2 Tesalonike 2:7 - Gandja na Mbɨa

⁷ Padhá de, anga angu ɨnde awo lɨe mawo gba kpéke ’ndjɨ bhomʉ-o akpo lita kulu akpo. Engʉ́ bini, kpála ɨnde ngani kpadjɨ pɨ anɨ-e adʉ́ nga bha o-o akólo lɨ nedhɨnga u aé anɨ lɨe-o.

2 Tesalonike 2:7 ပူးပေါင်းရင်းမြစ်များ

1 Djaa 2:18

Odi ma, sokpɨ́-e akolo masɨkpe! Yi adje nanɨ engʉ́ ɨnde u apa e adje. U apa nanɨ me: «A ayo me bhʉlʉ yala gba Kilisito-o go.» Mbɨa ɨnde-e, obhʉlʉ yala gba Kilisito aze bhibhiti. Kaka-a, nɨ́ ngambɨla me sokpɨ́-e akolo masɨkpe.

Kulu 20:29

Padhá de, anga ma ambɨla ndjɨndjɨ me pɨta ma-a, okpála ɨnde maka onʉte-e alɨ́ bhʉ́ ká yi. U tsia bhɵ́lɵ piga gba Ebhe-o.

1 Djaa 4:3

La-a, kpála bhende ngapa me Yesu Kilisito go bhʉ́ kʉte na kpála-kʉtɨ de-e, kpála ango-o, bua bhende bhʉ́ anɨ-e, ayie ka Ebhe de. Engʉ́ bini, bua bhende bhʉ́ kpála ango-o, a ko mangbo bhende gba bhʉlʉ yala gba Kilisito ko. Yi adje nanɨ adje me, a ayo me bhʉlʉ yala gba Kilisito go. Mbɨa ɨnde-e, anɨ pɨ́la doto.

Apokalipisi 17:7

Abhomʉ-o, andjelu-o apa mʉma me: «Mʉ ngangamba ka nɨ? Ngama-a, ma ambámba ta ’ngʉ́ gba ɵlɵ bhomʉ-o ne enʉ ɨnde abɨ anɨ-e pɨ mʉ, enʉ ɨnde lɨ e ne ’ndjɨ ’ndjɨ mananɨka di ne odidi ndjɨkpa-o.

Apokalipisi 17:5

U aye pɨdi anɨ ɨlɨ bini ɨnde lɨ ta e awo lɨe mawo. Ɨlɨ ango-o me: «Babilona na ngbéngbé, ’hi obhʉlʉ zabhe di ne osisiti ’ngʉ́ na doto-o.»

1 Timotio 3:16

A na paká me, engʉ́ ɨnde lɨ Ebhe ambamba ta e pɨ nɨ́ pɨndjɨ nabhuka gba nɨ́-e ngbéngbé. Engʉ́ ango-o me: Kilisito ago pɨ́la doto bhʉ́ kʉte maka kpála-kʉtɨ, Bu Bhobua asuno me, anɨ ngbingbili, oandjelu atsia au anɨ. U akpokpo engʉ́ gba anɨ-e pɨ okpála ɨnde ne omaYuda ade, okpála na pɨ́la doto libhomu abhuka anɨ, Ebhe atsia ae anɨ abhʉ́lá bhʉ́ sangu gba e-o.

2 Tesalonike 2:6

Yi mbɨla la bhadi hana me ehe ɨnde ngani kpadjɨ pɨ kpála ango-o me anɨ akóto mbɨa ɨnde-e de-e ne nɨ-ie, amba anɨ koto bha bini lɨ nedhɨnga ɨnde lɨ Ebhe ao e pɨ anɨ-o.