1 Djaa 3:20 - Gandja na Mbɨa

²⁰ Padhá de, anga ɨ dʉ me bua nɨ́ nde ngapa pɨ nɨ́ me nɨ́ ne engʉ́-o, nɨ́ ngambɨla ndjɨndjɨ me Ebhe-e, anɨ ngbéngbé ane bua nɨ́ mane. La di-e, anɨ ambɨla ndʉ ’ngʉ́ hana má kpɵkɵbhɵ!

1 Djaa 3:20 ပူးပေါင်းရင်းမြစ်များ

Ebele 4:13

Ehe bini nabho mabho ɨnde awo lɨe kala Ebhe-e ade. Ndʉ ’he hana ɨnde anɨ abho e ngau lɨe mbámbá kala anɨ. La di-e, nɨ́ akpókpo ndʉ ’ngʉ́ gba nɨ́-e hana kala anɨ.

1 Kolito 4:4

Padhá de, anga pɨ ma-a, bua ma pa mʉma de me ma ngamene siti ’ngʉ́-o de. Engʉ́ bini, bhobhomʉ-o kʉnda napa de me ma mene siti ’ngʉ́ de-e de. Ngámá Ebhe akódho mangbo engʉ́ gba ma-a ngae. A akódho ne kpála koko de.

1 Djaa 4:4

Engʉ́ bini, odi ma, ngayi-e, yi naayi ne okpála gba Ebhe. Yi aha angu opolofeta na eu-o aha. Padhá de, anga Bua bhende bhʉ́ yi-e ne angu naali ane bua bhende bhʉ́ okpála na doto-o mane.

Djaa 21:17

Yesu ayi matá anɨ bhʉtsibhʉtsi na bata-a me: «Simo, ndɨlɨ gba Djaa, mʉ kʉnda ma uu?» Piele asia lɨkabhu lɨ bua e. Padhá de, anga Yesu ayi anɨ bhʉtsibhʉtsi na bata me: «Mʉ kʉnda ma uu?» Anɨ atsia apa pɨ Yesu me: «Ngámá, mʉ mbɨla ndʉ ’ngʉ́ hana. Mʉ mbɨla bhadi hana me ma kʉnda mʉ!» Yesu apa pɨ anɨ me: «Kʉ okandɵlɵ gba ma-o.

Apokalipisi 2:23

Ma abhíli okpála ɨnde ngakpata nganda anɨ-o, lɨ ndʉ okpála na oDadjua gba Ebhe-e hana mbɨ́la me ma ne kpála ɨnde ɨ ngambɨla mabhundja di ne gʉmʉ gba okpála hana. Ma ahá pɨ kpála ne kpála bhʉ́ ká yi makalá nakpata bha lele siti ’ngʉ́ ɨnde anɨ amene e ko.

Tito 3:11

Mʉ mbɨla ndjɨndjɨ me, ngua kpála bhomʉ-o ayie lɨ ngbili kpadjɨ ayie. Anɨ atsia ao lɨe bhʉ́ mangɨmbo ngae makpe, ka anɨ azɨ ’ndjɨ e lɨe bhʉ́ namene siti ’ngʉ́-o.

Djaa 8:9

Lɨ u adje oeli bhomʉ-o lɨe, ndʉ uo hana atsia aholo ayie bini ne bini. Akpo nayie ne obhelesɨ okpála. Yesu atigala bha ngae kpi e kpi. Ɵlɵ ango-o atsia adʉ la bhadi lɨ bɨlɨ ɨnde u ao anɨ lɨ e bhomʉ.

Ebele 6:13

Lɨ Ebhe apa nanɨ lɨe pɨ Abalahama me nɨ ahá ehe pɨ anɨ-e, anɨ apa ’ngʉ́ ango-o ne natʉ silika ne ’lɨ e makpe. Anɨ amene mo-o, anga kpála koko ɨnde ngbéngbé ane anɨ ade.

Kulu 5:33

Lɨ Libi okpála natsia ’kpɨ́ lɨ ’ngʉ́ gba omaYuda adje engʉ́ ango-o lɨe, u abɨ ’gʉ́ naali. U di me bhili obhʉlʉ titima gba Yesu-o.

Loma 8:34

Kpála bini tɨ da nao ’ngʉ́ pɨ́ okpála lɨ Ebhe abhʉ o de. Padhá de, anga Yesu Kilisito ngae makpe akpi pɨ nɨ́. Pépé-e, anɨ azuku, anɨ alɨ lɨ pá ’kpa na kokpa gba Ebhe. Anɨ di ngayo Ebhe ngʉbula nɨ́.

1 Djaa 3:19

A bhomʉ-o engʉ́ ɨnde nɨ́ ambɨ́la ka e me nɨ́ bhʉ́ kʉkʉlʉ ’ngʉ́ ko. La di-e, lɨ bua nɨ́ tsia dʉ́ guguo kala Ebhe.

1 Djaa 3:21

Ondaise ma na mʉkʉnda, ɨ dʉ me bua nɨ́ nde apa me nɨ́ ne engʉ́ ade-e, nɨ́ dʉ́ kala Ebhe ne tsʉlʉ de.