Taitasi 2:2 - Godoni vuʼa maiuʼina

² 'Ene emaa 'u'o 'warave areme sonasahe hine hura vene vwiha hami vwihane 'ee huni nimaaroa arira name 'ee oja aririji mihe 'ee masuani ajuarana hija.

Taitasi 2:2 ပူးပေါင်းရင်းမြစ်များ

Maka 5:15

Pu Jesuni roi kavume ea ka'ene 'avena sisei ajivi'inijaho ateha iruhe húmata mara'eme masuani hijuma pu kamareja niho'o tea junamana.

Ruku 8:35

Ea mapoka Hura raka ka'ene vejume renaji ka'i 'ahiume va'ajivara. 'Ejume pu roi'i kavu'e ea ka'ene 'avena sisei súmahi'inaka Jesura vejume maranajaho Jesuni mumora rora kajino vwiha irame asuma mavarasa'ina'e hijume pu ijí kavajihuna'e tea junamana.

Akisi 24:25

'Ejume Porura 'unama ariramaaru vehuna 'warame 'ee hia hami 'ajohuna 'ee Godira 'otua túna'i ni'ima'uraka vehunijaho 'waravume Pirikisiho ijí henarena tea juvume raname ijá 'wama Va hino'eje nara kú'o 'umena heji'i ro'amana 'wamana.

Romani 12:3

Ijihuni maijaho Godi na maiji vwihaniarena na Huni pwea re'urono iji pijihana. Ijihuna'e ja eaka mapokakihi ika'ina 'waravu. Ja joni haharu vwihanareje pa'unirame 'eke ichutoi 'ahasiri'avara. Vea ka'ene ja joni haha vwihajuri veijaho ariramaaru vwiha'avara. 'Enakúne veje ea kwinu kwino Godira hu nimairoa ichá'ina'e vajahajaho vwihaji'i hi'amana.

1 Koritia 15:34

'Enakúne hami vwihanareje sisea vejujaho areha! Ijihuna'e ja ea 'aho'a Godi pahene pakavura. Na ikaho ja juname vahi'ena'amarono 'waravu.

1 Koritia 9:25

'Enajihuna'e ea ka'ene tacharavujija pu uneunecha maho'o hami akuavura. Ija'ina ka'ene pu vejujaho pu eha ka'ene pa'arehuniji ape'irono avajura. 'Enakaivo nú eha ka'ene papa'arehuniji apehuna.

2 Koritia 5:13

Nú húmata siseranu'amajaho nú Godoni jihuna'e avahuna. 'Enakaivo núni vwiha arira'e na'avajaho ijaho jonijihuna'e avahuna.

Karesia 5:23

Vivinui hiji'ine 'ee 'ajo'aravujine uneunecha ika'inijija varapa pa'ana.

Piripai 4:8

Túchamaijaho vwehu nune irakijara nimaa'e 'ee irakijara hura vejura 'ee irakijara arire 'ee irakijara ariramaa'e 'ee irakijara mavarasa'ina'e 'ee irakijara iha mamaa 'urihuna 'ee unenua 'aho'a mamaa areri ta'arorahuna ijákajihuni toi joni vwiha ijija irecha'avara.

1 Tesaronia 5:6

'Enakúne roe ja pu'úmo ea 'ahopo vejuja'ina'e panotui kaivo 'urine nia nirie 'aiha veji'i hija.

1 Tesaronia 5:8

'Enakaivo nú ea ka'ene veirihuni jihuna'e roe masuani núni túratakaho nimairoa 'ee oja 'ekaravujino same 'ee isúa nimairoa ka'ene ni'ajúhajino sava.

1 Timoti 1:10

'Ene parua ka'ene 'uasa veji'ina 'ee parupo parua hurichavi'ina 'ee napapo napara hurichavi'ina 'ee monihuna'e ea nesi 'eki'ina 'ee ira'asina 'ee ira'atijino ea hemahe 'waravi'ina 'ee uneunecha 'unama aririjaho panajahu jihipuna'e Tamanakaho vejara.

1 Timoti 1:14

'Enakaivo núni Natohwi jihuni maiji vwihani'inijaho 'ee nimaa roijaho 'ee oja 'ekarahunijaho Jesu Keriso oni vaji ni'ima'ura rena paranana.

1 Timoti 1:2

Timoti a nimaa ronujihuna'e a nuni hariha renana. 'Ena'omo Godi Amo'o Jesu Keriso ka'ene núni Natohwiji'o a maiji vwihanae 'ee numirame 'ee matauvi'iniji 'waramare'e veju.

1 Timoti 1:5

Nara vu'a ka'ene najahu jihuni maijaho oja 'unama mamaijino 'ekarame 'ee hami vwihane 'ee hami nimaa ro'avara.

1 Timoti 3:11

'Ene 'unama nikwinu'ina kajino napahwaha epuni hura veji'ine 'ee ea 'ahopuni vu'a sisea pakosarame oji'ine 'ee opuipo hami 'ajo'aravi'ine 'ee uneunecha maho'o ariraru pauchauchahi veji'ina.

1 Timoti 3:2

Ijí ea ka'ene 'ajoha'ina kajaho ea hu panamahi'ine 'ee napara nikwinune 'ee ori'ini 'ajo'aravi'ine 'ee hami hiji'ine 'ee huni hura veji'ine 'ee ea suja mapoka aherame huni sei roi'ine 'ee areri ea najahunijara re'amana.

1 Timoti 3:4

Hu ea ka'ene huni kachi'ina hami 'ajohai'ine 'ee hura 'unama aririjino veju'e sesahwaha huni hura vene 'ee huni ira hene veji'inijara re'amana.

1 Timoti 3:8

Ijí 'unama nikwinu'ina kajino tikoni 'u'o ea puni hura vene 'ee mitara patukaravi'ine 'ee toa sisea oja pamihi'ine 'ee 'unama siseijino monia 'eki'inijija parehuna.

1 Timoti 5:1

'Ene ira kisi emaa pa'urara'avara vo omuna'e jarima 'waramu ja'ina'e 'warame 'ee kivasijija vwehuana'e 'waramu ja'ina'e 'wara'amana.

Taitasi 1:13

Ijí raka ka'ene hura 'warama kajaho nimaa ariramaa. 'Enakúne a niho'o hami ira kisi najahakame puni nimaaroijaho ija kisi apene puni una'i saname ve'avara.

Taitasi 1:8

'Enakaivo hu apiora oja mihe hami 'ajoahuna. 'Ene maijiru oja mihuna 'ee hu hami vwihaji'i vehuna 'ee hu ea mamaa 'ee huni kaukara oja mihi'i venuna 'ee hu oja pahiavi'ina 'ee pa'uriji'ina.

Taitasi 2:7

A 'u'o uneunecha mapoka ka'ene a ve'amajaho unama mamaaru vejakame pu 'u'o mamaaru ve'avara. A ea naja'amajaho ariraru najahe pu ara raka ka'ene najahu jihuni hura ve'avara.

Pairimani 1:9

Emaa oja mihujihuni hurijihuna'e na a jarirame 'waravu. Na Poru ka'ene iviamaa Jesu Keriso oni tipurea rena hi'eme ema rejujara 'waravu.

1 Pita 1:13

Ijihuna'e hami vwihaha 'ee ojono joni oja 'ajo'arame joni nimaa roijaho maiji vwihanúana ka'ene Jesu Kerisora ro'amajino apena rohuni jihuni toi rana'avara.

1 Pita 4:7

'Ene uneunecha maho'o ikihi puni ura ijaho ni roe turana paranu. 'Enakúne jara siporua ka'ene 'ohuni jihuni hahi joni oja vwiha hami piuhihe masuani ajuarasahe hi'avara.

1 Pita 5:8

Ojono 'ajoarame nia hami niri'i hi'avara. Joni naka Setaniho raioni puna'i atavi'i ea pina kame mwatume i'isú'irono niria parane onu.

2 Pita 1:6

'Ene joni henaka vajijino ojono 'ajoarame kirasahunijaho aperu umana'avara. 'Ene vivinui hijuri vajijino Godoni 'unamaji vejujaho aperu umana'avara.