1 Kolito 7:30 - Gandja na Mbɨa

³⁰ Okpála bhende ngaku ’gbá-a mene mʉgɨto me uo bhʉ́ lɨkabhu ade. Obhende ngamʉ ’zo-o mene mʉgɨto me uo bhʉ́ djalɨ ade. Obhende ngakala ’he mene mʉgɨto me ehe ka uo ade.

1 Kolito 7:30 ပူးပေါင်းရင်းမြစ်များ

Djaa 16:22

Ngayi di-e, mbɨa ɨnde-e, yi bhʉ́ lɨkabhu. Engʉ́ bini, ma aú matá yi mau. Yi tsia kpí djalɨ lɨ bua yi. La di-e, kpála bini é djalɨ ango-o bhʉ́ yi de.

Luka 6:25

A ko lɨkabhu pɨ yi, ngayi obhʉlʉ ká ’zʉ́ mbɨa ɨnde, anga yi adʉ́ adjé gʉmʉ! A ko lɨkabhu pɨ yi, ngayi obhende ngamʉ ’zo mbɨa ɨnde, anga yi adʉ́ bhʉ́ talia, yi tsia dʉ́ naku ’gbá!

Luka 6:21

A ko djalɨ pɨ yi, ngayi obhende ngadje gʉmʉ mbɨa ɨnde, anga yi azʉ́ ’he, yi tsia ú u! A ko djalɨ pɨ yi, ngayi obhende ngaku ’gba mbɨa ɨnde, anga yi amʉ́ ’zo!

Apokalipisi 18:7

Anɨ adʉ akpi ndjɨlɨ naali bhʉ́ asasaua na tɨa gba e-o. Kaka-a, yi gie di lɨkabhu ne mʉlopolo pɨ anɨ lɨ lelele. Padhá de, anga anɨ ngapa lɨ bua e me: ‹Ma adʉ pɨ́ kiti na ɵlɵ gba ngámá, ma ne ɵkɵ ade, ma adʉ́ galikpe bhʉ́ talia de.›

Apokalipisi 7:17

Padhá de, anga Ndɨlɨ Kandɵlɵ ɨnde alʉ kala kiti na ngámá-a adʉ́ maka mʉlila gba uo ngae. Anɨ ató bhʉ́la uo lɨ bɨlɨ lɨ okpongu na mʉkobho nde lɨe-o. Ebhe tsia kúo ngʉla sala uo hana.»

Luka 16:25

Abalahama agie pɨ anɨ me: ‹Ndɨka ma, bhundja me mo osia nanɨ tɨa bhelé lɨ nedhɨnga mo odʉ lɨe bhʉ́ mʉkobho pɨ́la doto-o. La-a, Ladjalo atsia asia nanɨ naae lɨkabhu naali. Mbɨa ɨnde-e, anɨ ngasia bádha ’ngʉ́, mʉ la naamʉ ngasia lɨkabhu.

1 Kolito 7:29

Ondaise ma, ma akʉnda napa pɨ yi me, nedhɨnga ɨnde atigala pɨ nɨ́-e bedɨ. Nayie pɨ mbɨa ɨnde ngʉ́ nanʉ ne kalanʉ-o, a ayo me okpála bhende ka o ne olɨsɨ dʉ mʉgɨto me olɨsɨ ka uo ade.

1 Kolito 7:31

Obhende ngasia tɨa na doto ɨnde-e mene mʉgɨto me tɨa ka o ade. Padhá de, anga doto maka ɨ ngau lɨe lɨe mbɨa ɨnde-e, bhúe matá nedhɨnga bhelé de.