Apokalipisi 11:18 - Gandja na Mbɨa

¹⁸ Opiga na doto azɨ nanɨ mbʉtʉ lɨ mʉ naali, la mbɨa ɨnde-e, ke ’ngʉ́ gba mʉ-o ago pɨ́ uo ago. Nedhɨnga nakodho ’ngʉ́ gba okpála ɨnde amu-o akolo. A ko nedhɨnga ɨnde mo ogíe bádha ’ngʉ́ lɨe pɨ obalise gba mʉ opolofeta di ne ndʉ okpála gba mʉ-o hana, ɨnde di ngamanga mʉ, ongbengbengbe ne odjedjedje-o. A ko nedhɨnga ngʉ́ nabhili obhe ngabhɵlɵ doto-o.»

Apokalipisi 11:18 ပူးပေါင်းရင်းမြစ်များ

Apokalipisi 20:12

Abhomʉ-o, ma au okpála ɨnde amu-o, ongbengbengbe ne odjedjedje, alʉlʉ kala kiti na ngámá-o. U abhulu obhuku. U atsia abhulu di bhuku koko, a adʉ bhuku na mʉkobho-o. Abhomʉ-o, Ebhe atsia akodho ’ngʉ́ gba okpála ɨnde amu-o nakpata lele kulu gba uo-o, nakpata engʉ́ ɨnde u aye e bhʉ́ obhuku-o.

Apokalipisi 19:5

Abhomʉ-o, eli bini ayie ne lɨ pápá na kiti na ngámá-o. Eli ango-o apa me: «Yi toko Ebhe gba nɨ́-o, ndʉ yi obalise gba anɨ-e hana, ngayi okpála ɨnde ngamanga anɨ-o, abana ngayi ongbengbe okpála ne yi odjedjedje!»

Apokalipisi 13:10

Kpála ɨnde ayo me anɨ nʉ bhʉ́ tɨkpʉ-o, anʉ́ bha bhʉ́ tɨkpʉ. Kpála ɨnde ayo me anɨ kpi lɨ mbotɨa-a, akpí bha lɨ mbotɨa. Kaka-a, a ayo me okpála gba Ebhe-e dʉ ne ’ndjá bua, di ne nabhuka .

Apokalipisi 22:12

Yesu apa me: «Gbo ’dje mʉ, ma ngago mbɨa ɨnde! Ma ngago sakpa ma ne makalá ɨnde ayo me ma ha e pɨ kpála ne kpála nakpata lele kulu ɨnde anɨ amene e-o.

Apokalipisi 15:7

Sʉka okpála badha na ngangamba-a aha kópo na olo mananɨka pɨ oandjelu mananɨka-o. Okópo ango-o adʉ bedhe bedhe ne oke ’ngʉ́ gba Ebhe ɨnde bhʉ́ mʉkobho dʉdʉma ne dʉdʉma-o.

Apokalipisi 15:1

Pɨpɨta-a, ma atsia ’kpɨ́, ma au matá engʉ́ na ngangamba koko akoto abhʉ́lá. A adʉ engʉ́ na ngbéngbé ɨnde di na tsʉlʉ tsʉlʉ. Ma au oandjelu mananɨka, a adʉ sakpa uo ne gba olɨkabhu mananɨka. Pɨpɨta-a, lɨkabhu koko matá ade, anga a ngasuno ke ’ngʉ́ ɨnde lɨ Ebhe apana e lɨ soso-o ngae.

Apokalipisi 14:10

kpála ango-o ndjɨ́ bhadi vino na ke ’ngʉ́ gba Ebhe-o! Ebhe atúko ngɨlɨ vino ango-o bhʉ́ kópo na ke ’ngʉ́ gba e-o! Ngua kpála bhomʉ-o asía lɨkabhu bhʉ́ djua na baluti kala oandjelu na bububu di ne kala Ndɨlɨ Kandɵlɵ-o.

Ebele 9:27

Ndʉ okpála-kʉtɨ hana kpikpi bha bhʉtsibhʉtsi bini. Pɨpɨta-a, lɨ Ebhe tsia kódho ’ngʉ́ gba uo-o.

Luka 1:50

ndjinga gba anɨ-e ngadʉ dʉdʉma ne dʉdʉma pɨ okpála ɨnde ngakpe anɨ ko.

Matié 5:12

Yi mbɨla me, u ato bhadi nanɨ mbolo lɨ opolofeta na kalanʉ-o moko. Kaka-a, yi dʉ bhʉ́ djalɨ, amba yi dʉ di bhʉ́ ndjɨlɨ, anga makalá gba yi ɨnde abhʉ́lá-a adʉ́ ngbéngbé.»

Apokalipisi 20:15

Abhomʉ-o, ndʉ kpála hana ɨnde u ye ’lɨ e bhʉ́ bhuku na mʉkobho-o de-e, u abhike anɨ bhʉ́ dé djua bhomʉ-o.

Apokalipisi 18:6

Yi mene anɨ maka anɨ amene okpála koko lɨe-o. Yi gie siti ’ngʉ́ anɨ amene e pɨ anɨ bhʉtsibhʉtsi bhisi. Yi ha pandɨ ɨnde ane bhe gba anɨ-e ne kpéke bhʉtsibhʉtsi bhisi-e pɨ anɨ bhʉ́ kópo ɨnde anɨ adʉ ao pandɨ gba e bhʉ́ ’bhɵ okpála ne e ko.

Apokalipisi 11:2

Engʉ́ bini, o mbadhasʉ na ’ngbé ’tɨ Ebhe-e lɨ ngongo. Mo opíma de, anga Ebhe apʉ nanɨ bhobhomʉ-o pɨ okpála ɨnde ne omaYuda ade-o. U adédele gʉdhʉ na bubu gba Ebhe-e ngʉbula epe ndjɨkpa badha ne ká bhisi.

Apokalipisi 19:15

Mbotɨa ɨnde lɨ ’bhɵ e adʉ bebedhe-e adʉ akoto bhʉ́ ’bhɵ anɨ. Mbotɨa ango-o adʉ ngʉbula nabhili opiga ne di. Anɨ aʉ́ pɨ́ ’ndjɨ uo ne angu e hana. Anɨ tsia pí vino bhʉ́ ’ngbé ngbɵngɵlɵ na ke ’ngʉ́ gba Ebhe Ngámá Apɨ́ ’Kpɨ́-o. Ke ’ngʉ́ ango-o adʉ́ nadʉla madʉla.

Apokalipisi 10:7

Engʉ́ bini, nedhɨnga lɨ andjelu na mananɨka-a ahólo nau totɨ gba e lɨe, abhomʉ-o Ebhe tsía méne engʉ́ ɨnde anɨ awo nanɨ e ko. Anɨ améne maka anɨ apa nanɨ pɨ obalise gba e opolofeta lɨe ko.»

Apokalipisi 13:16

Enʉ ango-o aye tele lɨ ndʉ okpála hana. Anɨ aye lɨ okpála koko lɨ ’kpa o na kokpa, anɨ aye lɨ okpála koko pidi o, abana ɨ dʉ mboye ndɨlɨ, abana ɨ dʉ bhele kpála, abana ɨ dʉ bhʉlʉ tɨa, abana ɨ dʉ bhʉlʉ ndɨbhɨlɨ, abana ɨ dʉ bali, abana ɨ dʉ kpála ɨnde bhʉ́ bali ade.

Apokalipisi 19:18

Yi go zʉ mbɨlɨka ongbengbe ongámásɨ ne ongámásɨ gba osʉdha di ne osʉdha. Yi go zʉ mbɨlɨka opunda di ne mbɨlɨka osʉdha ɨnde adhʉdhʉkʉ ne di-o. Yi go zʉ mbɨlɨka okpála, abana ɨ dʉ obhende bhʉ́ bali ne obhe bhʉ́ bali ade-o, abana ɨ dʉ odjedjedje ne ongbengbengbe.»