɨ bini bhʉ́ káká. Abhomʉ-o, okpála kɵtɵ mananɨka amu ka adjigidjo ango-o. Obhe atigala-a, tsʉlʉ abedhe uo bedhe. U atsia adhɵgɵ Ebhe ɨnde abhʉ́lá-o.

Apokalipisi 18:10

U alʉ́lʉ de anɨ tsutsu ka nakpe lɨkabhu ɨnde abhaka anɨ-o. U tsia pá me: «A ko lɨkabhu na ngbéngbé pɨ mʉ, Babilona! Mʉ ne ’ngbé gʉdhʉ, mʉ la di ne angu. La-a, Ebhe akodho ’ngʉ́ gba mʉ-o bha bhʉ́ saa bini padhá!»

Apokalipisi 16:9

Abhomʉ-o, bɨlɨ akpa na mʉgwe mʉgwe, okpála atsia atsulu kaka. U asobho ’lɨ Ebhe ɨnde adʉ bhʉ́ e ne angu ngʉ́ natima ngua oke ’ngʉ́ bhomʉ-o. Engʉ́ bini, u dji bua o ngʉ́ nadhɵgɵ Ebhe de.

Apokalipisi 4:9

Ndʉ nedhɨnga hana lɨ okpála badha bhomʉ-o ngali ’tsi ngʉ́ nadhɵgɵ kpála ɨnde adʉ pɨ́ kiti na ngámá, kpála ɨnde la di bhʉ́ mʉkobho dʉdʉma ne dʉdʉma, u ngaha sangu di ne nagie heni pɨ e lɨe,

Kulu 14:15

«Ondaise ya, yi ngamene bhomʉ-o nɨ? Ya bha ne okpála maka yi. Ya ago pɨ yi ne Bádha Ngali me yi o ká oebhe ɨnde na padhá padhá bhomʉ-o, ɨnde lɨ mbinimbini nde bhʉ́ o ade ko. La di me yi ha lɨyi pɨ Ebhe na mʉkobho ɨnde abho ekpɨ́, abho doto, abho ’ngbé ’ngu ne ndʉ ’he ɨnde bhʉ́bhʉ́-o hana ko.

Apokalipisi 19:5

Abhomʉ-o, eli bini ayie ne lɨ pápá na kiti na ngámá-o. Eli ango-o apa me: «Yi toko Ebhe gba nɨ́-o, ndʉ yi obalise gba anɨ-e hana, ngayi okpála ɨnde ngamanga anɨ-o, abana ngayi ongbengbe okpála ne yi odjedjedje!»

Apokalipisi 8:10

Abhomʉ-o, andjelu bhe na bata au totɨ gba e-o. ’Ngbé ɨkʉpala bini ɨnde lɨ zɨ e adʉ atsi maka zɨ ’ké na ngbéngbé ayie abhʉ́lá, atɨ kuto. A atsia atɨ pɨ́ té ongade ’ngu di ne okpongu-o. Ɨ dʉ me u nde apo bhʉ́la ongade ’ngu di ne ondjɨngu hana-a, u tsia gbo bhʉsʉ bhʉsʉ bata-a, akʉnda napa me atɨ bhomʉ-o pɨ́ bini bhʉ́ káká.

Luka 17:18

Kpála bini bhundja nago nagie heni pɨ Ebhe de, bha bini kpála ɨnde naae ne maYuda ade ɨnde-e?»

Apokalipisi 18:19

U adʉ aba embɨ bhʉ́ ’ndjɨ o, u adʉ aku ’gbá, u atsia adʉ alopolo lɨo me: «A ko lɨkabhu na ngbéngbé pɨ yi, okpála na ’ngbé gʉdhʉ-o! Bhiti tɨa gba yi-e ngae ɨnde lɨ okpála ɨnde ngamene kulu pɨ́ ’ngbé ’ngu-o akpo ka e ko. La-a, ndʉ ’he bhomʉ-o hana andjia bha lɨ saa bini má kpɨkɨlɨ!»

Apokalipisi 18:17

Ndʉ ’he bhomʉ-o hana angɨ́ta bha lɨ saa bini má kpɨkɨlɨ!» Abhomʉ-o, ndʉ obhʉlʉ nadjele zabʉ hana, bhʉ́ dabɨlɨ bini ne okpála ɨnde u abɨ o, okpála nadhʉkʉ pɨ́ ’ngbé ’ngu bhʉ́ dabɨlɨ bini ne obhʉlʉ nagɨlɨ tɨa pɨ́ ’ngbé ’ngu-o alʉlʉ mbo tsutsu.

1 Piele 4:7

Sokpɨ́ akolo masɨkpe. Kaka-a, yi dʉ ne bádha mabhundja, yi bhulu djila yi, amba yi dʉ nayo Ebhe.

Matié 25:13

Yesu atsia abu tata-a me: «Yi lila lɨyi, anga yi mbɨla ekpɨ́ lɨ ngama Ndɨlɨ gba kpála ma agó lɨe de, yi mbɨla la di nedhɨnga ango-o de.»