2 Tesalonike 3:3 - Gandja na Mbɨa

³ Engʉ́ bini, Ngámá Yesu ne kpála ɨnde amemene engʉ́ maka anɨ apa lɨe-o. Anɨ ahá angu pɨ yi bhʉ́ nabhuka, anɨ tsia líla yi sakpa Siti.

2 Tesalonike 3:3 ပူးပေါင်းရင်းမြစ်များ

2 Timotio 4:18

Ngámá agbégbe matá ma sakpa ndʉ egʉ́ lɨ okpála ngagʉ ma ne e hana, anɨ tsia tó ma bhʉ́ Naʉ gba e na abhʉ́lá-o. A ayo me u dhɵgɵ Ngámá dʉdʉma ne dʉdʉma! A adʉ moko.

1 Tesalonike 5:24

Ebhe ɨnde ngaɨ yi-e améne me yi dʉ libhomu pɨ nɨ, anga anɨ memene ndʉ ’ngʉ́ hana ɨnde anɨ apapa e-o.

1 Kolito 10:13

Nale ɨnde ngabhaka yi-e, a ko nale ɨnde ngakolo bha lɨ ndʉ okpála hana. Ebhe atéteke yi maka anɨ apa lɨe-o. Anɨ tɨ da naka kpadjɨ de me engʉ́ ɨnde akólo lɨ yi-e ha angu yi-e de. Engʉ́ bini, ɨ dʉ me nale nde akolo lɨ yi-e, Ebhe há angu pɨ yi ngʉ́ nakikibila. Anɨ tsia téteke yi me yi atɨ́-ɨ de.

1 Kolito 1:9

Ebhe gba nɨ́-e djidji ’li e de. Anɨ aɨ yi me yi kpɵtsɵ lɨyi ne Ndɨlɨ gba nɨ Yesu Kilisito, Ngámá gba nɨ́-o, anɨ djí ’li e bhomʉ-o de.

Djaa 17:15

Ma ngayo mʉ ade me mʉ e uo pɨ́la doto mae-e de. Engʉ́ bini, ma ngayo mʉ me lila uo sakpa Siti malila.

Djude 1:24

Sangu pɨ koli Ebhe bini ɨnde akobho nɨ́ lɨ kpadjɨ gba Yesu Kilisito, Ngámá gba nɨ́-o. Anɨ tɨ da nayoko me yi atɨ́ bhʉ́ siti ’ngʉ́ de, anɨ tɨ da namene me yi koto kala nɨ me engʉ́ na sisiti nde bhʉ́ yi ade, di ne me yi nde abedhe ne djalɨ bedhe. A ayo me okpála dhɵgɵ anɨ, a ayo me anɨ ʉ, a ayo me angu di ne ngámá dʉ bhʉ́ dabɨlɨ bini ne anɨ mbɨa ɨnde, dʉdʉma ne dʉdʉma. A adʉ moko!

Matié 6:13

Ɨ dʉ me ya nde alɨ bhʉ́ nale-e, mo oó de me ya mene siti ’ngʉ́-o de. Engʉ́ bini, lila ya sakpa Djabʉlʉ malila. [Padhá de, anga Naʉ ne angu la di ne sangu , a ko naamʉ ’he, dʉdʉma ne dʉdʉma. A adʉ moko.]›

2 Piele 2:9

Ɨ dʉ me a nde mo-o, Ngámá mbɨla kpadjɨ ɨnde anɨ akóbho okpála ɨnde ngakpata ’li e bhʉ́ okpekpeke da ’ngʉ́-o ndjɨndjɨ. Anɨ mbɨla la di kpadjɨ ɨnde anɨ ahólo okpála ɨnde ngandjo ’li e ngʉbula me u zʉ lɨkabhu lɨ ’kpɨ́ anɨ akódho ’ngʉ́ gba okpála lɨe ndjɨndjɨ.

Luka 11:4

Mbu lɨ osisiti ’ngʉ́ gba ya ko. A moko, ngaya makpe, ya ngambu di lɨ osisiti ’ngʉ́ lɨ okpála amene e lɨ pabɨlɨ gba ya ko. Mo oó de me nale ha angu ya-a de.›»

Matié 5:37

Ɨ dʉ me yi nde ngagama ’ngʉ́-o, yi de pa bha me: ‹A moko›, di ne me ‹A mo-o ade.› Padhá de, anga ndʉ ongʉ́ bhe pépé-e hana ayie ka Djabʉlʉ.»

1 Piele 5:10

Yi adjé nga matá lɨkabhu ngʉbula nedhɨnga bedɨ. Engʉ́ bini, Ebhe ɨnde bhʉlʉ bádha bhʉ́ ’bu-o, aɨ yi ngʉ́ nalɨ bhʉ́ sangu na dʉdʉma gba e bhʉ́ nakpɵtsɵ lɨyi bhʉ́ dabɨlɨ ne Kilisito. Anɨ aléke yi ngae makpe, anɨ tsía méne me yi lʉ kpekpeke bhʉ́ ndʉ ’ngʉ́ hana má kpɵkɵbhɵ!