1 Piele 2:25 - Gandja na Mbɨa

²⁵ Padhá de, anga yi dʉ nanɨ maka okandɵlɵ ɨnde angɨta. Engʉ́ bini, mbɨa ɨnde-e, yi agie lɨyi agba mʉlila, ɨnde ngalila bua yi-o.

1 Piele 2:25 ပူးပေါင်းရင်းမြစ်များ

Kulu 20:28

Yi lila lɨyi ngayi makpe, di ne ndʉ piga hana ɨnde lɨ Bu Bhobua ao e sa ’kpa yi me yi lila e ko. Yi lila Piga gba Ebhe ɨnde anɨ akala e ne ngʉte Ndɨlɨ gba e makpe ko.

Matié 9:36

Lɨ anɨ au kambɨ okpála lɨe, anɨ adje ndjinga uo naali, anga u adʉ me u nde andala, angu uo nde la di andjia maka piga okandɵlɵ ɨnde lɨ mʉlila nde ka o ade.

Matié 18:12

Yi ngabhundja pɨ? Lɨ kpála bini dʉ ne okandɵlɵ kámá bini-e, lɨ sʉka uo bini ngɨta-a, anɨ ó ká obhende ndjɨkpa odukpabini ne ká odukpabini-e apɨ́ ’ta dɨ, anɨ tsia nʉ́ nagɨlɨ bhende angɨta-a dɨ?

1 Piele 5:4

Lɨ yi mene mo-o, ekpɨ́ lɨ Yesu Kilisito ɨnde ngalila nɨ́-e agó lɨe-e, yi sía makalá na sangu ka anɨ. Makalá ango-o ngadʉ dʉdʉma ne dʉdʉma.

Ebele 13:20

Ebhe ɨnde lɨ guo ’ngʉ́ ngayie ka e, azuku Ngámá gba nɨ́ Yesu bhʉ́ ká okpála ɨnde amu-o. Anɨ akolo ’ngbé mʉlila gba okandɵlɵ ne ngʉte e ɨ nde anɨ aha e maka makiso. Anɨ amene me gandja na dʉdʉma-a lʉ pɨ́ ngʉte ango-o.

Ebele 3:1

Kaka-a, ondaise ma omakilisito, ngayi okpála ɨnde lɨ Ebhe aɨ o-o, yi o mabhundja gba yi-e pɨ́ Yesu. Padhá de, anga Ebhe atima anɨ ngʉbula me anɨ dʉ bhʉlʉ titima di ne ’ngbé dimandɵ gba nɨ́-o, nɨ́ atsia abhuka la bhadi ka anɨ.

Ebele 5:2

’Ngbé dimandɵ gba Ebhe-e ngae makpe di bhʉbhʉkʉ. Kaka-a, anɨ tɨ da nadje ndjinga okpála ɨnde lɨ ɨmbɨlangʉ nde bhʉ́ ’ndjɨ o ade, ɨnde di ambu lɨ kpadjɨ-o.

1 Piele 3:20

A ko bua okpála ɨnde ayala nanɨ nadji bua o nedhɨnga lɨ Nʉa adʉ abho ’ngbé zabʉ lɨe-o. La-a, Ebhe adjeke nanɨ uo ne ’ndjá bua. Okpála ɨnde lɨ engu-o akobho nanɨ o-o, u dʉ bhelé de. A adʉ bha nanɨ okpála madjɨna padhá ɨnde aʉʉ nanɨ bhʉ́ zabʉ-o.