2 Kolito 6:2 - Gandja na Mbɨa

² Padhá de, anga Ebhe apa bhʉ́ Bhuku gba e me: «Nedhɨnga akolo lɨe me ma mene bádha ’ngʉ́ pɨ yi okpála gba ma-a, ma adje yi. Nedhɨnga akolo lɨe me ma kobho yi-e, ma ateteke yi.» Ondaise ma, yi gbo ’dje yi, a ko mbɨa ɨnde-e nedhɨnga na babadha, a ko nedhɨnga na mʉkobho.

2 Kolito 6:2 ပူးပေါင်းရင်းမြစ်များ

Ebele 4:7

Kaka-a, Ebhe ao matá ekpɨ́ koko, ekpɨ́ ɨnde u aɨ e me: «Nakɨ ɨnde.» Anɨ apa nanɨ engʉ́ na ekpɨ́ ango-o sidi naali bhʉ́ ’li Davidi, bhʉ́ lukuluku ɨnde u apa ’ngʉ́ lɨ e kalanʉ-o me: «Ɨ dʉ me yi nde adje ’li Ebhe nakɨ ɨnde-e, yi agbíte bua yi de.»

Ebele 3:13

Anɨ ngaɨ yi ndʉ ’kpɨ́ hana. Ka ’ngʉ́ ango-o, lɨ ekpɨ́ na nakɨ ɨnde lɨ Bhuku ngapa ’ngʉ́ e nde nga bha ngabhue lɨe, yi teteke lɨyi sʉnda yi nedhɨnga yi ngadje eɨ ango-o lɨe-o. Ɨ dʉ mo-o, siti ’ngʉ́ píte yi de, kpála bini bhʉ́ ka yi yála la di namanga Ebhe de.

Ebele 3:7

Kaka-a, a maka lɨ Bu Bhobua apa lɨe me: «Ɨ dʉ me yi nde adje ’li Ebhe nakɨ ɨnde-e,

Luka 4:19

Ngama-a, ma akpókpo pɨ okpála me nedhɨnga ɨnde lɨ Ebhe adjé ndjinga uo lɨe akolo.»

Luka 18:37

Okpála atsia agie pɨ anɨ me: «Yesu, kpála na kʉtɨ na Nadjaleta ngakodho ’kpɨ́ bhomʉ-o ngae.»