Taitasi 2:12 - Godoni vuʼa maiuʼina

¹² Ijí Godoni maiji vwihani'inijara nú najuhe nú 'unama sisea arehuna. Mwe'a kehuni 'unama paitunume 'ee hami vwihaji'i hine 'ee ariramaa hine 'ee mwe'i hina apena va'ukaho Godoni 'unama maijino veji'i hi'avara.

Taitasi 2:12 ပူးပေါင်းရင်းမြစ်များ

Matiu 12:32

'Ene ea irahipo Ema Puni Harihijihuna'i ira sisea 'wa'avajaho puni sisea vwihanie arehuna kaivo Godoni 'Aveni jihuna'i sisea 'wa'avajaho Hu niho'o puni sisea iviamaa pavwihanie areme 'ee vea ka'ene pu kwamasa'avari túna'ijaho pavwihanie arehuna.

Matiu 16:24

'Enarena Jesura Huni tisaiporu ijá 'iama Ei pini Nuni túna'i roi ve'amajaho hu huni oja maka'i kaivo huni korosia apene Na 'ararihi'amana.

Matiu 28:20

'Ene pu najahakame iraka ka'ene Nara ja 'waravujija pu ija kisi apena ve'avara. Parunami'avara. Na ja pu'úmo na'ia mapoka mapoka hina apena va'u va'u va'e mwe'a pa'are'amani uriji 'e'uhuna 'iamana.

Ruku 1:6

Pu Godoni una'i niho'o arira 'urahe ojure 'ee Natohwi jihuni tamanijara 'waramu ja'ina'e ojura.

Ruku 1:75

'Ene Huni una'i arimaa 'ee nimaa nimaa núra hi'avari veijaho hina vena apene vahuna.

Joni 14:30

Na 'aha josu'a ja pu'úmo vu'a pa'wahuna. Ijihuni maijaho mwe'a kehuni natohwa rou. 'Enakaivo huni harura pina Nuni vaja pa'ana.

Joni 6:25

'Enareja soha 'ona kara'i pu Hu piunavara. 'Enareja pu ijá 'wava Najuhi'ine A vecha ika roane? 'wavara.

Akisi 24:16

'Enajihuna'e na na'ia mapoka harura vejukame nuni vwiha veju'e Godoni una'a 'ee emaapuni 'una'i arira'e navu'e na namihuna areri parenuna.

Akisi 24:25

'Ejume Porura 'unama ariramaaru vehuna 'warame 'ee hia hami 'ajohuna 'ee Godira 'otua túna'i ni'ima'uraka vehunijaho 'waravume Pirikisiho ijí henarena tea juvume raname ijá 'wama Va hino'eje nara kú'o 'umena heji'i ro'amana 'wamana.

Romani 12:2

Ja ike mwe'a kehuni 'unamijaho pa'ararihaha kaivo ta'arohe joni vwiha veje maiu'ina re'avara. 'Ejakame ja Godoni ura ka'ene mamaa 'ee ariramaa 'ee hu teamahuni ja'ina'e najaha.

Romani 6:12

'Enakúne ja paveje siseijara joni haha kehuni 'unamijaho natohwa'e rejakame ja joni haha kehuni ituniji hene ve'ava.

Romani 6:19

Na ema puni 'unamijino ikaho 'waravu jihuni maijaho joni hahijaho majano ajuasina'e rena namu. Ja maraku sisei jihuni pwehija rene 'ee joni haha pwina sisei jihuni pwehija rene 'ee hine hura hara sisea vena apene roarakúne iviamaa joni haha pwinakaho vajahe arimai jihuni pwehija'e rejakame ja Hua'ina'e rena apene va'i hi'avara.

Romani 8:13

'Enajihuna'e ja hahijihuni ura ijí veji'i hi'avajaho ja kwamasahuna kaivo ja 'Avenijara ura renuja'ina'e hijujaho ja hahijara raka ka'ene venujaho 'aniu'e pa'arenujihuna'e ja majama hihuna.

2 Koritia 1:12

Ijihuna'e núra teamanumujaho ikena. Núni vwiha ijara 'warumujara nú Godoni maiji vwihanii'ina vajijino mwe'a ikehuni vaja 'ee jonuna'a kara mamaa vejara. Nú akuavare Godi ura renuni 'unamijino nimaa nimaiji vejara kaivo mwe'a kehuni vwiha ijihunijaho pana.

2 Koritia 7:1

'Enajihuna'e vwehu núna ka'ene nú oja mihi'ine ike nahama 'warumake henareje roe ja pu'úmo uneunecha ka'ene veje núni haha 'ee 'avena siserasahunijija areva.

Karesia 1:4

Hu núni sisei jihuna'e kwamana 'ee areri Godi ka'ene núni Omijara Huni ura ijino niamariarama ja'ina'e ike mwe'a sisea vajakino ni'ajúhe siriruma ruva'ana.

Karesia 5:24

'Ena'omo iviamaa ea ka'ene Kerisouna'e rejajija pu hahijara itumuna 'ee ura rena paranujija nikorosia 'ahi 'aniara.

Epasasi 1:4

'Ene Hu nú mwe'a paveji'ini Huni vaji iji pijúhana. 'Ejakame nú Huni una'i oja mahi'ina rene akuavi'ina rene 'ee sisea panamuhi'ina'e re'avarono iji pijúhana.

Epasasi 2:2

Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

Korasia 1:22

'Enakaivo Hura hahiji'i kwamana vajijino ja venaume 'unama Hu hu'úmo napura vejara. 'Enarena aherume roe Godoni una'i irechamiu'e ja ivi'a akuavi'ina'e 'ee panamahi'ina 'ee niho'o sisea pina pa'ana'e namiju.

1 Tesaronia 4:7

Ijihuni maijaho Godira nú 'umenuajaho nú 'unama sisea ka'ene 'uasa ve'avarono ija pijúhuna pana kaivo nú ariramaa rehuni jihuna'e iji pijúhana.

1 Tesaronia 4:9

Jara vwehu jona ichá'ina'e oja mihunijaho ea pina mai'o pavene 'warahuna. Ijihuni maijaho 'unama ka'ene vwehu jona'e ichá'ina oja 'ekarahunijaho Godira ja najahana.

1 Timoti 4:12

'Ene veje a ea maiu'ini jihuna'e a túa paveta'avara. 'Enakaivo ara vu'a 'waramuna 'ee onuna 'ee oja mihuna 'ee nimaa ronuna 'ee arira maa ka'ene venujara ea ka'ene nimaa roji'inijija najahakame pu 'u'o ija'ina ve'avara.

1 Timoti 6:17

Ea ka'ene monia 'ee kukua rukina ronare'e iviasi iki mwe'i hijujija 'warave pakehi kehi o'avara. 'Ene puni nimaaroijaho pairechave ijí puni monia ho kukua kajihi puni toi na'avara. 'Enakaivo Godoni toi irechave na'avara. Ijihuni maijaho Hura uneunecha maho'o núra 'eke temarasahuna vajúhuna.

1 Timoti 6:9

'Ene ea ka'ene kukua rukina rehuna ura renaujija ijipo venau'e sisea ani ani'ina vaji arihe 'ee itunavujara venau'e majikari haha hianame 'ee junahuni 'unama ka'ene pua'e pivahinamie pa'arehuna rejura.

2 Timoti 3:12

'Enajihuna'e ea Jesu Keriso oni vajijino hia arira'e hihuna'e ura re'amajaho nimaa'e ea pu sise'i 'ahihuna.

2 Timoti 4:10

Ijihuni maijaho Timasiho iviamaa ikehuni mwe'a ike oja maharena na ranamie Tesaronaikai va'ana. 'Ejume Kuresianisiho Karesia va'ana. 'Ejume Taitasiho Taramesiai va'ana.

Taitasi 3:3

Nú marako'a hami pavwihane 'ee vuataa pahene 'ee pisimúu'e nú hahijihuni ura ani ani'ina vene 'ee hahijara teamahuni jihuni pwea rejara. 'Ene sisea vaji hine 'ee ea 'ahopuni kukua kime itunume 'ee senuma paranúe 'ee ea 'aho'a pu'úmo sena vejara.

Hipuru 8:11

'Ejakame pu ehwaha 'ee kachihwaha Natohwiji hena kavi'ina re'ipisana pa'wahuna. Ijihuni maijaho emaina sesamaa maho'o pu Na hena kivi'ina rehuna.

Jemisi 1:27

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

2 Pita 2:9

'Enakaivo Natohwijara 'unama ichá'inijino ea ka'ene Godi hena kavi'inijihi venakia vaji ni'ajihuna arerina. 'Ene ea ka'ene arira pa'ajija 'otua veijino eha mihuna'e irechamiu'e hiju.

2 Pita 3:11

Ijihuni maijaho uneunecha ikija maho'o hirama arihe pa'arehuni jihuna'e ivi'a ja ea ichá'ina rehuna'e vwihajo? Joni kara ariramaa'e rene 'ee Godi ura renu ja'ina'e hi'avara.

1 Joni 2:27

Huni 'Avena joni oja vaji samahume ja apejara. 'Enajihuna'e ijí 'Avena kajara joni oja vaji hinajihuna'e ei pini ja najahuna areri pana. Hura samaha kajara uneunecha maho'o najahuna. Ijí uneka ka'ene Hura najahujaho nimaa nimaa kaivo ira'ata pana. Hura ja najaha kaja'ina'e Huni vaji hiha.

1 Joni 2:6

Ea irara Huni vaji hinu 'iamujaho hu Hura 'urahe onaja'ina'e ohuna.

1 Joni 5:19

Nú niheju. Nú Godona kaivo mwe'akaho maho'o 'avena sisei jihuni harura hari namu.

Juta 1:18

Pu ja ijá 'iavare Vea túchamaa re'eje ea matihi'ina mapoka'e puni hahijara sisea ka'ene itunavujiru veji'i hihuna 'iavara.

Revaresiani 14:12

Ea ka'ene Godoni varapa hena vene 'ee Jesuni vaji nimai rojujihija ata kisina namine sisea piunivuri veijaho mataume hihuna.