Ruku 20:47 - Godoni vuʼa maiuʼina

⁴⁷ 'Ene pu amuna pisivisavi'i puni sea nesi 'eke 'ee pisivisame erapo ki'avarono siporua jojora 'ojura. Ijihuna'e ja niho'o ni'ima'ura namahuna 'iamana.

Ruku 20:47 ပူးပေါင်းရင်းမြစ်များ

Matiu 23:13

'Enakaivo Sikuraipi 'ee Parasia ka'ene ira'asinakije joni eha sisea namu. Ijihuni maijaho eaka mapokijipo 'unama ka'ene Godoni ari vahuniji jara hina tanu'urihu. Jara Godoni ara kajaho pava'i 'ahiu'e ea 'ahopo pava'avarore'e ja ijihuna'e tanu'urihura.

Matiu 23:14

Sikuraipi 'ee Parasia ka'ene ira'asinakije joni eha sisea namu. Ijihuni maijaho ja amuna pisivisavi'i puni aachia nesi 'eke 'ee ea pisivisame siporua jojora 'ojura. Ijihuna'e ja niho'o ni'ima'ura'e namahuna.

Maka 12:40

Pu amuna pisimisame puni ara 'eke 'ee emaapo ki'avarono siporua jojora 'ojura'omo ea ijá kajija túna'i niho'o eha sisemaa 'ekahuna 'iamana.

Ruku 12:1

Ea mapoka'e Huni rora kajaho ani rene ajime ateji tauta'aravi'i hi'eme Hu Huni tisaiporu amura Peresi rone ijá 'iama Ja hami Parasia puni isitia ki'avara. Ijihuni maijaho pu ira'asina.

Ruku 20:46

Sikuraipia hami ki'avara. Pu ateha jojora same 'ee pu maketi ea 'aho'apo pu kimareje oja mihe hura puna vene 'ee hami 'ajorame 'ee Sinakoku vaji ruha ka'ene mama'inijihi 'eke una'i kama hijura. 'Ee ahaja ijuri veijaho pu ura kahe eaka mapoki jihipuni una'a kahi hi'irono ura rena parajura.

Ruku 21:1

Hu 'urine katua tevua rori ijí hina ea ka'ene uneunecha ani reji'inijija roe puni swara savu kaji kivi'i hinana.

1 Tesaronia 2:5

Ja niheju ja'ina'e nú ira toa vene 'warahuna pana 'ee joni uneunecha 'eka'irono pisivihuna pana. Ijihuni maijaho Godiho núni vu'a nimaa vetúu.

Taitasi 1:16

Pu Godoni ea 'úvu kaivo raka ka'ene pura vejuji nú kivujaho pu nimaa Godoni ea pana. Pu niho'o sakarasahi'ini jihuna'e Godoni ira pataarohura. Pura unenu pina mamaa areri vehuna pana.

Jemisi 3:1

Vwehu nune veje ja ea mapoka najahi'ina pare'avara. Ja nihena kavuja'ina'e nú ea ka'ene ija'inijija ni'ima'ura'e eha sisea apehuna.